కమ్మ పోయి రెడ్డి వచ్చే డాం డాం డాం.. అంటూ రాష్ట్ర ప్రజానీకం పాటలు పాడుకోవాల్సిన దుస్థితి. ఆంధ్రప్రదేశ్లో రాజకీయాలు మునుపెన్నడూ లేని అసభ్యకరమైన స్థాయికి దిగజారిపోయాయి. చంద్రబాబు హయాంలో అన్ని కీలక పదవులూ ‘కమ్మ’ సామాజిక వర్గానికే దక్కుతున్నాయంటూ అప్పటి ప్రతిపక్షం వైఎస్సార్ కాంగ్రెస్ పార్టీ నానా యాగీ చేసింది. అందులో నిజం లేకపోలేదు. కానీ, అధికారంలోకి వచ్చాక వైఎస్సార్ కాంగ్రెస్ పార్టీ ఏం చేస్తోంది.? ‘కమ్మ’ సామాజిక వర్గానికి చెందిన వారిని తొలగించి, ఆ స్థానంలో ‘రెడ్డి’ సామాజిక వర్గానికి చెందిన వ్యక్తుల్ని కూర్చోబెడ్తోంది.
కీలకమైన పదవులకి ‘రెడ్డి’ రిజర్వేషన్ వర్తిస్తోంటే, పెద్దగా ప్రాధాన్యత లేని పదవుల్ని మాత్రం ‘వెనుకబడిన వర్గాలు – దళితులు’ అనే కోటాలో పడేస్తూ వైసీపీ ప్రభుత్వం పబ్లిసిటీ స్టంట్లు చేస్తోంది. ‘పేరు చివరన రెడ్డి వుంటే చాలు.. ఏదో ఒక పదవి ఆటోమేటిక్గా వచ్చేస్తుంది..’ అన్న అభిప్రాయం బలపడిపోయిందంటే పరిస్థితి ఎంత జుగుప్సాకరంగా మారిందో అర్థం చేసుకోవచ్చు.
‘అర్హత కలిగి వుంటే’ సామాజిక వర్గం అనేది అడ్డంకి కాదు ఏ పదవికి అయినాసరే. కానీ, ఇక్కడ పరిస్థితి వేరు. యావత్ ప్రపంచం కరోనా దెబ్బకి విలవిల్లాడుతోంటే, ఆంధ్రప్రదేశ్లో వైఎస్ జగన్ ప్రభుత్వం మాత్రం, ‘తెరవెనుక వ్యవహారాల్ని’ చక్కబెట్టేస్తుండడం గమనార్హం.
ఇప్పుడున్న పరిస్థితుల్లో రాష్ట్ర ఎన్నికల కమిషనర్ని మార్చాల్సిన అవసరమేమొచ్చింది.? కానీ, మార్చేశారు. ‘కమ్మ’ సామాజిక వర్గానికి చెందిన నిమ్మగడ్డ రమేష్కుమార్ని తొలగించి, ఆ స్థానంలో ‘రెడ్డి’ సామాజిక వర్గానికి చెందిన వ్యక్తిని నియమించాలని వైఎస్ జగన్ సర్కార్ నిర్ణయం తీసుకుందంటూ నిన్న ప్రచారం జరిగింది. చివరి నిమిషంలో చిన్న మార్పు చోటు చేసుకుంది.
సర్వత్రా విమర్శలు వెల్లువెత్తుతున్న వేళ, రిటైర్డ్ జడ్జిని (రెడ్డి కాదండోయ్..) తెరపైకి తెచ్చింది వైఎస్ జగన్ ప్రభుత్వం. మరోపక్క, ఏపీ డిజిటల్ కార్పొరేషన్ ఛైర్మన్గా, రెడ్డి సామాజిక వర్గానికి చెందిన వ్యక్తికి కీలక పదవి జగన్ ప్రభుత్వం అప్పగించడం గమనార్హం.
‘అబ్బే, ఇది రెడ్డి కోటా కాదు..’ అని అధికార పార్టీ నేతలు బుకాయించొచ్చుగాక.. కానీ, జరుగుతున్నదేంటో జనానికి అర్థమవుతోంది. పైగా, కరోనా దెబ్బకి విలవిల్లాడుతోంటే, జగన్ ప్రభుత్వం ‘నియామకాల’ పేరుతో పండగ చేసుకోవడం హాస్యాస్పదం కాక మరేమిటి.? రోమ్ తగలబడిపోతోంటే, నీరో చక్రవర్తి ఫిడేల్ వాయించాడట.. అన్నట్టుంది పరిస్థితి.
765234 647764That being said by use it all, planet is really restored a little far more. This situation in addition will this particular Skin tightening and starting to be moved and into the mood of these producing activities. daily deal livingsocial discount baltimore washington 808276