హైదరాబాద్ ఫిలిం ఛాంబర్ లో పెద్ద ఎత్తున అగ్నిప్రమాదం చోటుచేసుకుంది. ఫిలింనగర్ నడిబొడ్డున ఉండే ఫిలిం ఛాంబర్ లో మూవీ ఆర్ట్స్ అసోసియేషన్, తెలుగు ఫిలిం ప్రొడ్యూసర్స్ కౌన్సిల్ వంటి కార్యాలయాలు ఉన్నాయి. తెలుగు సినీ నిర్మాతలకి సంబంధించిన మీటింగ్స్, ఇతర కార్యక్రమాలు అక్కడే జరుగుతూ ఉంటాయి.
ఛాంబర్ కింది భవనంలో ఉన్న హోటల్ లో పొగ బయటకు వెళ్లడానికి ఏర్పాటుచేసిన స్టీల్ పైపు నుంచి ఒక్కసారిగా మంటలు చెలరేగాయి. ఈ కారణం తోనే ప్రమాదం జరిగినట్లు గుర్తించారు. సమాచారం అందుకున్న అగ్నిమాపక సిబ్బంది ఘటన స్థలానికి చేరుకుని మంటల్ని అదుపులోకి తెచ్చే ప్రయత్నం చేస్తున్నారు.
భవనం చుట్టూ దట్టమైన పొగలు కమ్ముకోవడంతో అటువైపుగా వెళ్లే వాహనదారులు ఇబ్బందులు ఎదుర్కొన్నారు.
గత కొద్దిరోజులుగా తెలంగాణలో ఎండలు మండిపోతున్నాయి. హైదరాబాద్ లోనూ ఉష్ణోగ్రతలు ఎక్కువగానే ఉన్నాయి. ఇప్పుడు ఫిలిం ఛాంబర్ లో అగ్ని ప్రమాదానికి కారణం షార్ట్ సర్క్యూట్ అని తెలుస్తోంది. విద్యుత్ వైర్లు అంటుకుని నిప్పు రాజుకోవడంతో మంటలు వ్యాప్తి చెందినట్లు సమాచారం.