వైఎస్సార్ కాంగ్రెస్ పార్టీ అధినేత వైఎస్ జగన్ మోహన్రెడ్డి. వైఎస్సార్ కాంగ్రెస్ పార్టీ కేంద్ర పార్టీ కార్యాలయ బాధ్యతలు చూసుకునేది సజ్జల రామకృష్ణారెడ్డి. ఆ పార్టీకి సంబంధించి ఆయా జిల్లాల బాధ్యతల్ని ముగ్గురు ముఖ్య నేతలకు అప్పగించారు వైఎస్ జగన్ మోహన్రెడ్డి. ఇక్కడ ఆ ముగ్గురు వ్యక్తులూ మళ్ళీ రెడ్డి సామాజిక వర్గానికి చెందినవారే. విజయసాయిరెడ్డి, సజ్జల రామకృష్ణారెడ్డి, వైవీ సుబ్బారెడ్డి ఆ ముగ్గురు ముఖ్యులు. ఏం, మొత్తం నాలుగు ముఖ్యమైన విభాగాల్లో ఒక్కదానికైనా వేరే సామాజిక వర్గానికి చెందిన ముఖ్య నేతకు కట్టబెట్టలేరా.? అసలంటూ అలాంటి ముఖ్య నేత వైసీపీలోనే లేరా.? ఈ చర్చ ఇప్పుడు రాజకీయ వర్గాల్లో జరుగుతోంది.
‘‘పేరుకే ఐదుగురు ఉప ముఖ్యమంత్రులు.. కానీ, ఆ ఐదుగురూ ‘రెడ్డి’ సామాజిక వర్గం పెత్తనం కింద నలగిపోతున్నారు..’’ అంటూ వివిధ రాజకీయ పార్టీలు, మరీ ముఖ్యంగా వామపక్షాలు విమర్శిస్తున్నాయి. చంద్రబాబు పాలనని ‘కమ్మ పాలన’గా అభివర్ణించిన వైసీపీ నేతలు, ఇప్పుడు తమ హయాంలో ‘రెడ్డి’ పెత్తనాన్ని ఎలా సమర్థించుకోగలరు.? అన్న చర్చ జరగడం సహజమే కదా.! ‘మా చిన్న కులంలో చిచ్చు పెట్టొద్దు..’ అంటూ రెడ్డి సామాజిక వర్గ ప్రముఖుల్ని ఉద్దేశించి ఇటీవల వైసీపీకే చెందిన నర్సాపురం ఎంపీ రఘురామకృష్ణంరాజు ఆవేదనతో మీడియా సాక్షిగా బతిమాలుకోవాల్సి వచ్చిందంటే.. వైఎస్సార్సీపీలో, ‘కుల రాజకీయాలు’ ఎంతలా రాజ్యమేలుతున్నాయో అర్థం చేసుకోవచ్చు.
వైఎస్ జగన్ ప్రభుత్వానికి సంబంధించి కీలకమైన పదవుల్లో చాలావరకు రెడ్డి సామాజిక వర్గానికే దక్కాయన్నది నిర్వివాదాంశం. పెద్దగా ప్రాధాన్యత లేనివి మాత్రమే ఇతర సామాజిక వర్గాలకి దక్కాయంటూ రాజకీయ విమర్శలు సర్వసాధారణమైపోయాయి. ‘కులాల పట్టింపుల్లేవు.. మతాల పట్టింపుల్లేవు.. అన్ని సామాజిక వర్గాలు, అన్ని మతాల్ని సమ భావంతో చూస్తాం..’ అని వైసీపీ అధినాయకత్వం చెప్పే మాటలు కేవలం.. ‘పబ్లిసిటీ’ కోసమే పనిచేస్తున్నాయి. గ్రౌండ్ లెవల్లో పరిస్థితులు అందుకు పూర్తి భిన్నంగా వున్నాయి. సజ్జల రామకృష్ణారెడ్డి, విజయసాయిరెడ్డి, వైవీ సుబ్బారెడ్డికి తాజాగా అప్పగించిన ‘బాధ్యతలే’.. అసలు వైసీపీలో ఏం జరుగుతోందన్న విషయాన్ని బట్టబయలు చేస్తున్నాయి.
387352 524980A very informationrmative post and lots of actually honest and forthright comments produced! This definitely got me thinking a good deal about this issue so cheers a lot for dropping! 984157
541722 577938Hey there. I want to to inquire somethingis this a wordpress weblog as we are thinking about shifting over to WP. Also did you make this theme on your personal? Thanks. 310089