‘గద్దలకొండ గణేష్’ మూవీ రివ్యూ & రేటింగ్

వాల్మీకి గా మొదలై గద్దల కొండ గణేష్ గా రిలీజ్ అయిన ఈ సినిమాకి వరుణ్ తేజ్ నటన బిగ్గెస్ట్ హైలైట్. సినిమా భాషలో చెప్పాలంటే ఒక సినిమా హిట్ అవ్వడానికి 3 కచ్చితంగా ఉండాలంటారు, అవి ‘కథ, కథ, కథ’. అలాగే ఈ సినిమా విజయానికి కారణం “వరుణ్ తేజ్ వరుణ్ తేజ్, వరుణ్ తేజ్. వరుణ్ తేజ్” కెరీర్లోనే మాస్టర్ పీస్ పెర్ఫార్మన్స్ అని చెప్పాలి. తన నటన, స్టైలిష్ మాస్ లుక్, డైలాగ్ డిక్షన్, మ్యానరిజమ్స్ అన్నీ కలిపి సినిమాని నెక్స్ట్ లెవల్ కి తీసుకెళ్లాడు. ఇప్పటి వరకూ ఉన్న లవర్ బాయ్ ఇమేజ్ ని తుడిచేసి, 200% మాస్ హీరో ఇమేజ్ వరుణ్ తేజ్ కి ఈ సినిమాతో వస్తుంది. ఒక్క మాటలో చెప్పాలంటే వరుణ్ తేజ్ కాకూండా గద్దల కొండ గణేష్ పాత్ర ఇంకెవరూ చేయలేరు అనే రేంజ్ లో పాత్రలో జీవించాడు.

హరీష్ శంకర్ అనుకున్న కథకి వరుణ్ తేజ్ ఎలా అయితే 200% న్యాయం చేసాడో అలానే మరో ఇద్దరు టెక్నీకల్ పర్సన్స్ కూడా హెల్ప్ చేశారు. వాళ్ళే సినిమాటోగ్రాఫర్ అయాంక బోస్ అండ్ మ్యూజిక్ డైరెక్టర్ మిక్కీ జె మేయర్. హరీష్ శంకర్ విజువల్ గా ఊహించన దానికంటే రెండు మూడు రెట్లు బెటర్ విజువల్స్ ఇచ్చాడు. ఏ ఫ్రేమ్ లో కూడా మనం కథ నుంచి పక్కకెళ్ళకుండా ఉండేలా విజువల్స్ చేసాడు. దీనికి మించి మిక్కీ బ్యాక్ గ్రౌండ్ స్కోర్ చేసాడు. ఈ సినిమాలో కథా పరంగా ఎమోషన్స్ మారుతూ ఉంటాయి. ప్రతి సీన్ లో ప్రతి షాట్ కి తగ్గట్టు మ్యూజిక్ చేయడం చాలా కష్టతరం. కానీ మనసు పెడితే సాధ్యమే అని మిక్కీ ప్రూవ్ చేసాడు. వరుణ్ లానే ఛాన్స్ ఇస్తే మాస్ మాసాలా సినిమాలకి అదిరిపోయేలా మ్యూజిక్ చేయగలనని ప్రూవ్ చేసుకున్నాడు. అవినాష్ కొల్ల ఆర్ట్ వర్క్ కూడా చాలా రియలిస్టిక్ గా ఉంది. తన సెట్స్ ఆ విలేజ్ రౌడీయిజంని పర్ఫెక్ట్ గా చూపడానికి హెల్ప్ అయ్యింది. చోట కె ప్రసాద్ ఎడిటింగ్ ఫస్ట్ హాఫ్ వరకూ ఎలాంటి డ్రాప్ లేదు. కానీ సెకండాఫ్ లో మాత్రం చాలా చోట్ల సాగదీసి సాగదీసి వదిలారు. ముఖ్యంగా క్లైమాక్స్ ఎమోషనల్ సీన్స్ దగ్గర ఇంకా షార్ట్ అండ్ స్వీట్ గా చెప్పుంటే ఆడియన్స్ క్లైమాక్స్ లో ఇంకాస్త బెటర్ గా ఫీల్ అయ్యుండేవారు. వెంకట్ యాక్షన్ ఎపిసోడ్స్, గౌరి నాయుడు కాస్ట్యూమ్ కథకి తగ్గట్టు పర్ఫెక్ట్ గా ఉన్నాయి.

