రాజకుటుంబంలో ఎన్నో ఇబ్బందులు పడ్డా..

ప్రిన్స్ హ్యారీ ని పెళ్లి చేసుకుని బ్రిటన్ రాజకుటుంబంలో అడుగు పెట్టిన తర్వాత ఎన్నో ఇబ్బందులు పడ్డానని మేఘన్ మార్కెల్ తెలిపారు. రాజకుటుంబం తనపై అకారణంగా నిందలు వేసిందని, వాటిని భరించలేక ఓ దశలో చచ్చిపోదామని కూడా అనుకున్నానని వెల్లడించారు. రాజకుటుంబం నుంచి విడిపోయిన తర్వాత ప్రిన్స్ హ్యారీ దంపతులు తొలిసారిగా ఓ ఇంటర్వ్యూ ఇచ్చారు. ఈ సందర్భంగా పలు సంచనల విషయాలు వెల్లడించారు. ‘రాజకుటుంబంలో అడుగు పెట్టిన తర్వాత చాలా ఇబ్బందులు పడ్డాను. డిప్రెషన్ లో ఉంటే కుటుంబంలో ఎవరూ నాకు సాయం కూడా చేయలేదు. పైగా నాపై బోలెడు అసత్య ప్రచారం చేశారు. దీంతో ఆత్మహత్య చేసుకోవాలని అనిపించింది. రాజకుటుంబంలో నాకు రక్షణ ఉండదనే విషయం.. పెళ్లైన కొద్దిరోజులకే అర్థమైంది’ అని ఆమె కన్నీటిపర్యంతమయ్యారు.

తాను గర్భవతిగా ఉన్నప్పుడు బిడ్డ రంగు మీద కూడా రాజకుటుంబంలో చర్చ జరిగిందన్నారు. తాను నల్లగా ఉంటాను కాబట్టి.. తన బిడ్డ ఆర్చీ కూడా నల్లడానే పుడతాడని కుటుంబంలోనివారు అనేవారని మేఘన్ తీవ్ర భావోద్వేగానికి గురయ్యారు. మేఘన్ కోసమే తాను రాజకుటుంబం నుంచి బయటకు రాలేదని హ్యారీ తెలిపారు. తనను ట్రాప్ చేశారని.. అందులో నుంచి ఎలా బయట పడాలో అర్థంకాలేదని పేర్కొన్నారు. తన తండ్రి, సోదరుడిని కూడా ట్రాప్ చేశారని వెల్లడించారు. త్వరలో తమకు ఆడపిల్ల పుట్టనుందని హ్యారీ దంపతులు తమ ఆనందాన్ని పంచుకున్నారు.