‘రాష్ట్రంలో ఇల్లు లేకుండా ఎవరూ వుండకూడదు..’ అన్న మాట దివంగత వైఎస్ రాజశేఖర్రెడ్డి హయాంలోనే విన్నాం. కానీ, ఇప్పటికీ పరిస్థితి మారలేదు. ఆ మాటకొస్తే, స్వర్గీయ ఎన్టీఆర్.. అంతకు ముందు కూడా ఇలాంటి ప్రయత్నాలు జరుగుతూనే వున్నాయి. జనాభా పెరుగుతోంది.. దానికి తగ్గట్టుగా భూ లభ్యత కన్పించడంలేదు. కానీ, రాజకీయ పార్టీలు మాత్రం ఇళ్ళు, ఇళ్ళ స్థలాలంటూ పబ్లిసిటీ స్టంట్లు చేస్తూనే వున్నాయి. ఉగాది రోజున 25 లక్షల మందికి ఇళ్ళ పట్టాలు ఇవ్వాలన్నది వైఎస్ జగన్ సర్కార్ ఆలోచన.
ప్రస్తుతానికి ఇళ్ళ స్థలాలకు సంబంధించిన పట్టాలు ఇస్తారట. ఆ తర్వాత ఆ స్థలాల్లో ఇళ్ళ నిర్మాణాలను ప్రభుత్వమే చేపడుతుందట. కానీ, అసలంటూ భూమి లభ్యత ఎంత.? అన్నదానికి ఇప్పటికీ ప్రభుత్వం దగ్గర సమాధానం దొరకడంలేదు. పట్టణాల్లో ఇళ్ళ స్థలాలు కొత్తగా కనుగొనడం దాదాపుగా అసాధ్యం. మారుమూల పల్లెటూళ్ళలో కూడా ఈ సమస్య తలెత్తుతుండడం గమనార్హం.
ఈ నేపథ్యంలో ప్రభుత్వం, ఎక్కడ భూమి కన్పిస్తే, అక్కడ.. తన ‘అధికారాన్ని’ ప్రదర్శించాలనుకుంటోంది. ఇంకేముంది.? వివాదాలు షురూ అవుతున్నాయి. జనం తిరగబడుతున్నారు. ఎక్కడక్కడ అధికారులు నానా పాట్లూ పడాల్సి వస్తోంది. ఇంకోపక్క గడువు మాత్రం ముంచుకొచ్చేస్తోంది. ఇంకో నెల రోజుల్లో మొత్తం ప్రక్రియ పూర్తయిపోవాలి. కానీ, చాలా చోట్ల భూమి లభ్యత లేదని అధికారులు చేతులెత్తేస్తున్నారు. ‘జి ప్లస్ త్రీ’ విధానం సహా అనేక ప్రత్యామ్నాయాల్ని ఇప్పటికే ప్రభుత్వం చూస్తోంది. అయినాగానీ, 25 లక్షల మంది లబ్దిదారులకు ఇళ్ళు, ఇళ్ళ స్థలాలు సమకూర్చడమంటే ఆషామాషీ వ్యవహారం కాదు కదా.!
పెన్షన్ల వ్యవహారం వేరు.. ఈ వ్యవహారం వేరు. ప్రభుత్వం గనుక ఏదో ఒక సాకు చూపి చేతులెత్తేస్తే.. ఆ తర్వాతి పరిణామాలు చాలా తీవ్రంగా వుంటాయన్నది నిర్వివాదాంశం. వైఎస్సార్ హయాంలో ఇందిరమ్మ ఇళ్ళు ఎంత వివాదాస్పదమయ్యాయో చూశాం. ఇప్పుడు వైఎస్ జగన్ మయాంలోనూ అంతకన్నా దారుణమైన పరిస్థితులే వుండొచ్చని సాక్షాత్తూ వైసీపీ నేతలే ఆఫ్ ది రికార్డ్గా ఒప్పుకుంటున్న పరిస్థితి.
50376 364575Thanks for your time so considerably for your impressive and amazing guide. I will not be reluctant to endorse your internet sites to any individual who should receive direction on this difficulty. 496555
172553 55115Have you noticed the news has changed its approach lately? What used to neve be brought up or discussed has changed. Its that time to chagnge our stance on this though. 876796
551684 338931I saw two other comparable posts although yours was the most beneficial so a lot 225171