జగన్ సర్కార్ నిర్ణయాలు మంచివే.. కానీ..

వైఎస్ జగన్ అధికారంలోకి వచ్చిన తరువాత తీసుకునే నిర్ణయాలు చాలా కఠినంగా ఉంటున్నాయి. సామాన్య ప్రజలకు మేలు చేయాలనే ఉద్దేశ్యంతోనే అయన నిర్ణయాలు తీసుకుంటున్నారు. ఇది మంచి పరిణామమే. కానీ, వాటిని ఎంత వరకు అమలు చేయగలుగుతారు అన్నది ఇప్పుడు అందరి ముందున్న ప్రశ్న. ఇటీవలే దిశ చట్టాన్ని తీసుకొచ్చారు. ఈ చట్టంపై ప్రతి ఒక్కరు ప్రసంశలు కురిపిస్తున్నారు.

ఢిల్లీ ముఖ్యమంత్రి ఈ చట్టం గురించి మంచి వ్యాఖ్యలు చేశారు. దిశ చట్టం అన్ని రాష్ట్రాల్లో అమలు చేస్తే బాగుంటుందని సూచించారు. అలానే ఆంధ్రప్రదేశ్ అన్ని రాష్ట్రాలకు దిశ మార్గం అని మహారాష్ట్ర ముఖ్యమంత్రి పేర్కొనడం విశేషం. ఇలా అన్ని రాష్ట్రాలు మెచ్చుకుంటున్నాయి. అయితే, ఈ చట్టాన్ని రాష్ట్రంలో ఎంతవరకు కఠినంగా అమలులోకి తీసుకెళ్లగలుగుతారు అన్నది తెలియాలి. దిశ చట్టం తీసుకొచ్చారు… అమలు చేస్తారు.

నిందితులకు ఉరిశిక్ష విధించిన తరువాత అవి ఎప్పటికి అమలు కావాలి. శిక్షపడి జైల్లో ఉన్న వ్యక్తులకు ఉరి తీయడానికి ఇప్పటికి వరకు దిక్కులేదు. దీనికి ఓ ఉదాహరణ నిర్భయ కేసు. 2013లోనే ఉరి ఖరారు చేశారు. ఇప్పటికి దోషులను ఉరితీయలేదు. చట్టంలో ఉన్న లొసుగులను వినియోగించుకుంటూ తప్పించుకుంటున్నారు. రేపు దిశ చట్టం విషయంలో కూడా అంతే కదా. ఇప్పుడు దీంతో పాటు పంచాయితీరాజ్ చట్టంలో కొన్ని సవరణలు చేస్తూ ఆర్డినెన్స్ తీసుకొచ్చారు.

ఈ ఆర్డినెన్స్ ప్రకారం పంచాయితీరాజ్ ఎన్నికల్లో మద్యం, డబ్బు వంటి ప్రలోభాలు లేకుండా ఎన్నికలు జరిపించాలి. ఎవరైనా పట్టుబడితే వారికీ మూడేళ్లు జైలు శిక్ష, పదివేల రూపాయల జరిమానా. బాగానే ఉంది. ఎన్నికల్లో నిలబడిన అభ్యర్థి డైరెక్ట్ గా వెళ్లి డబ్బు, మద్యం పంచడు కదా. మరి దేని వలన ఉపయోగం ఏంటి. పట్టుబడితే కార్యకర్తలు కదా జైలుకు వెళ్ళేది. నిజమా కదా చెప్పండి.