నీ కళ్లు చెబుతున్నాయి.. నన్ను ప్రేమించావని అంటూ మనం చాలాసార్లు పాడుకున్నాం. మనుషులు నోటితోనే కాకుండా కళ్లతో కూడా మాట్లాడుకోలగలరన్న సంగతి మనకు తెలిసిందే. కోపాన్ని ప్రదర్శించాలన్నా, కరుణరసం కురిపించాలన్నా, బాధపడేటప్పుడైనా కళ్లు కీలకపాత్ర పోషిస్తాయి. మనిషి కళ్లను చూసి అతడి పరిస్థితిని అంచనా వేయొచ్చు. తాజాగా ఈ జాబితాలోకి కుక్కలు కూడా చేరాయి.
అవి తమ కళ్లతో మనుషులతో సంభాషించగలవని వెల్లడైంది. ముఖ్యంగా యజమానులకు తమ భావోద్వేగాలు తెలియజేయగలవని ఇటీవల నిర్వహించిన అధ్యయనంలో తేలింది. ఈ విషయంలో తోడేళ్ల కంటే శునకాలు తెలివైనవని వెల్లడైంది. డాక్టర్ జూలియన్ కామిన్ స్కి నేతృత్వంలోని పరిశోధకుల బృందం శునకాలు, తోడేళ్లపై ఈ అధ్యయనం నిర్వహించింది. ఈ సందర్భంగా రెండింటి కళ్ల నిర్మాణాలను, వాటి హావభావాలను పరిశీలించారు.
శునకాల కళ్ల చుట్టూ ఉన్న కండరాలు తోడేళ్ల కళ్ల చుట్టూ ఉన్న కండరాల కంటే పలుచగా ఉన్న సంగతి గుర్తించారు. ఈ వెసులుబాటు వల్ల కుక్కలు తమ లోపలి కనుబొమ్మలను సులభంగా పైకి, కిందకు, కాస్త అటూ ఇటూ కదపగలుగతున్నాయని కనుగొన్నారు. అంతేకాకుండా వాటితో రెండు నిమిషాలు ఉంటే చాలు.. అవి తమ కళ్లతో మనుషులతో మాట్లాడటానికి ప్రయత్నిస్తాయని పరిశోధకులు వివరించారు.
తోడేళ్లలో కంటి దగ్గర కండరాలు కొంచెం మందంగా ఉన్నందున అవి ఇలా చేయలేవని పేర్కొన్నారు. ఈ నేపథ్యంలోనే మనుషులకు తోడేళ్ల కంటే శునకాలే దగ్గరై ఉంటాయనే అభిప్రాయాలు వ్యక్తమవుతున్నాయి.
759797 593288Your blog is one of the much better blogs Ive came across in months. Thank you for your posts and all of the very best together with your work and weblog. Seeking forward to reading new entries! 938673
187318 173717You may be websites successful individuals, it comes effortlessly, therefore you also earn you see, the jealousy of all the ones lots of journeymen surrounding you could have challenges within this challenge. motor movers 503747