బిగ్‌హౌస్‌లో ఎప్పుడేం జరుగుతుందో చెప్పలేంగానీ, బిగ్‌ హౌస్‌లోకి ఎవరు వెళ్ళినా.. ఇమేజ్‌ చెడగొట్టుకుని రావాల్సిందేనని మాత్రం ఖచ్చితంగా చెప్పొచ్చు. గత సీజన్‌ నుంచి ఈ పైత్యం ఎక్కువగా కన్పిస్తోంది. హేమ మీద బ్యాడ్‌ ఇమేజ్‌ పడటం చూశాం. జాఫర్‌, సేఫ్‌గా బయటకు వెళ్ళినా, వెళుతూ వెళుతూ బాబా భాస్కర్‌ మీద హౌస్‌మేట్స్‌లో నెగెటివిటీ పెంచేలా, చిచ్చు పెట్టిపోయాడు.
ఇదిలా వుంటే, తాజాగా గ్లాస్ బాక్స్‌ని బద్దలుగొట్టి శ్రీముఖి హౌస్‌లో బ్యాడ్‌ గర్ల్‌గా మారిపోయింది. మొదటి నుంచీ శ్రీముఖిపై మిగతా కంటెస్టెంట్స్‌ కొంత గుర్రుగానే వున్నారు. గెలవడం కోసం శ్రీముఖి అడ్డదార్లు తొక్కుతుందనీ, తనదైన నటనతో ఇక్కడి విషయాలు అక్కడ, అక్కడ విషయాలు చెప్పి హౌస్‌లో వాతావరణం చెడగొట్టేస్తోందనీ హౌస్‌ మేట్స్‌ ఆరోపిస్తున్న విషయం తెల్సిందే. ఆ ఆరోపణలకు తగ్గట్టే శ్రీముఖి వ్యవహార శైలి మారిపోయింది. ఇతరుల భద్రత గురించి ఏమాత్రం ఆలోచించకుండా డంబెల్‌తో గ్లాస్ బాక్స్‌ని శ్రీముఖి బద్దలుగొట్టిన వైనం అందర్నీ ఆశ్చర్యపరిచింది.
బిగ్‌బాస్‌ కూడా ఈ విషయమై శ్రీముఖిని హెచ్చరించడమే కాదు, ఆమెను నేరుగా నామినేట్‌ కూడా చేసేశారు. అసలు శ్రీముఖి ఎందుకు ఇలా చేస్తోంది.? అంటే, ఈ ప్రశ్నకు సమాధానంగా ‘ఆమె, గత సీజన్స్‌ని బాగా ఫాలో అయ్యింది. పరిస్థితిని ముందుగానే ఆకళింపు చేసుకుంది. ఏం చేస్తే, ఆడియన్స్‌ పల్స్‌ పట్టుకోవచ్చో తెలుసుకుంది. అదే చేస్తోందిక్కడ’ అంటున్నారు హౌస్‌ మేట్స్‌. అందరితోనూ కలివిడిగా వున్నట్లుంటూనే, శ్రీముఖి ఒక్కోసారి టీమ్‌గా కలిసి ఆడాల్సిన ఆటని, సోలోగా ఆడేస్తూ, మిగతా సభ్యుల్ని వెర్రి వెంగళప్పల్ని చేసేస్తోంది. కానీ, ఆమె పప్పులుడకడంలేదు ఈ మధ్య. ప్రతిసారీ శ్రీముఖి నెగెటివ్‌గా హైలైట్‌ అయిపోతోంది. ఇంతేనా.? కావాలనే శ్రీముఖిని బిగ్‌బాస్‌ అలా చూపిస్తున్నాడా? ఇదీ ఆలోచించాల్సిన విషయమే.
789682 816185Man you legend. return see my internet site, you need to get pleasure from it. 757509