మహేంద్ర సింగ్ ధోనీ.. క్రికెట్లో దూకుడుకి పర్యాయ పదం. టీమిండియాకి అద్భుతమైన విజయాల్ని అందించిన ఒకప్పటి కెప్టెన్. వికెట్ కీపర్గా ఎన్నో సంచలనాలకు కేంద్ర బిందువు. బంతిని బలంగా దాటడంలో ధోనీకి సాటి ఇంకెవరూ లేరేమో. బెస్ట్ మ్యాచ్ ఫినిషర్గా ధోనీకి వున్న ట్రాక్ రికార్డ్ అంతా ఇంతా కాదు. కానీ, అలాంటి ధోనీ.. ఇప్పుడు మైదానంలో నత్తతో పోటీ పడుతున్నాడెందుకు.? మరీ ముఖ్యంగా, ఇంగ్లాండ్తో జరిగిన కీలక మ్యాచ్లో ధోనీ ఆటతీరు అందర్నీ విస్మయానికి గురిచేసింది.
గెలిచే మ్యాచ్ని టీమిండియా ఓడిపోయిందంటే, దానికి కారణం ముమ్మాటికి ధోనీనే. ఇందులో ఇంకో మాటకు ఆస్కారమే లేదు. క్రీజ్లో ధోనీ వున్నాడంటే మ్యాచ్ గెలిచేసినట్లే.. పైగా, ఛేజింగ్లో ధోనీ నాటౌట్గా నిలిచిన మ్యాచ్లన్నీ దాదాపుగా టీమిండియా గెలిచినవే. ఇంత గొప్ప ట్రాక్ రికార్డ్ వున్న ధోనీ, పరుగుల కోసం ప్రయత్నించకుండా టైమ్ పాస్ చేశాడు. ఇంగ్లాండ్కి, టీమండియాకీ మధ్య మ్యాచ్ ఫిక్సింగ్ జరిగిందా.? అన్నట్లు మ్యాచ్ కనిపించింది.
ఇంగ్లాండ్ బ్యాట్స్మెన్ ఉతికి ఆరేస్తోంటే, కీలక సమయాల్లో రివ్యూ కూడా కోరలేకపోయింది టీమిండియా. మామూలుగా అయితే ఈ రివ్యూల బాధ్యతని పూర్తిగా ధోనీనే తీసుకుంటాడు. చిత్రంగా ధోనీ, సరిగ్గా అప్పీల్ కూడా చేయలేదు ఈ మ్యాచ్లో. అలా ఇంగ్లాండ్కి టీమిండియా భారీ స్కోర్ అందించింది. బ్యాటింగ్ విషయానికొస్తే, రోహిత్ మ్యాచ్ని నిలబెట్టే ప్రయత్నం చేశాడు. కోహ్లీ తనవంతు పాత్ర పోషించాడు. ఆ తర్వాతే అసలు కథ మొదలయ్యింది. ఎప్పుడైతే ధోనీ క్రీజ్లోకి వచ్చాడో.. మ్యాచ్ స్వరూపం మారిపోయింది. గెలుస్తామనుకున్న మ్యాచ్లో నిస్సత్తువ చోటు చేసుకుంది. ‘ధోనీ ఇలా ఆడటమేంటి.?’ అని అంతా ముక్కున వేలేసుకున్నారు.
అంతకు ముందే ధోనీ నెమ్మదైన ఆటతీరుని విరాట్ కోహ్లీ సమర్థించాడు. ఇంకోసారీ సమర్థించక తప్పలేదు. కానీ, కోహ్లీకి తెలుసు.. ధోనీ తలచుకుంటే ఇంగ్లాండ్తో మ్యాచ్ గెలిచేవాళ్ళమని. కోహ్లీ మాత్రం ఏం చేస్తాడు.? ధోనీ విషయంలో అతిగా స్పందిస్తే, ఆ తర్వాత జట్టుకి చాలా పెద్ద నష్టమే కలుగుతుంది. అయినా, ధోనీ ఎందుకిలా చేస్తున్నాడు.? ఇదే ధోనికి చివరి వన్డే వరల్డ్ కప్. అత్యంత ఘనంగా క్రికెట్కి వీడ్కోలు చెప్పే అవకాశం వచ్చినప్పుడు, దాన్ని సద్వినియోగం చేసుకోవాల్సింది పోయి.. టీమిండియా విజయావకాశాల్ని ఎందుకు దెబ్బతీస్తున్నట్లు.? ఇదే చాలామందికి అర్థం కావడంలేదు.
ఏది ఏమైనా, ధోనీ ఎప్పటికీ మ్యాచ్ విన్నరే. టీమిండియాకి 2011లో వరల్డ్ కప్ అందించిన ధోనీ, అంతకు ముందు టీ20 వరల్డ్ కప్ని కూడా అందించాడు. జట్టు మేనేజ్మెంట్తో సమస్యలున్నాయా.? లేదంటే, వ్యూహాత్మకంగానే ధోనీలో వేగం తగ్గిందా.? అన్నది వేరే చర్చ. ఈ వరల్డ్ కప్ టీమిండియాకి చాలా ప్రత్యేకం. గెలుపు ముందర, చిన్న చిన్న అపవాదులు, అవరోధాలూ మామూలే. పేరుకి కెప్టెన్ కోహ్లీనే అయినా, పెద్దన్న మాత్రం ధోనీనే. కప్ గెలిస్తే, కెప్టెన్ కంటే కూడా ఎక్కువ క్రెడిట్ ధోనీకే దక్కుతుంది. ఎనీ డౌట్స్.!
808477 823419Its like you read my mind! You appear to know a whole lot about this, like you wrote the book in it or something. I think which you could do with a couple of pics to drive the message home a bit, but other than that, this is amazing blog. An excellent read. Ill surely be back. 609801
838733 975293Hi there! Excellent stuff, please do tell me when you lastly post something like that! 603002