కేశినేని నాని నిర్ణయంతో ఇరకాటంలో పడిన టీడీపీ.!

తెలుగుదేశం పార్టీకి ముగ్గురే ఎంపీలు ఉన్నారు.  అందులో ఒకరు కేశినేని నాని.  బలమైన సామాజికవర్గం, అర్ధబలం కలిగిన వ్యక్తి.  పార్టీలో రాజకీయంలో పలుకుబడి కలిగిన వ్యక్తి.  ఉన్న ముగ్గురు ఎంపీల్లో ఇద్దరిది ఒకదారైతే, ఎంపీ కేశినేని నానిది మరొక రూటు. అయన అనుసరించే మార్గాలు కూడా సపరేట్ గా ఉంటాయి. దేశంలో బీజేపీ కొన్ని వివాదాస్పదమైన నిర్ణయాలు తీసుకున్న సంగతి తెలిసిందే.  ఈ వివాదాల కారణంగా ఇబ్బందుల్లో పడిపోయింది.

అన్ని రాష్ట్రాలలో పాగా వేస్తామని సవాల్ చేసిన బీజేపీ ఇప్పుడు ఉన్న రాష్ట్రాలను కూడా పోగొట్టుకుంటోంది.  కారణం తీసుకునే నిర్ణయాలే.  ఆర్టికల్ 370 తరువాత దేశంలో బీజేపీకి ఎదురుదెబ్బలు తగలడం మొదలయ్యాయి.  సిఏఏ కు తీవ్రస్థాయిలో వ్యతిరేకత వచ్చింది.  దీని వలన ముస్లింలకు నష్టం లేదు.  కానీ, ప్రతిపక్షాలు నష్టం ఉందని చెప్తుండటంతో ప్రజలు నిజమే అని నమ్ముతున్నారు.  దానికి తగ్గట్టుగానే ప్రవర్తిస్తున్నారు. అయితే, సిఏఏ విషయంలో పార్లమెంట్ లో టీడీపీ, వైకాపా అనుకూలంగా ఓటు వేసింది.  కానీ, కేశినేని నాని మాత్రం సభనుంచి వాకౌట్ చేశారు.

ఆ తరువాత టీడీపీ, వైకాపాకు కూడా సిఏఏ చట్టాన్ని వ్యతిరేకిస్తున్నాయి. ఆంధ్రప్రదేశ్ లో అమలు చేయబోమని చెప్తున్నా, దానిపై తీర్మానం పెట్టె విషయంలో ఇంకా ఓ నిర్ణయం తీసుకోలేదు.  ఇక టీడీపీ తరువాత కేశినేని నాని దీనికి వ్యతిరేకంగా ర్యాలీలు చేస్తున్నారు.  ఈ చట్టం అమలు చేస్తే ముస్లింలకు, మైనారిటీలకు అన్యాయం జరుగుతుందని, తద్వారా ఇబ్బందులు వస్తాయని అంటున్నాడు.  వైకాపా సిఏఏ కు వ్యతిరేకంగా తీర్మానం ప్రవేశపెట్టాలని, దానికి అనుకూలంగా టీడీపీ ఓటు వేయాలని అంటున్నాడు.  ఒకవేళ టీడీపీ అనుకూలంగా ఓటు వేయకుంటే, తానూ టీడీపీకి రాజీనామా చేస్తానని బెదిరిస్తున్నాడు.  అసలే టీడీపీ కోలుకోలేనివిధంగా ఉన్నది.  ఈ సమయంలో నాని కూడా దెబ్బకొడితే ఆ పార్టీ చాలా వరకు డ్యామేజ్ అవుతుంది.  ముందు అసలు వైకాపా సిఏఏ కు వ్యతిరేకంగా తీర్మానాన్ని ప్రవేశపెడుతుందా…? లేదా అన్నది అందరి ముందున్న ప్రశ్న.  ఈ ప్రశ్నకు సమాధానం దొరికితే ఆ తరువాత మిగతా విషయాల గురించి మాట్లాడుకోవచ్చు.