ఆంధ్రప్రదేశ్ ముఖ్యమంత్రిగా పదవీ ప్రమాణ స్వీకారం చేసిన తొలిరోజే వైఎస్ జగన్‌మోహన్‌రెడ్డి మాట తప్పారు. ‘మాట తప్పను, మడమ తిప్పను..’ అని గడచిన తొమ్మిదేళ్ళుగా చెబుతూ వచ్చిన వైఎస్ జగన్, ముఖ్యమంత్రి పీఠమెక్కగానే మాట తప్పడం అందర్నీ విస్మయానికి గురిచేస్తోంది. ‘మన ప్రభుత్వం అధికారంలోకి వచ్చిన వెంటనే వెంటనే, వృద్ధాప్య పెన్షన్‌ని 3 వేలకు పెంచుతామని అవ్వా తాతలకు చెప్పండి..’ అంటూ ఎన్నికల ప్రచారంలో ఊదరగొట్టిన వైఎస్ జగన్, ముఖ్యమంత్రి పీఠమెక్కా, ‘వాయిదాల పద్దతి’లో పెంచుతానని ప్రకటించడంతో రాష్ట్ర ప్రజానీకం షాక్‌కి గురయ్యింది.
ముఖ్యమంత్రి హోదాలో జగన్ నుంచి ఇలాంటి ప్రకటనను తాము అస్సలు ఊహించలేదని 3 వేల పెన్షన్‌ కోసం ఎదురుచూస్తోన్న అవ్వాతాతలు వాపోతున్నారు. తొలి ఏడాదికి 250 రూపాయల పెంపు, ఆ తర్వాతి ఏడాది ఐదొందలకు పెంపు, మూడో ఏడాదికి 750 పెంపు, నాలుగో ఏడాదికి వెయ్యి పెంచి, మొత్తం మూడు వేలు ఇస్తామని వైఎస్ జగన్ ముఖ్యమంత్రిగా పదవీ ప్రమాణ స్వీకారం చేసిన వెంటనే సంబంధిత దస్త్రంపై సంతకం చేయడం గమనార్హం. అంటే, ఇప్పుడున్న 2 వేల రూపాయల పెన్షన్‌కి ఇంకో రెండు వందల యాభై రూపాయలు మాత్రమే జోడించి, జూన్ 1వ తేదీ నుంచి 2250 రూపాయల పెన్షన్‌ని అవ్వా తాతలకు అందించబోతుందన్నమాట జగన్ ప్రభుత్వం.
గత కాంగ్రెస్ హయాంలో 200 రూపాయలున్న పెన్షన్‌, చంద్రబాబు హయాంలో తొలుత వెయ్యి రూపాయలకు చేరుకుంది. సరిగ్గా ఎన్నికలకు ముందర ‘ఎన్నికల తాయిలం’గానే అయినా చంద్రబాబు వెయ్యి రూపాయల పెన్షన్‌ని ఒకేసారి రెండు వేల రూపాయలకు పెంచేశారు. ఎన్నికల హామీల్లో భాగంగా ‘మేం అధికారంలోకి వచ్చిన వెంటనే మూడు వేల రూపాయల పెన్షన్‌ ఇస్తాం’ అని చంద్రబాబు చెప్పినా, జనం చంద్రబాబుకి తిరిగి అధికారం కట్టబెట్టలేదు. వైఎస్ జగన్ తమ పెన్షన్‌ని మూడు వేలకు పెంచుతాడని భావించి, ఓట్లేసిన అవ్వాతాతలిప్పుడు షాక్‌కి గురయ్యారు.
అయితే, ఆంధ్రప్రదేశ్ ఆర్థిక పరిస్థితిని దృష్టిలో పెట్టుకునే వైఎస్ జగన్ ఈ నిర్ణయం తీసుకున్నారనీ, జగన్ మాట తప్పే మనిషి కాదని వైఎస్సార్సీపీ నేతలు బుకాయిస్తున్నారు. మరోపక్క, విపక్షాలకు ఇదొక ఆయుధంగా మారే అవకాశముంది అధికార పార్టీపై ఎదురుదాడికి దిగేందుకు. 2014లో చంద్రబాబు ముఖ్యమంత్రి అయ్యాక రుణమాఫీని విడతలవారీగా చేస్తామని చెబితే, ‘అదెలా కుదురుతుంది.?’ అని ప్రశ్నించిన వైఎస్ జగన్, చంద్రబాబుని ‘మోసకారి’గా అభివర్ణించారు. ఇప్పుడు వైఎస్ జగన్ కూడా, ముఖ్యమంత్రి పీఠమెక్కాక, ‘మడమ తిప్పక తప్పలేదు’ అన్నమాట.
42481 876291This is a terrific website, could you be interested in doing an interview about just how you created it? If so e-mail me! 354924
284191 179430Most beneficial human beings toasts really should amuse and present give about the couple. Beginner audio systems previous to obnoxious throngs would be wise to remember often the valuable signal making use of grow to be, which is to be an individuals home. best man speech examples 181105