పంటి కింది రాయిలా ఇబ్బంది తమను తీవ్రంగా ఇబ్బంది పెడుతున్న రాష్ట్ర ఎన్నికల కమిషనర్ (ఎస్ఈసీ) నిమ్మగడ్డ రమేశ్ కుమార్ పై ఏపీ సర్కారు ఎలాంటి వైఖరి అవలంభించబోతోంది? అభిశంసన ద్వారా ఆయన్ను సాగనంపాలని యోచిస్తోందా? అది సాధ్యమవుతుందా? ప్రభుత్వ సలహాదారు సజ్జల రామకృష్ణారెడ్డి వ్యాఖ్యలను బట్టి చూస్తే.. ఎస్ఈసీని తొలగించడాలనికి అవకాశం ఉన్న మార్గాలను అన్వేషిస్తున్నట్టు స్పష్టమవుతోంది.
టీడీపీ అధినేత చంద్రబాబు సీఎంగా ఉన్న సమయంలో 2016లో ఎస్ఈసీగా నిమ్మగడ్డ రమేశ్ కుమార్ నియమితులయ్యారు. 2021 వరకు ఆయన ఆ పదవిలో కొనసాగుతారు. అయితే, సాధ్యమైనంత త్వరగా ఆయన్ను పదవి నుంచి తప్పించాలని అధికార వైసీపీ భావిస్తోంది. ఇందుకు ఎలాంటి అవకాశాలు ఉన్నాయో పరిశీలిస్తోంది. హైకోర్టు న్యాయమూర్తితో సమానంగా అధికారాలు కలిగిన ఎస్ఈసీని తొలగించడం అంత సులభం కాదు. ఇందుకు అసెంబ్లీలో తీర్మానం ప్రవేశపెట్టి మూడింట రెండొంతుల మంది ఆమోదించాలి. అనంతరం దానిని కేంద్ర ప్రభుత్వానికి పంపిస్తే.. ఆ మేరకు కేంద్రం ఆయన్ను తొలగిస్తూ ఉత్తర్వులు జారీచేస్తుంది.
అసెంబ్లీలో తిరుగులేని మెజార్టీ ఉన్న జగన్ సర్కారుకు ఎస్ఈసీని అభిశంసిస్తూ తీర్మానం చేసి, దానిని ఆమోదించడంలో ఎలాంటి ఇబ్బందీ లేదు. అయితే, దానిని కేంద్రం వెంటనే ఆమోదిస్తుందా లేదా అన్నది ప్రశ్నార్థకంగా మారింది. రాష్ట్ర బీజేపీ నేతలు ఎస్ఈసీ నిమ్మగడ్డకు మద్దతుగా నిలిచిన నేపథ్యంలో ఢిల్లీ పెద్దలు దీనిపై ఎలా స్పందిస్తారా అన్నది చెప్పలేం. ఇప్పటికే మండలిని రద్దు చేస్తూ శాసనసభ చేసిన తీర్మానంపై కేంద్రం ఇంకా ఎలాంటి చర్యా తీసుకోలేదు. నిమ్మగడ్డకు కేంద్ర పెద్దల అండ ఉందనే ప్రచారం జరుగుతున్న నేపథ్యంలో ఆయనపై కీలక నిర్ణయం తీసుకునే అవకాశం ఉంటుందా అన్నది చెప్పలేని పరిస్థితి.
కేంద్రం తమకు మద్దతుగా నిలుస్తుందా లేదా అనే విషయాన్ని పక్కనపెడితే.. ఎస్ఈసీకి చెక్ చెప్పే దిశగానే జగన్ సర్కారు వ్యూహాలు పన్నుతోంది. అభిశంసన ద్వారా ఆయన్ను తొలగించడానికి ఉన్న అవకాశాలను పరిశీలిస్తోంది. భద్రత కల్పించాలంటూ తమకు అందిన లేఖ ఆయన నుంచి వచ్చిందనే తాము భావిస్తున్నట్టు కేంద్ర హోంశాఖ ప్రకటించడంతో ఈ వ్యవహారం మలుపు తిరిగింది.
ప్రభుత్వంపై ఓ రాజకీయ నాయకుడిగా ఆయన ఆరోపణలు చేసిన నేపథ్యంలో.. ఇదే అంశంతో ఎస్ఈసీని అభిశంసించాలని సర్కారు యోచిస్తున్నట్టు టాక్ వినిపిస్తోంది. ఒకవేళ ఇది వర్కవుట్ కాని పక్షంలో అదనంగా మరో ఇద్దరు కమిషనర్లను నియమించడం ద్వారా ఎస్ఈసీకి కొంతమేర చెక్ చెప్పాలని అధికార పార్టీ ఆలోచిస్తోంది. మొత్తానికి ఎస్ఈసీ వర్సెస్ ఏపీ సర్కారు వ్యవహారం మరింత ముదరడం ఖాయంగా కనిపిస్తోంది.
863504 965534Oh my goodness! an incredible post dude. Thank you Nonetheless Im experiencing challenge with ur rss . Don know why Unable to subscribe to it. Is there anyone obtaining related rss drawback? Anybody who knows kindly respond. Thnkx 836826
402978 355230Awesome inkling Grace! ego was luxurious youd bring about this about your biz bump into upstanding lineage. We reason you! 19892
68028 188175This is a good blog i need to say, typically i don????t post comments on others???? blogs but would like to say that this post really forced me to do so! 488015