హైపర్ ఆది ఎలాంటివాడో చెప్పిన దొరబాబు భార్య..!

జబర్దస్త్ షోలో హైపర్ ఆది వేసే పంచ్ లు గురించి తెలిసిందే. తనపై విమర్శలు వచ్చినా తనదైన మార్క్ కామెడీ పండించడంలో సిద్ధహస్తుడు. అయితే.. ఆది గురించి ఆయన టీమ్ లో ఉండే దొరబాబు భార్య అమూల్య షాకింగ్ విషయాలు చెప్పింది. ఇటివల ఓ షోలో దొరబాబుని ఎందుకు పెళ్లి చేసుకున్నావ్? అని సుడిగాలి సుధీర్ అడిగితే.. ‘ఇంట్లో వాళ్ళు దొరలాంటోడిని పెళ్లి చేసుకోమన్నారు.. దొరలాంటోడు ఎందుకని దొరబాబునే చేసుకున్నా’ అని చెప్పింది. దీంతె ఆది స్పందిస్తూ.. ‘నీకు ఓ రేంజ్ ఫాలోయింగ్ ఎందుకొచ్చిందో ఇప్పుడు అర్థమైంది’ అంటూ కౌంటర్ వేశాడు.

ఆ సమయంలో ఆది గురించి ఆమూల్య మాట్లాడుతూ.. ‘మేము కష్టాల్లో ఉన్నప్పుడు మాకెవరూ తోడు లేరు. ఆ క్లిష్ట పరిస్థితుల్లో ఆది మాకు సాయం చేసి ఆదుకున్నాడు. అందుకే ఆది నెంబర్‌ను మా ఫోన్‌లో గాడ్‌ అని పెట్టుకున్నాం’ అని కన్నీళ్ల పర్యంతమైంది. ప్రస్తుతం ఈ వీడియో వైరల్‌ అవుతోంది. ఆదిలో ఇటువంటి గుణం ఉండటాన్ని నెటిజన్లు ప్రశంసిస్తున్నారు.