దిశ హత్య కేసులో నలుగురు నిందితులు ఎనిమిది రోజుల్లోనే ఎన్ కౌంటర్లో హతమయ్యారు. కానీ నిర్భయ హత్య కేసులో దాదాపు ఎనిమిదేళ్ల తర్వాత దోషులకు ఉరి పడింది. అది కూడా ఎన్నో నాటకీయ పరిణామాలు, డ్రామాల నడమ. ఉరి తీయడానికి రెండు గంటల ముందు వరకు కూడా కోర్టులో వాదనలు జరిగాయి. ఏపీ సింగ్ వంటి వివాదాస్పద లాయర్ న్యాయ వ్యవస్థలో ఉన్న లోపాలను అడ్డుపెట్టుకుని ఆడిన ఈ ఆట ఏకంగా ఇంతకాలం కొనసాగింది. ఒకదాని తర్వాత మరొకటి, అది విఫలమైతే ఇంకోటి.. ఇలా లెక్కకు మిక్కిలిగా ఒక్కో ఎత్తు వేస్తూ.. రకరకాల పిటిషన్లతో కింది స్థాయి నుంచి సుప్రీంకోర్టు వరకు వెళుతూ న్యాయవ్యవస్థతో ఆడుకున్నారు.
అసలు నిర్భయ హంతకులకు ఉరి పడుతుందా లేదా అనే అసహనం జనాల్లో వచ్చేసింది. తన క్లైంట్లను రక్షించుకునేందుకు ఎన్ని ప్రయత్నాలు చేయాలో, ఎన్ని అబద్ధాలు ఆడాలో అన్నీ ఏపీ సింగ్ చేశారు. వృత్తిపరంగా ఆయన్ను ఎవరూ తప్పుబట్టలేరు. ఒకవిధంగా మన న్యాయ వ్యవస్థలో ఎన్ని లోపాలున్నాయో ఈ కేసులో దేశానికి అర్థమైంది. వీటిని సరిదిద్దుకోవాల్సిన అవసరాన్ని ఏపీ సింగ్ కల్పించారు.
ఈ నేపథ్యంలో మరోసారి ఉరి, ఎన్ కౌంటర్లలో ఏది బెటరనే చర్చ తెరపైకి వచ్చింది. దిశ హత్య కేసులో నలుగురు నిందితులు ఎన్ కౌంటర్ కావడంతో జనం సంబరాలు చేసుకున్నారు. సీపీ సజ్జనార్ కు జైజైలు పలికారు. వరంగల్ యాసిడ్ దాడి నిందితుల ఎన్ కౌంటర్ లోనూ ఇదే విధమైన ప్రతిస్పందన కనిపించింది. కానీ నిర్భయ కేసు విషయానికి వచ్చేసరికి చివరి క్షణం వరకూ ఆమె తల్లిదండ్రులు పోరాడాల్సి వచ్చింది. ఓ దశలో నిర్భయ తల్లి ఆశాదేవి సైతం తమ బిడ్డను పొట్టనపెట్టుకున్న క్రూరులను ఎన్ కౌంటర్ చేయడమే బెటరని వ్యాఖ్యానించారు.
ఒక విధంగా చట్టాన్ని చేతుల్లోకి తీసుకోవడం తప్పు. అది పోలీసులకు కూడా వర్తిస్తుంది. కానీ నిర్భయ కేసు చూసిన తర్వాత అదే కరెక్టనే అభిప్రాయం ప్రజల్లో పాతుకుపోతోంది. ఏపీ సింగ్ వంటి అతి తెలివైన లాయర్లు న్యాయవవస్థతో ఆడుకోవడం కూడా తప్పేనంటున్నారు. ఇప్పటికైనా మన న్యాయవ్యవస్థలో ఉన్న లోపాలను సరిచేయాల్సిందేనని స్పష్టంచేస్తున్నారు. ఈ కారణంగానే కదా.. చిలకలూరిపేట బస్సు దహనం కేసు దోషులు చివరి క్షణంలో ఉరిని తప్పించుకున్నారు. ఇలాంటివి జరగకుండా దోషులకు శిక్ష పడాలంటే మన వ్యవస్థలో సమూల మార్పులు జరగాల్సిందే.
848537 972950I genuinely thankful to find this web site on bing, just what I was seeking for : D too bookmarked . 248019
124991 488842excellent day, your internet site is inexpensive. I do numerous thanks for succeed 540927