KTR : తెలంగాణ ప్రత్యేక రాష్ట్రం సాధించడానికి కేసీఆర్ ఏర్పాటు చేసిన ఉద్యమ పార్టీ తెలంగాణ రాష్ట్ర సమితి. రాష్ట్రం వచ్చిన తర్వాత తెలంగాణ రాష్ట్ర సమితి కాస్త భారత రాష్ట్ర సమితిగా మారింది. జాతీయ స్థాయిలో సత్తా చాటుతాం అంటూ కేసీఆర్ పేరు మార్చి హడావుడి చేశారు.
గత ఏడాది చివర్లో జరిగిన తెలంగాణ రాష్ట్ర అసెంబ్లీ ఎన్నికల్లో బీఆర్ఎస్ పార్టీ ఓటమి పాలయ్యింది. దాంతో చాలా మంది ఆ పార్టీ నాయకులు మరియు కార్యకర్తలు పేరు మార్చడం అనేది తప్పుడు నిర్ణయం అని, జాతీయ స్థాయి రాజకీయాలపై దృష్టి పెట్టి రాష్ట్రంలో నష్ట పోయాం అంటూ మాట్లాడుకుంటున్నారు.
ఈ నేపథ్యంలో మళ్లీ పార్టీ పేరును టీఆర్ఎస్ గా మార్చేందుకు చర్చలు జరుగుతున్నాయని ప్రచారం మొదలు అయ్యింది. తాజాగా ప్రముఖ న్యూస్ ఛానల్ ఇంటర్వ్యూలో కేటీఆర్ మాట్లాడుతూ పార్టీ పేరు మార్చడం కు కొన్ని సాంకేతిక పరమైన సమస్యలు ఉన్నాయి. కనుక వెంటనే అది సాధ్యం కాదు అన్నట్లుగా చెప్పుకొచ్చాడు.
అయినా మారింది పేరు మాత్రమే జెండా మారలేదు, నాయకుడు మారలేదు, గుర్తు మారలేదు, తెలంగాణ తో మా బంధం ఎక్కడికి పోలేదు అన్నట్లుగా కామెంట్స్ చేశాడు.