నటీనటులు : నాగార్జున, రకుల్ ప్రీత్ సింగ్, రావు రమేష్, వెన్నేల కిషోర్, లక్ష్మి, ఝాన్సీ తదితరులు ..
రేటింగ్ : 2. 25 / 5
దర్శకత్వం : రాహుల్ రవీంద్రన్
నిర్మాతలు : నాగార్జున అక్కినేని, కిరణ్ పి.
సంగీతం : చేతన్ భరద్వాజ్
కెమెరా : ఏ సుకుమార్
ఎడిటింగ్ : చోట కె ప్రసాద్
దాదాపు పదిహేడేళ్ల క్రితం అక్కినేని నాగార్జున నటించిన మన్మధుడు సినిమా ఎలాంటి సంచలన విజయం అందుకుందో అందరికి తెలుసు. ఇప్పడూ ఆ చిత్రానికి సీక్వెల్ గా మన్మధుడు 2 పేరుతొ సినిమా తెరకెక్కించాడు దర్శకుడు రాహుల్ రవీంద్రన్. నాగార్జునకు కూడా ఈ మధ్య చేస్తున్న సినిమాలన్నీ వరుసగా పరాజయాలు అవుతుండడంతో ఆయనకు మంచి హిట్ కావాలి .. అందుకే ఈ కథను ఎంచుకున్నాడు. మరి రెండో మన్మదుడిగా నాగార్జున మెప్పించాడా లేదా అన్నది తెలియాలంటే కథలోకి వెళ్లాల్సిందే ..
కథ :
సాంబశివ రావు అలియాస్ సామ్ ( నాగార్జున ) అతని ఫ్యామిలీ పోర్చుగల్ లో సెటిల్ అయిన తెలుగు కుటుంబం. సామ్ తల్లి ( లక్ష్మి ) అతని అక్కలు, చెల్లి తో కలిసి ఉంటాడు. అయితే వివాహం విషయంలో తనను ప్రేమించిన అమ్మాయి సుమ ( కీర్తి సురేష్ ) ని వాళ్ళు ఒప్పుకోరు దాంతో తన ఫ్యామిలీ తో గొడవ పెట్టుకున్న సామ్ కుటుంబానికి దూరంగా ఉంటాడు. కానీ ప్రతి ఆదివారం ఇంటికి వచ్చి వెళుతుంటాడు. అప్పటి నుండి పెళ్లి ఇష్టం లేక కేవలం అమ్మాయిలతో ఎంజాయ్ చేస్తూ సరదాగా లైఫ్ ని గడిపేస్తూ ఉంటాడు. ఇతని దగ్గర పనిచేసే కిషోర్ ( వెన్నెల కిషోర్ ) సామ్ పనులన్నీ దగ్గరుండి చూసుకుంటూ ఉంటాడు. ఆ తరువాత సామ్ తల్లి లక్ష్మి తన ఆరోగ్యం బాగాలేదు కాబట్టి ఎలాగైనా సరే సామ్ కు మూడు నెలల్లో పెళ్లి చేయాలనీ గట్టి నిర్ణయం తీసుకుంటుంది. ఈ నేపథ్యంలో పెళ్లి నుండి తప్పించుకునేందుకు అవంతిక ( రకుల్ ప్రీత్ సింగ్ ) తో డ్రామా ఆడతాడు సామ్. ఆ తరువాత వీరి ఫ్యామిలీలో జరిగిన సంగటనలు ఏమిటి? చివరికి సామ్ కు పెళ్లయిందా ? అసలు అవంతిక ఎవరు అన్న విషయాలు మిగతా కథ.
నటీనటుల ప్రతిభ :
సాంబశివ రావు అలియాస్ నాగార్జున సామ్ పాత్రలో నడిపించేసాడు. అయితే కొన్ని సన్నివేశాల్లో నాగార్జున వయసు విషయం తెలిసిపోతుంది. అందుకేనేమో .. నేను వయసులో పెద్దవాణ్ణి, ఏజ్ బార్ అంటూ తనపై తానే కామెడీ కూడా చేసుకున్నాడు నాగ్. ఒకరకంగా చుస్తే .. ఈ వయసులో కూడా నాగ్ .. ఇంకా మన్మదుడిగా కనిపించి అందరికి షాక్ ఇచ్చాడు. ఇక మన్మధుడు సినిమా తరహాలో అప్పటి మన్మదుడిని గుర్తుకు తెచ్చేలా కొన్ని సన్నివేశాల్లో నటించాడు. హీరోయిన్ గా చేసిన రకుల్ ఈ సినిమాతో మరో రేంజ్ నటిగా ఎదిగింది. ఇన్నాళ్లు మనం చుసిన రకుల్ వేరు .. ఈ అవంతిక వేరు. అవంతిక పాత్రలో మోడరన్ అమ్మాయిగా రకుల్ ఆకట్టుకుంది. గ్లామర్ విషయంలో అదరగొట్టింది. దాంతో పాటు నటి ఝాన్సీ కి లిప్ లాక్ ఇచ్చి మరి షాకిచ్చింది !! కిషోర్ గా వెన్నెల కిషోర్ పూర్తీ స్థాయి కామెడీ పాత్రతో ఆకట్టుకున్నాడు. ఈ సినిమాతో కిషోర్ మరో పదేళ్లు టాలీవుడ్ ని దున్నేయొచ్చు. అన్ని రకాల ఎమోషన్స్ ను పండించి ప్రేక్షకులను నవ్వించాడు. ఇక లక్ష్మి, రావు రమేష్, ఝాన్సీ తదితర నటీనటులు వారి వారి పాత్రల్లో బాగా చేసారు. గెస్ట్ రోల్స్ లో కీర్తి సురేష్, సమంత, బ్రహ్మానందం జస్ట్ ఇలా వచ్చి అలా వెళ్లారు ..
