సమస్య పరిష్కారమైంది.. సూయజ్ కాలువలో నౌక కదిలింది..

ఆరు రోజుల క్రితం సూయజ్ కాలువలో చిక్కుకున్న భారీ నౌక సమస్య పరిష్కారమైంది. ఇప్పట్లో అసాధ్యం అనుకున్న విషయాన్ని పరిష్కరించారు సూయజ్ కాలువ నిర్వాహణ అధికారులు. ఎవరి గివెన్ నౌకను కదిలించారు. ప్రస్తుతం ఎవర్ గివెన్ నౌక సూయజ్ కాలువలో ప్రయాణిస్తోంది. ఈ ఆరు రోజులుగా ఎవర్ గివెన్ నౌక వల్ల వందల ముడిచమురు, సరకు రవాణా నౌకలు ఇరువైపులా నిలిచిపోయాయి. నౌక వల్ల రోజుకు 900 కోట్ల డాలర్ల మేర ప్రపంచ వాణిజ్యం నిలిచిపోయింది.

ఓడ కూరుకుపోయిన ప్రాంతంలో భారీగా ఇసుక, బంకమట్టిని తొలగించారు. ఓవైపు డ్రెడ్జర్లతో వీటిని తవ్వుతూనే మరోపక్క టగ్ బోట్ల సాయంతో నౌకను కదిలించే ప్రయత్నం చేశారు. దీంతో ఓడ కింద నీటి ప్రవాహం మొదలైంది. వాతావరణం కూడా అనుకూలించడంతో నౌక కదిలిందని అధికారులు తెలిపారు. నౌక ముందు భాగం ఇసుక, మట్టిలో కూరుకుపోవడంతోనే ఇంత పెద్ద సమస్య వచ్చింది. అంతర్జాతీయ నిపుణుల బృందం చేసిన ప్రయత్నాల వల్ల వెంటనే సమస్య పరిష్కారమైంది.

LATEST: The Ever Given container ship that was stuck in the Suez Canal is now fully afloat.

The vessel was finally pulled free, allowing the crucial trade route to reopen to traffic https://t.co/0dC8LE0UFI pic.twitter.com/UZjcP2Mrpu

— Bloomberg Quicktake (@Quicktake) March 29, 2021