Chiranjeevi: నిన్న ఒడిశాలో జరిగిన ఘోర రైలు ప్రమాదం ప్రతి ఒక్కరినీ కలచివేస్తున్న సంగతి తెలిసిందే. 70 మందికి పైగా మృతి చెంది.. వందల సంఖ్యలో క్షతగాత్రులుగా మిగిలిన ఘోర దుర్ఘటనపై సర్వత్రా సానుభూతి వ్యక్తమవుతోంది. ఈ నేపథ్యంలో మెగాస్టార్ చిరంజీవి స్పందించారు. జరిగిన దుర్ఘటనపై విచారం వ్యక్తం చేశారు. క్షతగాత్రులు త్వరగా కోలుకోవాలని ఆకాంక్షించారు. ఈక్రమంలోనే అవసరమైన సహాయ సహకారాలు అందించాలని మెగాభిమానులకు విజ్ఞప్తి చేశారు.
జరిగిన దుర్ఘటన కలచి వేస్తోంది. ఎందరో గాయపడ్డారు. ప్రస్తుతం అక్కడ ఎందరికో రక్తం అవసరం ఉంది. మానవతా దృక్పథంతో మెగాభిమానులు, సామాజిక స్పృహ ఉన్నవారు, రక్తదాతలు వెంటనే అక్కడ అవసరమైన సాయం అందించాలని విజ్ఞప్తి చేస్తున్నాను. ఈ కష్ట కాలంలో ఆపదలో ఉన్నవారిని ఆదుకోవడం మానవ ధర్మంగా భావించాలని కోరుతున్నాను అని ట్వీట్ చేశారు.
చిరంజీవి పిలుపుకు అభిమానుల నుంచి అనూహ్య స్పందన వస్తోంది. మీమాటే వేదం అన్నయ్యా.. అంటూ మెగా ఫ్యాన్స్ సహాయం చేసేందుకు ఉద్యుక్తులవుతున్నారు. రక్తదానం చేసేందుకు ముందుకు వస్తున్నారు. చిరంజీవి సహృదయతకు మంచి స్పందన వస్తోంది.
Utterly shocked at the tragic Coromandel express accident in Orissa and the huge loss of lives! My heart goes out to the bereaved families.
I understand there is an urgent demand for blood units to save lives. Appeal to all our fans and good samaritans in the nearby areas to…— Chiranjeevi Konidela (@KChiruTweets) June 3, 2023