ఆన్ లైన్ షాపింగ్ సైట్స్ పెరిగిన తర్వాత జనాలు వాటికే అలవాటు పడిపోయారు. గుండు సూది దగ్గర నుంచి పేద్ద టీవీ వరకు ఏదైనా ఆన్ లైన్ లో కొనుగోలు చేసేవారు అంతకంతకూ పెరుగుతున్నారు. ఇక లాక్ డౌన్ కారణంగా ఆన్ లైన్ అమ్మకాలకు మరింత గిరాకీ పెరిగింది. అయితే, ఒక్కోసారి మనం ఒకటి ఆర్డర్ ఇస్తే మరొకటి కూడా వచ్చే అవకాశం ఉంటుంది. ఈ విషయాన్ని సదరు సైట్ కి చెబితే, వారు దానిని వెనక్కి తీసుకుని మన అసలు ఆర్డర్ డెలివరీ చేస్తుంటారు.
తాజాగా జోష్ సాప్ట్ వేర్ డాట్ కంపెనీ డైరెక్టర్ గౌతమ్ రేజ్ కు అమెజాన్ నుంచి వింత అనుభవం ఎదురైంది. ఆయన రూ.300 విలువైన స్కిన్ లోషన్ ఆర్డర్ చేయగా.. ఏకంగా రూ.19వేల విలువైన బోస్ ఇయర్ బడ్స్ వచ్చాయి. ప్యాక్ విప్పి చూసి ఆశ్చర్యపోయిన గౌతమ్.. వాటిని తిరిగి ఇచ్చేయాలని భావించారు. అమెజాన్ కస్టమర్ కేర్ కు ఫోన్ చేసి విషయం చెప్పారు. అయితే, ఆయన ఆర్డర్ చేసిన స్కిన్ లోషన్ నాన్ రిటర్నబుల్ ఐటెం కావడంతో దానిని వెనక్కి తీసుకోలేమని, మీరే ఉంచేసుకోవాలని సమాధానం వచ్చింది. ఈ విషయాన్ని గౌతమ్ ట్విట్టర్ లో పోస్టు చేయడంతో ఒక్కసారిగా వైరల్ గా మారింది.
కొందరు గౌతమ్ నిజాయతీకి నీరాజనాలు పట్టగా.. మరికొందరు సరదాగా ఛలోక్తులు వేస్తున్నారు. ‘భయ్యా.. అది ఏ లోషనో కాస్త చెబుతారా’ అని ఒకరు ట్వీటేస్తే.. ‘బ్రో.. నేను ఆర్డర్ చేసిన బోస్ ఇయర్ బడ్స్ బదులు నాకు స్కిన్ లోషన్ వచ్చింది. ఇద్దరం ఎక్స్ఛేంజ్ చేసుకుందామా’ అంటూ కొంటెగా మరొకరు ట్వీట్ చేశారు. దీనికి గౌతమ్ కూడా అంతే కొంటెగా బదులిచ్చారు. ‘దానికేం భాగ్యం బ్రదర్.. రండి. వస్తూ వస్తూ ఆర్డిబెగ్ తీసుకుని రండి. ఎక్స్ఛేంజ్ ని ఎంజాయ్ చేద్దాం’ అని సమాధానం ఇచ్చారు. ఆర్డిబెగ్ అంటే.. అతి ఖరీదైన స్కాచ్ బాటిల్. ‘బ్రదర్.. నేను ఆ బోస్ ఇయర్ బడ్స్ వాడుతున్నాను. నేను రూ.18వేలు పెట్టి కొన్నాను. అవి మీకు రూ.300కే వచ్చాయి. ఎంజాయ్ ది సౌండ్’ అని మరొకరు సూచించారు. ‘మీకు అమెజాన్ నుంచి అదిరిపోయే గిప్ట్ వచ్చింది. కాదనకుండా తీసుకుని ఎంజాయ్ చేయండి’ అంటూ ఇంకో నెటిజన్ ట్వీట్ చేశారు.
మొత్తానికి గౌతమ్ అనుభవం సోషల్ మీడియాలో వైరల్ అయింది. ఈ సందర్భంగా కొందరు అమెజాన్ లో తమకు ఎదురైన చేదు అనుభవాలు కూడా ఏకరువు పెట్టడం విశేషం. కొసమెరుపు ఏమిటంటే.. గౌతమ్ ఆర్డర్ చేసిన స్కిన్ లోషన్ డెలివరీ కానందుకు ఆయన చెల్లించిన రూ.300 కూడా అమెజాన్ నుంచి వెనక్కి వచ్చాయి.
Bose wireless earbuds (₹19k) delivered instead of skin lotion (₹300). @amazonIN support asked to keep it as order was non-returnable! 🤪🤦♂️🥳 pic.twitter.com/nCMw9z80pW
— Gautam Rege (@gautamrege) June 10, 2020
190747 956852I see your point, and I entirely appreciate your article. For what its worth I will tell all my pals about it, quite resourceful. Later. 992074
172164 206552I saw a lot of site but I feel this one contains something special in it in it 709982
204001 706326I undoubtedly did not realize that. Learnt something new today! Thanks for that. 699159
689146 55921Sweet internet site , super pattern , rattling clean and use friendly . 254242