శివసేననే వంచింది.. వైకాపా ఎంత..!!

మహారాష్ట్రలో రాజకీయం క్షణక్షణానికి మారిపోతున్నది. ఆకాశంలో మబ్బులు కాసేపైనా మార్పులు లేకుండా ఉంటుందేమోగాని, మహా రాజకీయాల్లో మాత్రం తెలియకుండానే మారుతున్నాయి. సోమవారం సాయంత్రం వరకు బీజేపీకి అవకాశం ఇస్తే.. ఆదివారం రాత్రికి తాము అధికారం ఏర్పాటు చేయలేమని చెప్పింది. ఆ వెంటనే గవర్నర్ శివసేనను ప్రభుత్వం ఏర్పాటు చేయాలని పిలిచారు. గవర్నర్ పిలిచిన వెంటనే.. ఎన్సీపీతో మంతనాలు జరిపింది.

ఎన్సీపీ కాంగ్రెస్ పార్టీతో మంతనాలు జరిపింది. కాంగ్రెస్ కాంగ్రెస్ కు శివసేనతో కలవడం ఇష్టం లేదు. దూరంగా ఉండాలని నిర్ణయం తీసుకుంది. ఎన్డీయేతో తెగతెంపులు చేసుకుంటే.. శివసేనతో చేతులు కలపడంపై ఆలోచిస్తామని ఎన్సీపీ చెప్పడంతో.. శివసేన మరోమాట ఆలోచించకుండా.. శివసేన మంత్రి రాజీనామా చేశాడు.

అలా రాజీనామా చేసిన వెంటనే అయన రాజీనామాను ప్రధాని ఆమోదించాడు. ఆ శాఖను వెంటనే ప్రకాష్ జవదేకర్ కు కేటాయించింది. ఇదంతా కన్నుమూసి తెరిసేలోపే పూర్తయింది. సోమవారం సాయంత్రం వరకు శివసేనకు సమయం ఇచ్చాడు. శివసేన బలనిరూపణ చేసుకోలేకపోయింది. సోమవారం సాయంత్రం ఎన్సీపీని గవర్నర్ ఆహ్వానించాడు.

ఈరోజు సాయంత్రం వరకు సమయం ఉన్నప్పటికీ.. అప్పుడే గవర్నర్ రాష్ట్రపతి పాలనకు సంబంధించిన సిఫారసును పంపడం.. కేంద్ర కేబినెట్ దాన్ని ఆమోదించి రాష్ట్రపతికి పంపండం జరిగిపోయింది. ఈ సాయంత్రంలోపు ఎలాగో ఎన్సీపీ బలనిరూపణ చేసుకోలేదు. అందులో సందేహం అవసరం లేదు.

బీజేపీని కాదని శివసేన బయటకు వచ్చి కాంగ్రెస్ పార్టీకి జై కోటినందుకే ఇదంతా జరిగింది. గత 30 ఏళ్ళు కలిసున్న పార్టీ తనను కాదన్నందుకు శివసేనను ఎలా దెబ్బకొట్టిందో తెలిసిందే. ఇక ఆంధ్రప్రదేశ్ రాష్ట్రం విషయానికి వస్తే.. వైకాపా అధినేత జగన్ అప్పుడప్పుడు కేంద్రంపైనా, బీజేపీ నాయకులపైనా ఎగిసిపడుతున్నారు.

తనకు 151 మంది ఎమ్మెల్యేల బలం ఉందనే ఒక విశ్వాసంతో జగన్ అలా చేస్తున్నాడు. వైకాపా ఎమ్మెల్యేల్లో చాలామంది ఇప్పటికే జగన్ పై అసంతృప్తిగా ఉన్నట్టుగా తెలుస్తోంది. సరైన అవకాశం ఎదురుచూస్తున్నారని సమాచారం. అసంతృప్తిగా ఉన్న ఆ ఎమ్మెల్యేలను తమవైపుకు తిప్పుకుంటే.. వైకాపాకు చాలా దెబ్బ పడుతుంది. కొమ్ములు తిరిగిన శివసేననే బీజేపీ అదునుచూసి కొట్టింది. వైకాపాను వంచడం పెద్ద విషయం కాదు.