ఒకటి కాదు, రెండు కాదు.. ఏకంగా ఆంధ్రప్రదేశ్ రాష్ట్రానికి మూడు రాజధానులు వుండాలని వైఎస్ జగన్ మోహన్ రెడ్డి ప్రభుత్వం భావిస్తోంది. ఈ మేరకు ఇప్పటికే అసెంబ్లీలో బిల్లు పెట్టింది. అయితే, అది శాసన మండలి దగ్గర ఆగింది. కాగా, ఇప్పటికే రెండు సార్లు శాసన సభలో పాస్ అయిన మూడు రాజధానుల బిల్లు, శాసన మండలిలో ఆగిపోయినా.. దానికి చట్టబద్ధత లభించినట్లేనన్న భావనతో వుంది అధికార వైఎస్సార్ కాంగ్రెస్ పార్టీ. మరోపక్క, ఎగ్జిక్యూటివ్ క్యాపిటల్ విషయంలో ప్రభుత్వం వెనక్కి తగ్గే ప్రసక్తే లేదనీ, విశాఖకు ఎగ్జిక్యూటివ్ క్యాపిటల్ రాకుండా ఎవరూ ఆపలేరని వైసీపీ నేతలు కుండబద్దలుగొట్టేస్తున్నారు.
కాగా, విజయదశమి నాటికల్లా విశాఖ నుంచి ‘ఎగ్జిక్యూటివ్ క్యాపిటల్’ కార్యకలాపాలు ప్రారంభించాలని అధికార పార్టీ కృత నిశ్చయంతో వుందన్నది గత కొద్ది రోజులుగా విన్పిస్తోన్న హాటెస్ట్ గాసిప్. అందుకు తగ్గట్టే తెరవెనుక కార్యకలాపాలు జోరందుకున్నాయి. కానీ, ప్రస్తుతం కరోనా వైరస్ రాష్ట్రంలో విజృంభిస్తున్న దరిమిలా, విజయదశమి నాటికి పరిస్థితులు ఎలా వుంటాయో ఊహించడం కష్టం. ‘ఎలా చూసినా, ఈ ఏడాది విశాఖకు ఎగ్జిక్యూటివ్ క్యాపిటల్ వెళ్ళడం కష్టమే..’ అన్న వాదన వైసీపీ వర్గాల నుంచే లీకుల రూపంలో బయటకు వస్తోంది.
విశాఖకు ఎగ్జిక్యూటివ్ క్యాపిటల్ వెళ్ళినా, అమరావతి ప్రాధాన్యత తగ్గదని వైఎస్ జగన్ ప్రభుత్వం చెబుతున్నా, ఒక్కసారి ‘తరలింపు’ షురూ అయితే, అత్యంత వేగంగా అమరావతి ప్రాధాన్యత అటకెక్కిపోతుందన్నది నిర్వివాదాంశం. ఈ నేపథ్యంలో అమరావతి రైతులు, తమ ఉద్యమాన్ని మరింత ఉధృతం చేసేందుకు సమాయత్తమవుతున్నారు.
మరోపక్క, విశాఖకు ఎగ్జిక్యూటివ్ క్యాపిటల్ని తీసుకెళితే, కర్నూలు పరిస్థితి ఏంటి.? అని రాయలసీమ ప్రాంత ప్రజలు ప్రశ్నిస్తుండడం గమనార్హం. ‘కర్నూలుకి న్యాయ రాజధాని అన్నారు.. ఆ దిశగా ఒక్క అడుగు కూడా ముందుకు పడలేదు. విశాఖ విషయంలో మాత్రం అధికార పార్టీ అత్యుత్సాహం చూపుతోంది..’ అని ఇన్నాళ్ళూ వైసీపీకి మద్దతిస్తోన్న రాయలసీమకు చెందిన పలు ఉద్యమ, విద్యార్థి సంఘాలు నిలదీస్తున్నాయి. మొత్తమ్మీద, రాజధాని చుట్టూ నడుస్తోన్న ఈ గందరగోళానికి ఇప్పట్లో తెరపడేలా కన్పించడంలేదు.
687408 194248Wow that was strange. I just wrote an incredibly long comment but soon after I clicked submit my comment didnt appear. Grrrr well Im not writing all that over once again. Regardless, just wanted to say amazing weblog! 637947
548082 989551You ought to be a part of a contest very first of the most effective blogs online. Let me suggest this blog! 314835