తెలుగుదేశం పార్టీలో అంతర్గత ప్రకంపనలు తీవ్రస్థాయికి చేరుతున్నాయి. విజయవాడ ఎంపీ కేశినేని నాని, తెలుగుదేశం పార్టీలో ముసలం పుట్టించేందుకే కంకణం కట్టుకున్నట్లు కన్పిస్తోంది తాజా పరిస్థితులు చూస్తోంటే. తాజా ఎన్నికల్లో కేశినేని నాని విజయవాడ నుంచి ఎంపీగా గెలిచినా, కొన్ని చోట్ల ఆయన్ను ఓడించేందుకు సాక్షాత్తూ టీడీపీ నేతలే పనిచేశారన్న అనుమానాలు వ్యక్తమవుతున్నాయి.
ఒక్క కేశినేని నాని పరిస్థితి మాత్రమే కాదు, చాలామంది పరిస్థితి ఇదే. గ్రూపు తగాదాల కారణంగానే తెలుగుదేశం పార్టీకి ఇటీవలి ఎన్నికల్లో ఇంతటి దుస్థితి వచ్చింది. శ్రీకాకుళం నుంచి, చిత్తూరు దాకా.. దాదాపు అన్ని అసెంబ్లీ, పార్లమెంటు నియోజకవర్గాల్లోనూ, తెలుగుదేశం పార్టీని వైఎస్సార్ కాంగ్రెస్ పార్టీ కంటే ఎక్కువగా ‘సొంత అసమ్మతి’ దెబ్బకొట్టిందని సర్వేలు సైతం తేల్చి చెబుతున్నాయి. ఇక, కేశినేని నాని పరిస్థితి మరీ ప్రత్యేకం.
మంత్రిగా చంద్రబాబు క్యాబినెట్లో కీలక బాధ్యతలు నిర్వహించిన దేవినేని ఉమామహేశ్వరరావు, అడుగడుగునా కేశినేని నానిని రాజకీయంగా దెబ్బతీసేందుకు ప్రయత్నించారట. ఈ క్రమంలో దేవినేని ఉమా చావు దెబ్బ తిన్నారనుకోండి.. అది వేరే విషయం. చావు తప్పి కన్ను లొట్టపోయిన చందాన కేశినేని నాని విజయం సాధించారు. మరోపక్క, ‘కొడాలి నాని, దేవినేని ఉమకు రుణపడి వుండాలి’ అంటూ కేశినేని నాని సోషల్ మీడియాలో చేసిన వ్యాఖ్యలు దుమారం రేపుతున్నాయి. అంటే, గుడివాడ నియోజకవర్గంలో టీడీపీ అభ్యర్థి దేవినేని అవినాష్ని ఓడించేందుకు స్వయానా దేవినేని ఉమ పనిచేశారనుకోవాలి.
ఇలాంటి కుట్రపూరిత రాజకీయాలు దేవినేని ఉమకి కొత్తేమీ కాదు. మరోపక్క, కొడాలి నాని గుడివాడ నియోజకవర్గంలో మరోసారి సత్తా చాటారు. కొడాలి నాని తప్ప, గుడివాడ నియోజకవర్గానికి ఇంకో నాయకుడు లేనట్లుగా ఆయన తన సత్తా చాటుతూ వస్తున్నారు. వైఎస్ జగన్ పట్ల వున్న విధేయత, నియోజకవర్గంపై పట్టు, జిల్లా రాజకీయాలపైనా ఆయనకున్న అవగాహన.. ఇలా అన్నీ లెక్కలేసుకుని, వైఎస్ జగన్ తన మంత్రి వర్గంలో కొడాలి నానికి అవకాశం కల్పించారు. అలా కొడాలికి మంత్రి పదవి దక్కడంపై దేవినేని ఉమ సంబరపడుతున్నారా? రేపో మాపో ఆయన టీడీపీని వీడి, వైసీపీలో చేరిపోతారా? కేశినేని నాని వ్యాఖ్యలు చూస్తోంటే అదే నిజమనిపిస్తోంది.
Related Posts
చంద్రబాబుని తిడితే లాభమేంటి మోడీజీ!
494953 371330I like this internet site so a lot, saved to favorites . 897158
569082 125963I cannot thank you fully for the blogposts on your internet page. I know you placed a lot of time and effort into all of them and hope you know how considerably I appreciate it. I hope I will do precisely exactly the same for another individual at some point. Palm Beach Condos 279764