అది 20 ఓవర్ల టీ20 కావొచ్చు, 50 ఓవర్ల వన్డే కావొచ్చు.. వరల్డ్ కప్ పోటీలనగానే, టీమిండియానే హాట్ ఫేవరెట్గా క్రికెట్ ఆడే అన్ని జట్లకూ కన్పిస్తుంది. గత కొంత కాలంగా ‘టైటిల్ ఫేవరెట్’ హోదాలోనే టీమిండియా వరల్డ్ కప్ పోటీల్ని ఎదుర్కొంటోంది. కొన్ని పరాజయాలు, మరికొన్ని విజయాలు.. వెరసి, మెగా టోర్నీలో టీమిండియా సత్తా చాటుతూనే వుంది. గతంతో పోల్చితే, ఈసారి టీమిండియాపై మరిన్ని అంచనాలున్నాయి. ‘ఎవరు ఔనన్నా ఎవరు కాదన్నా టీమిండియానే టైటిల్ ఫేవరెట్..’ అని దాదాపుగా క్రికెట్ ఆడే అన్ని దేశాలూ ఓ అవగాహనకు వచ్చేసి, ముక్త కంఠంతో నినదిస్తున్న వేళ, టీమిండియా టైటిల్ వేట మొదలైంది. తొలి ప్రత్యర్థి సౌతాఫ్రికా కావడంతో, సహజంగానే నరాలు తెగే ఉత్కంఠను ఆశిస్తున్నారు క్రికెట్ అభిమానులు.
మ్యాచ్ గెలుపోటముల సంగతి పక్కన పెడితే, ఈ టోర్నీలో టీమిండియా బలాలు, బలహీనతల గురించి జరుగుతున్న చర్చ అంతా ఇంతా కాదు. బ్యాటింగ్, బౌలింగ్, ఫీల్డింగ్.. ఇలా అన్ని విభాగాల్లోనూ టీమిండియా అత్యంత బలంగా వున్న మాట వాస్తవం. అదే సమయంలో, టీమిండియాకి బలహీనతలు కూడా లేకపోలేదు. అత్యంత సంక్లిష్టమైన మ్యాచ్ని సైతం అవలీలగా గెలిచే సత్తా వున్న టీమిండియా, తేలికపాటి మ్యాచ్లను చేజార్చుకోవడం అతి పెద్ద బలహీనత. మెరుపు ఫీల్డింగ్ చేయగల ఆటగాళ్ళున్నారు, సులభంగా వచ్చే క్యాచ్లను వదిలేసే నిర్లక్ష్యమూ వుంది. నిప్పులు చెరిగే బంతులు విసరడమే కాదు, చెత్త బంతులతో మ్యాచ్ని ప్రత్యర్థుల చేతుల్లో పెట్టడం కూడా మన బౌలర్లకి బాగా తెలుసు.
ప్రతి జట్టుకీ బలంతోపాటు, బలహీనతలుండడం మామూలే. టీమిండియా ఇందుకు అతీతమేమీ కాదు. ఇక్కడే, టీమిండియా ‘టైటిల్ ఫేవరెట్’ అనదగ్గ పెర్ఫామెన్స్పై దృష్టి పెట్టాల్సి వుంది. నిజానికి టీమిండియాకి కెప్టెన్ విరాట్ కోహ్లీ మాత్రమే కాదు, మహేంద్ర సింగ్ ధోనీ కూడా. అవును, టీమిండియాకి ఇద్దరు కెప్టెన్లు వున్నారు. అయితే ఈ ఇద్దరు కెప్టెన్ల మధ్య ఎలాంటి బేధాభిప్రాయాలకూ తావు లేదు. ధోనీ ఇచ్చే సలహాల్ని కోహ్లీ ఎప్పుడూ గౌరవిస్తాడు. కోహ్లీ తనకు ఇచ్చే గౌరవాన్ని ధోనీ ఎప్పుడూ వమ్ము చేయడు. ప్రస్తుతం టీమిండియాకి ధోనీనే పెద్దన్న. సో, అందరూ ధోనీ సూచనల మేరకు, కోహ్లీ కెప్టెన్సీలో సత్తా చాటాల్సి వుంది. మెరుపు వ్యూహాలు రచించడంలో కోహ్లీ – ధోనీ జోడీ ఎప్పటికప్పుడు సత్ఫలితాలు సాధిస్తూనే వుంది. ఈ వరల్డ్ కప్లో ఈ కమ్యూనికేషన్ ఇంకా బెటర్గా వుండి తీరాల్సిందే.
కోహ్లీ మ్యాచ్ విన్నర్, ఇందులో ఎవరికీ ఎలాంటి సందేహాల్లేవు. కానీ, కెప్టెన్ మీద ఒత్తిడి పెరగకుండా చూసుకోవాల్సిన బాధ్యత ఇతర బ్యాట్స్మెన్ మీద వుంది. తన సహజమైన ఆటతీరు ప్రదర్శించే అవకాశం కోహ్లీకి దక్కుతోందంటే, కెప్టెన్సీ భారాన్ని చాలావరకు ధోనీ తీసేసుకుంటున్నాడు కాబట్టే. అది టీమిండియాకి అదనపు బోనస్. ‘వరల్డ్ కోసం ప్రత్యేకమైన వ్యూహాలేమీ లేవు. కానీ, ఇక్కడ సమిష్టి కృషి సత్ఫలితాలనిస్తుంది. చిన్న చిన్న పొరపాట్లు ఖరీదైన తప్పిదాలుగా మారిపోతాయి. బ్యాటింగ్, బౌలింగ్, ఫీల్డింగ్ విభాగాల్లో పటిష్టంగా వున్నాం. అలాగే మాకూ కొన్ని బలహీనతలున్నాయి. ఎంత తక్కువ బలహీనతలుంటే, అంత మంచి జట్టుగా మేం మారగలం. అన్నిటికీ మించి, తప్పిదాల్ని తక్కువగా చేసే జట్టు మాత్రమే టైటిల్ని ఎగరేసుకుపోతుంది.
సో, మా దృష్టి అతి తక్కువ తప్పిదాల మీదనే వుంది’ అని నిర్మొహమాటంగా తన అభిప్రాయాన్ని ఇటీవలే కోహ్లీ కుండబద్దలుగొట్టేశాడు. ఇదివరకటిలా స్వదేశాల్లో పులులు, విదేశాల్లో పిల్లులు.. అనే విమర్శ ఇప్పుడు టీమిండియాపైన లేదు. ఎక్కడన్నాసరే సత్తా చాటగల పూర్తి బలంతో కన్పిస్తోంది టీమిండియా. ముచ్చటగా మూడోసారి వన్డే వరల్డ్ కప్ని టీమిండియా సొంతం చేసుకోవడానికి పరిస్థితులు అనుకూలంగా కన్పిస్తున్నాయి. మరి, కెప్టెన్గా కోహ్లీ ఆ ఘనతని సాధించి పెడతాడా.? వేచి చూడాల్సిందే.
940840 593051Will you care and attention essentially write-up most of the following in my webpage in essence your web site mention of this weblog? 18093
454230 595013Hello, Neat post. Theres an issue together with your website in internet explorer, may check this? IE still could be the marketplace leader and a huge component to folks will omit your fantastic writing because of this issue. 653438
360727 856913I like this web website because so significantly utile stuff on here : D. 422567