యంగ్ టైగర్ జూనియర్ ఎన్టీఆర్ ( Jr NTR) హీరోగా నటించిన ‘అదుర్స్’ ఎంత హిట్ అయ్యిందో తెలిసిందే. ఆ సినిమాలో బ్రహ్మానందంతో కలిసి తారక్ చేసిన సందడి అంతా కాదు.
జూనియర్ కెరీర్ లోనే బిగ్గెస్ట్ హిట్ చిత్రాల్లో ఒకటి గా నిలిచిన ఆ సినిమాకి సీక్వెల్ తీయాలని ప్లాన్ లో ఉన్నారట రచయిత కోన వెంకట్. ఆయన తెరకెక్కిస్తున్న ‘గీతాంజలి మళ్లీ వస్తోంది’ సినిమా ట్రైలర్ విడుదల సందర్భంగా ‘అదుర్స్’ సీక్వెల్ పై ఇంట్రెస్టింగ్ కామెంట్స్ చేశారు.
‘ అదుర్స్-2′ తీయడం మాత్రం పక్కా. అవసరమైతే తారక్ ఇంటిముందు టెంట్ వేసి ఆ సినిమాలో ఆయన గెటప్ వేసుకుని నిరాహార దీక్ష చేసైనా సరే తారక్ తో ఆ సినిమా తీస్తాను. ఎందుకంటే ఆ సినిమాలో ఆ రోల్ ని చేసే యాక్టర్ ఎన్టీఆర్ తప్ప ఈ దేశంలో మరొకరు లేరు. ఆ గెటప్ డైలాగ్ డెలివరీ ఆయనకు మాత్రమే సూట్ అవుతుంది. ఆ క్యారెక్టర్ తన కెరీర్ లోని ది బెస్ట్’ అని అన్నారు.