ఇక సినిమాకి కెప్టెన్ అయినా హరీష్ శంకర్ విషయానికి వస్తే, రీమేక్ కథని అద్భుతంగా తీస్తాడని ఆల్రెడీ గబ్బర్ సింగ్ తో ప్రూవ్ చేసుకున్నాడు. దాంతో పోల్చుకుంటే ఈ సినిమా ఒక 20% తక్కువ ఇంపాక్ట్ ఉండేలా తీసాడని చెప్పాలి. కథ పరంగా సింపుల్ కంటెంట్ కానీ స్క్రీన్ ప్లే పరంగా నడిచే సినిమా ఇది. హరీష్ శంకర్ అనగానే ఫస్ట్ హాఫ్ ది బెస్ట్ గా చేస్తాడు. అలానే గద్దల కొండ గణేష్ ఫస్ట్ హాఫ్ కూడా అదిరిపోయింది, ఎప్పటిలానే సెకండాఫ్ కి వచ్చేసరికి, అసలు కథలోకి వెళ్లే కొద్దీ స్పీడ్, ఎంటర్టైన్మెంట్ తగ్గడం మొదలవుతాయి. ముఖ్యంగా కథకి కీలకమైన ఎమోషనల్ కంటెంట్ అనుకున్న స్థాయిలో వర్కౌట్ అవ్వలేదు. ముఖ్యంగా ఒరిజినల్ కథలో లేకుండా ఇక్కడ యాడ్ చేసిన వరుణ్ – పూజ ప్రేమ కథలో ఎమోషనల్ కంటెంట్ చాలా రెగ్యులర్ గా ఉంటుంది. అందుకే  సెకండాఫ్ కొంతమేర నిరుత్సాహపరుస్తుంది. అలాగే సుమారు 3 గంటల నిడివిలో జాగ్రత్తలు తీసుకొని ఉంటే సెకండాఫ్ బెటర్ అనిపించేది. ఎప్పటిలానే తన హీరోయిజం ఎలివేషన్ సీన్స్, పవర్ఫుల్ డైలాగ్స్ విషయంలో సూపర్బ్ అనిపించుకున్నాడు. 14రీల్స్ ప్లస్ ప్రొడక్షన్ ఎక్కడ ఖర్చుకి వెనకాడకుండా తీశారు. వారు పెట్టిన ప్రతి రూపాయి తెరపై చాలా గ్రాండ్ గా కనిపిస్తుంది.

– హీరో ఇంట్రడక్షన్ సీన్ : విజువల్ – పెర్ఫార్మన్స్ – డైలాగ్స్  పరంగా అరాచకం.

– ఎమ్మెల్యే సెలక్షన్ టైంలో వచ్చే వరుణ్ తేజ్ సీన్

– అథర్వ – మిర్నాలిని రవి లవ్ ట్రాక్

– వరుణ్ తేజ్ కౌంటర్ అటాక్ చేసే ప్రీ ఇంటర్వెల్ బ్లాక్

– వరుణ్ తేజ్ – పూజ హెగ్డే లవ్ సీన్స్

– అదుర్స్ అనిపించే 4 పాటల పిక్చరైజేషన్

– వరుణ్ తేజ్ మాస్టర్ పీస్ పెర్ఫార్మన్స్

– బ్రహ్మాజీ కామెడీ ఎపిసోడ్

– మిక్కీ జె మేయర్ బ్యాక్ గ్రౌండ్ స్కోర్

– అయాంక బోస్ విజువల్స్

– ఫస్ట్ హాఫ్

– హరీష్ శంకర్ డైలాగ్స్

– సాగదీసిన సెకండాఫ్

– అంతగా మెప్పించని ఎమోషనల్ కంటెంట్

– 3 గంటల నిడివి

‘గద్దల కొండ గణేష్’గా టైటిల్ మార్చబడిన ‘వాల్మీకి’ సినిమా ఎలా ఉంది అంటే ‘బంతోయ్ భోజనం పెట్టి అందులో స్వీట్ లేకపోతే ఎలా ఉంటుందో అలా ఉంది. ఎందుకంటే.. ఇందులో వరుణ్ అదిరిపోయే పెర్ఫార్మన్స్, మాస్ ఎంజాయ్ చేసే హీరోయిజం ఎలివేషన్ సీన్స్, బ్యూటిఫుల్ లవ్ ట్రాక్స్, కావలసినంత కామెడీ ఇలా అన్నీ ఉన్నాయి కానీ ఇవన్నీ ప్రేక్షకుల మనసుకి హత్తుకోవాలంటే వీటన్నిటినీ కనెక్ట్ చేసే ఎమోషన్ కూడా స్ట్రాంగ్ గా ఉండాలి, అది లేకపోతే ఎన్ని ఉన్నా వృధా ప్రయత్నం అనిపిస్తుంది. ఇక్కడ ఎమోషన్ కంటెంట్ ఓకే ఓకే అనేలా ఉండడం వల్ల ప్రేక్షకులు చివర్లో ఒకింత నిరుత్సాహంతో బయటకి వస్తారు. ఫైనల్ గా వరుణ్ తేజ్ కి గత్తరలేపినవ్, చించేసినవ్ పో అనే రేంజ్ లో మాస్ ఇమేజ్ తెచ్చి పెడుతుంది. అలాగే దీపావళి ముందు దసరా పండగలా మెగా ఫాన్స్ కి ‘సైరా నరసింహారెడ్డి’ అనే బ్లాక్ బస్టర్ ముందు సూపర్ హిట్ ఈ ‘గద్దల కొండ గణేష్’ అని చెప్పాలి. కామన్ ఆడియన్స్ మాత్రం ఒకసారి హ్యాపీగా చూడవచ్చు.