వైట్ హౌస్ లో కరోనా పాజిటివ్ – హై టెన్షన్ లో ట్రంప్ బృందం

ఈ కరోనా వైరస్ సామాన్య ప్రజల నుంచి దేశాధ్యక్షుల వరకూ సమానంగా చూస్తూ అందరి మీద తన జులుం చూపిస్తోంది. ఈ కరోనా భయం నుంచి అమెరికా ప్రెసిడెంట్ ట్రంప్ కూడా మినహాయింపు కాదు అందుకే ఇప్పటివరకూ ప్రపంచంలో మరే దేశాధ్యక్షుడు చేసుకోనన్ని సార్లు కరోనా టెస్ట్ చేయించుకున్నారు. ఇప్పటి వరకూ సేఫ్టీ కోసం చేయించుకున్న ఆయన తాజాగా భయభ్రాంతుల నడుమ కోవిడ్ టెస్ట్ చేయించుకున్నారు.

దానికి కారణం వైట్ హౌస్ లో పని చేసే మిలటరీ సిబ్బందికి కోవిడ్ పాజిటివ్ అని తేలడంతో అమెరికా అధికారులు అప్రమత్తమయ్యారు. తక్షణమే పాజిటివ్ వచ్చిన వారితో కలిసి పని చేసిన అందరినీ క్వారంటైన్ కు పంపారు. ముందు జాగ్రత్తగా ప్రెసిడెంట్ ట్రంప్ కి, ఉపాధ్యక్షుడు మైక్ పెన్స్ కు మరియు అతని దగ్గర పనిచేసే అందరికీ కోవిడ్ పరీక్షలు నిర్వహించారు. ఊరట కలిగించే విషయం ఏమిటంటే ట్రంప్ అండ్ మైక్ పెన్స్ కు నెగిటివ్ వచ్చిందని వైట్ హౌస్ వెల్లడించింది. కానీ ట్రంప్ వ్యక్తిగత సహాయకుల్లో ఒకరికి పాజిటివ్ రావడంతో వెయిట్ హౌస్ లో మరిన్ని జాగ్రత్తలు తీసుకుంటున్నారు.

మరోవైపు ప్రపంచంలో అత్యధిక కరోనా పాజిటివ్ కేసులతో అమెరికా టాప్ ప్లేస్ లో ఉంది. అమెరికాలో ఇప్పటి వరకూ 12.9 లక్షల పాజిటివ్ కేసులు నమోదవ్వగా, అందులో 9.9 లక్షల యాక్టివ్ కేసులు, 77 వేల మంది చనిపోగా 17వేల మంది పరిస్థితి విషమంగా ఉంది.