ఆ దర్శకుడి మూడో గదిలోకి వెళ్ళేందుకు హీరోయిన్లు భయపడ్తున్నారట. ‘అబ్బే, ఇది వర్కవుట్ అయ్యే ప్రాజెక్ట్ కాదు..’ అని ఓ ప్రముఖ హీరోయిన్ తిరస్కరించిన సబ్జెక్ట్ని, ఇంకో హీరోయిన్ తనకు అవకాశాల్లేక ‘ఓకే’ చెప్పినా, చివరికి ఆమె కూడా ఆ ‘గది’లోకి తాను వెళ్ళేది లేదని తేల్చేసిందట. దాంతో, ముచ్చటగా మూడో భామని తన ‘మూడో’ గదిలోకి రప్పించేందుకు సదరు దర్శకుడు నానా తంటాలూ పడాల్సి వస్తోంది.
ఆ మూడో గదిలో ఏముందో ఇప్పటికైతే ఎవరికీ తెలియదు. ఇదంతా ఓంకార్ దర్శకత్వంలో రూపొందనున్న ‘రాజు గారి గది 3’ సినిమా వ్యవహారం. తొలుత ఈ సినిమా సమంత దగ్గరకే వెళ్ళిందట. కానీ, ఆమె ససేమిరా అనేసింది. రెండో ‘గది’లో కంటెంట్ లేకపోవడంతో సమంత, నాగార్జున సైతం ఈ సినిమాని లేపలేకపోయిన విషయం విదితమే. దాంతో, అప్పట్లోనే అనుకున్న ఆ మూడో గది అనివార్య కారణాలతో మూతపడింది. మళ్లీ ఎలాగోలా, మిల్కీ బ్యూటీ తమన్నాతో ఆ మూడో గదిని తెరిపిద్దామనుకున్న ఓంకార్, సినిమా ప్రారంభోత్సవమైతే చేసేశాడుగానీ.. తమన్నా, షూటింగ్కి ముందర ఆ ప్రాజెక్ట్లో తాను కొనసాగలేనని చెప్పి, తప్పుకుంది.
ఇక, ఇప్పుడు మొదలయ్యింది ఓంకార్కి అసలు సినిమా. తాప్సీతో చేద్దామా.? ఇంకెవర్నయినా సంప్రదిద్దామా.? అనే ఆలోచనలో పడ్డాడట ఓంకార్. నిజానికి, తాప్సీ ఇలాంటి సినిమాలకి ‘ఓకే’ చెప్పే పరిస్థితి లేదు. తాప్సీ దగ్గర అన్నీ పక్కాగా వుండాలి. తమన్నానే తిరస్కరించిందంటే, తాప్సీ ఎట్టి పరిస్థితుల్లోనూ ఒప్పుకోదు. మరోపక్క, చిన్నా చితకా హీరోయిన్లతో ‘మూడో’ గదిని గట్టెక్కించేద్దామనుకున్నా, ఓంకార్కి అందుకు సరిపడే హీరోయిన్లు కన్పించని పరిస్థితి.
హీరోయిన్లు అస్సలు లేరని అనలేంగానీ, కొద్దో గొప్పో ఆ ప్రాజెక్ట్కి హైప్ రావాలంటే కొంచెం పేరున్న హీరోయిన్ కావాలి కదా.! ఆ స్థాయి హీరోయిన్లెవరూ ఈ ‘మూడో’ గది వైపు చూడటం కష్టమేనని సినీ పరిశ్రమలో బలమైన అభిప్రాయాలు వ్యక్తమవుతున్నాయి. దాంతో, ‘రాజుగారి గది 3’కి కొన్నాళ్ళు తాళం వేసేసి, కొత్త ప్రాజెక్ట్ టేకప్ చేసే ఆలోచనలో వున్నాడట దర్శకుడు ఓంకార్.
479198 856139Just wanna input on few common items, The web site style is perfect, the articles is really fantastic : D. 980980