‘జన’వాణి.! వైసీపీకి మరో షాక్ ఇచ్చిన జనసేనాని పవన్.!

జనసేన కౌలు రైతు భరోసా యాత్ర సృష్టించిన ప్రకంపనల దెబ్బకు అధికార వైసీపీ విలవిల్లాడుతోంది. జనసేన అధినేత ప్రస్తావన ప్రత్యక్షంగానో, పరోక్షంగానో లేకుండా ముఖ్యమంత్రి వైఎస్ జగన్ మోహన్ రెడ్డి అధికార పర్యటనలు సాగడంలేదంటే, దానిక్కారణం జనసేనాని కౌలు రైతు భరోసా యాత్ర.. అన్నది నిర్వివాదాంశం.

మరిప్పుడు, జనసేనాని చేపట్టబోతున్న ‘జనవాణి’ కార్యక్రమం తర్వాత పరిస్థితులు ఎలా వుండబోతున్నాయ్.? జులై 3న ఉదయం 10 గంటల నుంచి మధ్యాహ్నం 3 గంటల వరకు జనసేన అధినేత పవన్ కళ్యాణ్, సామాన్య ప్రజానీకానికి అందుబాటులో వుండనున్నారు. వారి నుంచి అర్జీలు స్వీకరిస్తారు. ఆయా అర్జీల విషయమై ప్రభుత్వాన్ని నిలదీసే కార్యక్రమం జనసేన పార్టీ శ్రేణులు చేపడతాయి.

విజయవాడ నుంచి ఈ కార్యక్రమం ప్రారంభమవుతుంది. వరుసగా ఐదు వారాలపాటు ఈ ‘జనవాణి – జనసేన భరోసా’ కార్యక్రమాన్ని జనసేన పార్టీ నిర్వహించనుంది. ఈ కార్యక్రమం ఉద్దేశ్యం, ప్రజా సమస్యల్ని ప్రభుత్వం దృష్టికి తీసుకెళ్ళడమే. తద్వారా ప్రభుత్వం తాము ఉద్ధరించేస్తున్నామని చేసుకుంటున్న ప్రచారం ఉత్తదేనని జనసేన నిరూపించనుంది.

అంటే, వారం వారం అధికార వైసీపీకి గుండె దడ పట్టుకోబోతోందనే కదా అర్థం.? జనసేన పార్టీ ఈ ‘జనవాణి’ జనసేన భరోసా కార్యక్రమం చేపట్టనుందని తెలిసే, మాజీ మంత్రులు పేర్ని నాని, కొడాలి నాని రంగంలోకి దిగారు.. జనసేన అధినేత మీద అర్థం పర్థం లేని విమర్శలు చేశారు, దూషణలకీ దిగారు.

మరి, విజయవాడ వేదికగా, జులై 3న జనసేన అధినేత అధికార పార్టీకి ఇవ్వబోయే కౌంటర్ ఎటాక్ ఎలా వుండబోతోంది.? అసలంటూ ఈ కార్యక్రమానికి ‘అర్జీలతో’ వచ్చే సామాన్యుల సునామీ ఎలా వుండబోతోంది.? వేచి చూడాల్సిందే.

అన్నట్టు, ఐదు వారాల పాటు.. అంటే, ప్రతి వారం జనసేనాని ఆయా ప్రాంతాల్లో ప్రజలకు అందుబాటులో వుంటారు.. మిగిలిన రోజుల్లో జనసేన శ్రేణులు, ప్రజలిచ్చిన అర్జీలతో ప్రభుత్వాన్ని నిలదీసే కార్యక్రమాలు చేపడతారు. అంటే, ఏకధాటిగా 35 రోజులపాటు అధికార వైసీపీకి కంటి మీద కునుకు వుండే అవకాశమే లేదన్నమాట.