2014 ఎన్నికల తర్వాత తెలంగాణలో తెలుగుదేశం పార్టీ దాదాపుగా మాయమైపోయింది. 2019 ఎన్నికల ఫలితాలు తెలుగుదేశం పార్టీకి ఆంధ్రప్రదేశ్లో పెద్ద షాక్ ఇచ్చాయి. కేవలం 23 మంది ఎమ్మెల్యేలు, ముగ్గురు లోక్సభ సభ్యులతో చంద్రబాబు, తెలుగుదేశం పార్టీని ఇంకో ఐదేళ్ళు నడపడం సాధ్యమేనా.? ఛాన్సే లేదన్న భావనతో ఆల్రెడీ టీడీపీకి చెందిన ముఖ్య నేతలు తమ దారి తాము చూసేసుకుంటున్నారు. ఇప్పటికే నలుగురు రాజ్యసభ సభ్యులు సుజనా చౌదరి నేతృత్వంలో బీజేపీలో విలీనమైపోయిన విషయం విదితమే. తాజాగా ఓ ఎమ్మెల్సీ టీడీపీకి గుడ్ బై చెప్పేశారు.
ఇన్నాళ్ళూ టీడీపీ తరఫున బలంగా వాయిస్ విన్పించిన లంకా దినకర్, చందు సాంబశివరావు కూడా టీడీపీకి దూరమయిపోయారు. ప్రస్తుతం పార్టీని నిలబెట్టేంత బలం వున్న నేతలు టీడీపీలో ఒకరిద్దరు మాత్రమే కన్పిస్తున్నారు. ఇలాంటి పరిస్థితుల్లో టీడీపీని నడపడమంటే చంద్రబాబుకి అది కత్తి మీద సామే. కేవలం రెండు మూడు నెలల్లోనే చంద్రబాబు జైలుకు వెళతారంటూ బీజేపీ జాతీయ స్థాయి నేతలు జోస్యం చెబుతోంటే, ఆ ఎఫెక్ట్ టీడీపీలోని ఇతర నేతలపై గట్టిగా పడకుండా ఎలా వుంటుంది.?
ఢిల్లీ నుంచి అలాంటి బెదిరింపులు వుంటే, ఇంకోపక్క.. ఆంధ్రప్రదేశ్లోని వైఎస్ జగన్ సర్కార్ కూడా, చంద్రబాబుని రాజకీయంగా ఇరకాటంలో పెట్టేందుకు పద్యవ్యూహాన్ని రచిస్తోంది. ఇన్ని ప్రతిబంధకాల నడుమ చంద్రబాబు, తెలుగుదేశం పార్టీని నడపడం సాధ్యమయ్యే పని కాదు. దాంతో, చంద్రబాబు తెలుగుదేశం పార్టీని ఏదో ఒక జాతీయ పార్టీలో కలిపేయాల్సిందేననే భావన కొందరిలో వ్యక్తమవుతోంది. ఆ జాతీయ పార్టీ ఇంకోటేదో కాదు, భారతీయ జనతా పార్టీయేనని అంటున్నారు టీడీపీ నేత జేసీ ప్రభాకర్రెడ్డి.
మాజీ ఎంపీ జేసీ దివాకర్రెడ్డి సోదరుడు జేసీ ప్రభాకర్రెడ్డి మీడియాతో మాట్లాడుతూ బీజేపీలో టీడీపీ విలీనమంటూ సంచలన వ్యాఖ్యలు చేశారు. ‘తప్పదు, ఇంకోసారి పెళ్ళికి మేం సిద్ధపడాల్సిందే. మోడీకి, చంద్రబాబు ఐడియాలు అవసరం. అందుకే, చంద్రబాబుని మోడీ చేరదీస్తారు..’ అని జేసీ ప్రభాకర్రెడ్డి వ్యాఖ్యానించడం సంచలనంగా మారింది. అయితే, జేసీ ప్రభాకర్రెడ్డి వ్యాఖ్యల్ని ఇతర టీడీపీ నేతలు మాత్రం తీవ్రంగా ఖండిస్తున్నారు. సుజనా చౌదరి, సీఎం రమేష్ లాంటి నేతలు టీడీపీ నుంచి బీజేపీలోకి వెళ్ళడమంటేనే.. అది చంద్రబాబు స్కెచ్ అన్న అభిప్రాయం ఇప్పటికీ వుంది. మరి, ఆ స్కెచ్ నిజమైతే.. విలీనం కూడా నిజమయ్యే అవకాశాల్లేకపోలేదు.
68638 98360Greetings! This really is my 1st comment here so I just wanted to give a quick shout out and tell you I genuinely enjoy reading through your weblog posts. Can you recommend any other blogs/websites/forums that deal with exactly the same topics? Thank you so a lot! 41954
371435 855386Spot lets start work on this write-up, I in fact believe this incredible web site requirements additional consideration. Ill far more likely be once once again you just read additional, thank you that info. 20646
250631 918411Really good style and fantastic content material , nothing else we want : D. 393727
264850 732440Thank you for your details and respond to you. auto loans westvirginia 81648