ఆంధ్రపదేశ్ రాష్ట్రానికి డబుల్ షాక్ ఇచ్చింది కేంద్ర ప్రభుత్వం. రాష్ట్రానికి సంబంధించి అతి ముఖ్యమైన రెండు విషయాలపై ఒకేసారి స్పష్టత ఇస్తూ, రెండు చెంపలూ పగలగొట్టేసింది మోడీ సర్కార్. రాష్ట్రంలో ప్రధాన రాజకీయ పార్టీలు చేష్టలుడిగి చూస్తోన్న వేళ, వెకిలి రాజకీయాలు చేస్తున్న వేళ.. కేంద్రం తన పని తాను చేసుకుపోయింది.. రాష్ట్రానికి అన్యాయం చేసే క్రమంలో.
విశాఖ ఉక్కు పరిశ్రమ ప్రైవేటీకరణ ఆగే ప్రసక్తే లేదని కేంద్ర ప్రభుత్వం స్పష్టం చేసింది. విశాఖ ఉక్కు పరిశ్రమ నుంచి 100 శాతం ప్రభుత్వ పెట్టుబడుల్ని వెనక్కి తీసుకుంటామని, ఈ క్రమంలో రాష్ట్ర ప్రభుత్వానికి ఇప్పటికే సమాచారం ఇచ్చామనీ కేంద్రం అంటోంది. లోక్సభలో రాష్ట్ర ఎంపీ ఎంవీవీ సత్యనారాయణ అడిగిన ప్రశ్నకు లిఖిత పూర్వక సమాధానమిచ్చిన కేంద్ర ఆర్థిక మంత్రి నిర్మలా సీతారామన్, రాష్ట్రంపై పెద్ద పిడుగు పడేశారు.
మరోపక్క, రాష్ట్రానికి విభజన చట్టం ద్వారా దక్కాల్సిన పోర్టు విషయంలోనూ షాక్ తగిలింది. దుగరాజపట్నంకి బదులుగా రామాయపట్నం మేజర్ పోర్టు విషయమై కేంద్రానికి రాష్ట్ర ప్రభుత్వం ప్రతిపాదనలు పంపింది. అయితే, రామాయపట్నం మేజర్ పోర్టు స్థాయిని తగ్గిస్తూ నాన్ మేజర్ పోర్టుగా పేర్కొంటూ గత ఏడాది రాష్ట్రప్రభుత్వం నోటిఫికేషన్ విడుదల చేసింది. ఈ విషయాన్ని పేర్కొంటూ, నాన్ మేజర్ పోర్టుతో కేంద్రానికి సంబంధం లేదని తేల్చేసింది. ఒకవేళ నాన్ మేజర్ పోర్టుకి సహకారం అందించాలంటే, విభజన చట్టంలో మార్పులు చేయాల్సి వుంటుందని కేంద్రం ప్రకటించడం కొసమెరుపు.
ప్రత్యేక హోదా రాలేదాయె.. కడపలో ఏర్పాటు చేయాల్సిన స్టీలు ప్లాంటు ఊసు లేదాయె. పోలవరం ప్రాజెక్టు విషయంలో గందరగోళం కొనసాగుతోందాయె. రాజధాని అధోగతిపాలాయె.! ఇవన్నీ చాలవన్నట్టు పోర్టు అటకెక్కింది.. వున్న ఉక్కు పరిశ్రమ కూడా ప్రైవేటు చేతుల్లోకి వెళ్ళిపోతోంది. టీడీపీ – వైసీపీ.. విశాఖ వేదికగా రాజకీయ యుద్ధానికి తెరలేపడం తప్ప.. కలిసికట్టుగా కేంద్రంపై ఒత్తిడి తీసుకురావాలన్న సోయ ప్రదర్శించకపోవడం రాష్ట్రానికి శాపంగా పెను మారింది.
ఇదిప్పటి తంతు కాదు, 2014 నుంచీ ఇదే వ్యవహారం నడుస్తోంది. ప్రత్యేక హోదా విషయంలో కూడా వైసీపీ – టీడీపీ మధ్య గలాటా జరిగింది తప్ప.. రెండూ పార్టీలూ కేంద్రాన్ని నిలదీయలేకపోయాయి. మొత్తమ్మీద, విభజన తర్వాత కష్టనష్టాలపాలైన రాష్ట్రాన్ని ఆదుకోవాల్సిన కేంద్రం, రాష్ట్రంలోని ప్రధాన రాజకీయ పార్టీల మధ్య ఆధిపత్య పోరుతో చోద్యం చూస్తోంది తప్ప, రాష్ట్రానికి సహకరించాలన్న విజ్ఞతను కోల్పోయిందన్నమాట.
662415 732813TeenVogue? Searching for fashion advice, celebrity buzz or beauty trends? Discover it all in Teen Vogue 772101
531749 987437Very good job on this article! I actually like how you presented your facts and how you made it interesting and straightforward to understand. Thank you. 185922