టెక్నీకల్ హైలెట్స్ :
మన్మధుడు 2 విషయంలో దర్శకుడు రాహుల్ రవీంద్రన్ ఎంచుకున్న కథే పెద్ద మైనస్. అసలు మన్మధుడు అనే టైటిల్ కి ఎలాంటి జెస్టిఫికేషన్ ఇవ్వలేదు. కనీసం పాత మన్మధుడు కథకు సీక్వెల్ గా ప్లాన్ చేసిన బాగుండేది. ఎలాంటి లాజిక్ లేని కథ, సంబంధం లేని సన్నివేశాలు. కథలో ఎక్కడ సీరియస్ నెస్ రాకపోవడం. బూతు డైలాగ్స్ .. డబుల్ మీనింగ్ చేష్టలు .. ఇవన్నీ ప్రేక్షకుడిని ఇబ్బంది పెట్టె అంశాలు. ఇక నేపధ్య సంగీతం కూడా అంతంత మాత్రంగా ఉంది. సినిమాకు ప్రధాన హైలెట్ ఫొటోగ్రఫీ, చోట కె ప్రసాద్ అందించిన ఫోటోగ్రఫి హైలెట్స్. అలాగే ఎడిటింగ్ కూడా బాగానే ఉంది. ఇక డైలాగ్స్ బాగా పేలాయి .. కానీ అందులో డబుల్ మీనింగ్స్ ఎక్కువగా ఉండడం ఇబ్బంది పెట్టింది. నిర్మాణ విలువలు బాగున్నాయి. మొత్తానికి దర్శకుడు ఎంచుకున్న కథలో ఎలాంటి లాజిక్ లేకపోవడం, ఏమాత్రం ఆకట్టుకొని సన్నివేశాలు, కేవలం నాగార్జునను ఇంకా రొమాంటిక్ గా చూపించే ప్రయత్నం కోసమే సినిమా చేశాడా అన్న అనుమానాలు కలుగుతాయి.
విశ్లేషణ :
మన్మధుడు సినిమా విషయంలో ప్రధానంగా కథ గురించి మాట్లాడుకోవాలి. సినిమా ప్రారంభం నుండి మన్మధుడు సినిమా సీక్వెల్ అంటూ ఆ క్రేజీ ని ఈ సినిమాకు తీసుకొచ్చే ప్రయత్నం చేసిన దర్శకుడు ఎక్కడ సంబంధం లేని కథకు మన్మధుడు అనే టైటిల్ పెట్టడం విచిత్రం. పైగా సన్నివేశాల్లో ఎక్కడ బలం ఉండదు. ఎంతసేపు హీరో కి పెళ్లి ఇష్టం లేదు .. అన్న విషయాన్ని చెప్పాడు, కానీ ఎందుకు ఇష్టం లేదు అన్నదాన్ని సీరియస్ గా చూపలేదు. దానికి బలమైన ఫ్లాష్ బ్యాక్ కూడా లేకపోవడం పెద్ద మైనస్ గా మారింది. ఇక హీరోయిన్ విషయంలో మరి ముదురులా మార్చేశాడు. డబ్బు కోసం ఆమె ఏదైనా చేస్తుంది అన్న రేంజ్ లో రకుల్ పాత్ర సాగడం ఫాన్స్ కి నిరాశ కలిగించింది. దాంతో పాటు డబుల్ మీనింగ్ డైలాగ్స్, చేష్టలు, ఏమాత్రం ఆకట్టుకొని సంగీతం, ఆర్ ఆర్. ఇక సినిమాకు హైలెట్ గా నిలచింది ఒక్క ఫోటోగ్రఫి మాత్రమే. దాంతో పాటు నాగ్ న్యూ లుక్ ఆకట్టుకుంది. మొత్తానికి నటుడు రాహుల్ రవీంద్రన్, దర్శకుడిగా మారిన తర్వాత చేసిన రెండో సినిమా మన్మధుడు 2 ద్వారా తన ప్రయత్న లోపాన్ని బయటపెట్టుకున్నాడు. ఆకట్టుకొని కథ, లాజిక్ లేని సన్నివేశాలు వెరసి మన్మధుడుతో ప్రేక్షకులను విసిగించాయి.
ట్యాగ్ లైన్ : ట్రాక్ తప్పిన .. మన్మధుడు !!
454425 581109Hello! I would wish to supply a large thumbs up for your excellent information you can have here about this post. Ill be coming back to your blog website for further soon. 827132
625029 208710I dont believe Ive scan anything like this before. So good to locate somebody with some original thoughts on this topic. thank for starting this up. This internet site is something that is required on the internet, someone with just a little originality. Very good job for bringing something new to the internet! 741525