వైఎస్ జగన్ సర్కార్ ‘మటన్ మార్ట్’ ఆలోచన చేయడం వివాదాస్పదమయ్యింది. అంతకు ముందే సినిమా టిక్కెట్ల అమ్మకం కోసం ప్రభుత్వ పోర్టల్ రూపొందించేలా తీసుకున్న నిర్ణయమూ వివాదాస్పదమయ్యింది.. వాట్ నాట్.. గడచిన రెండేళ్ళలో వైఎస్ జగన్ ప్రభుత్వం తీసుకున్న చాలా నిర్ణయాలు వివాదాస్పదమయ్యాయి.. వివాదాస్పదమవుతూనే వున్నాయి. వాటిల్లో కొన్నింటిని న్యాయస్థానాలు కొట్టి పారేశాయి. తీసుకుంటున్న నిర్ణయాలు ఇలా బెడిసి కొడుతోంటే, వైఎస్ జగన్ సర్కార్ ఆత్మ విమర్శ ఎందుకు చేసుకోవడంలేదు.? అన్నదే మిలియన్ డాలర్ల ప్రశ్న.
ప్రభుత్వానికి బోల్డంతమంది సలహాదారులున్నారు. అందులో బలమైన సలహాదారు ఎవరో ప్రభుత్వ పెద్దల్ని తప్పుదోవ పట్టిస్తున్నారనే చర్చ ప్రజానీకంలో జరుగుతోంది. వైసీపీ శ్రేణుల్లో కూడా ఇదే చర్చ జరుగుతోంది. ‘ఇది నిఖార్సయిన వెన్నుపోటు వ్యవహారమే.. ప్రభుత్వ పెద్దలు మాత్రం వాస్తవాన్ని గ్రహించే స్థితిలో లేరు.
రికార్డు స్థాయి మెజార్టీ సాధించాక.. దాన్ని నిలబెట్టుకోవడం చాలా కష్టం. గ్రౌండ్ లెవల్లో పరిస్థితులు వేగంగా మారిపోతున్నాయి. సంక్షేమ పథకాలు ఓట్లు రాల్చుతాయనుకోవడం మూర్ఖత్వం..’ అంటూ ప్రజల్లోనే కాదు.. అధికార పార్టీకి చెందిన కింది స్థాయి నేతలు, కార్యకర్తల్లోనూ చర్చ జరుగుతోంటే, ఆ వ్యవహారం అధిష్టానం దృష్టికి వెళ్ళనీకుండా కొందరు ముఖ్య నేతలు ‘అడ్డుపుల్ల’ వేసేస్తున్నారట.
ఇటు పార్టీ పరంగా, అటు ప్రభుత్వంలో సలహాల పరంగా.. చోటు చేసుకుంటున్న ఈ విపరీత పోకడలు వైఎస్ జగన్ మోహన్ రెడ్డిని రాజకీయంగా ఎటువైపు తీసుకెళతాయన్నది ప్రస్తుతం చర్చనీయాంశంగా మారింది. రాష్ట్ర అభివృద్ధి కోసం ప్రభుత్వ భూముల్ని అమ్మాల్సిన పరిస్థితి ఎందుకు వస్తోంది.? అదే సమయంలో, ప్రైవేటు వ్యవహారాలైన సినిమాలకు సంబంధించి, మటన్ దుకాణాలకు సంబంధించి.. ఆయా వ్యవహారాల్లో ప్రభుత్వమెందుకు వేలు పెడుతోంది.? ఎక్కడో తేడా కొడుతోంది.
అభివృద్ధి ద్వారా వందల కోట్ల, వేల కోట్ల ఆదాయానికి రాచబాటలు వేయాల్సింది పోయి, ‘చిల్లర పనులు’ చేయాలన్న ‘దుష్ట సలహా’ ఎవరిది.? ఆ సలహా ఇచ్చిన వెన్నుపోటుదారుడెవరు.? అని సోషల్ మీడియా వేదికగా ‘బులుగు కార్మికులే’ ప్రశ్నలు సంధిస్తుండడం గమనార్హం.
మహభారత గాధలో కురుసార్వభౌముడు దుర్యోధనుడుకి వెన్నంటి ఉండి తన సలహాలతో కురువంశాన్ని ఏవిధంగా సర్వనాశనం చేయించాడో ఆ శకుని అదేవిధంగా ఆయన వారసులు కొందరు నేడు తమ సలహాలతో రాష్ట్రం సర్వనాశనం కావడానికి సర్వశక్తులు ప్రయోగిస్తున్నారు. ఇటవంటి దుర్మార్గ సలహాల పీడ ఈ రాష్ట్రానికి ఎప్పటికి విరగడ అవుతుందో?
512222 645576I dont normally look at these kinds of websites (Im a pretty shy person) – but even though I was a bit shocked as I was reading, I was certainly a bit excited as properly. Thanks for giving me a big smile for the day 50729
990250 457641You could definitely see your skills within the work you write. 926873
424416 419631Conveyancing […]we like to honor other websites on the web, even if they arent related to us, by linking to them. Below are some sites worth checking out[…] 314230
273250 412311I saw a great deal of site but I believe this 1 has got something special in it in it 812796