బిగ్ బాస్: మగాళ్ళు వర్సెస్ ఆడాళ్ళ ‘మాటల’ యుద్ధం.!

రేసులో వున్నది ఐదుగురు.. అందులో టాప్ పొజిషన్‌లో ఆదిరెడ్డి, రెండో స్థానంలో శ్రీహాన్, మూడో స్థానంలో రేవంత్, నాలుగు అలాగే ఐదు స్థానాల్లో రోహిత్, ఫైమా వున్నారు. అందులోంచి ముగ్గుర్ని టికెట్ టు ఫినాలో రేసుకి సంబంధించిన తదుపరి టాస్క్‌కి సెలక్ట్ చేయమని బిగ్ బాస్ చెప్పాడు.

ఈ క్రమంలో ముగ్గుర్ని ఎంపిక చేసే బాధ్యత ముగ్గురు మహిళా కంటెస్టెంట్ల మీద పడింది. శ్రీసత్య, కీర్తి, ఇనాయా ఆ బాధ్యత తీసుకున్నారు. లీస్ట్ త్రీ అంటూ ఈ ముగ్గురూ ఓ నిర్ణయానికి వచ్చారు. అయితే, అది అన్యాయమని ఆ లీస్ట్ త్రీలో వున్న రోహిత్ మండిపడ్డాడు.

నిజానికి, రోహిత్‌కి లక్కీ ఛాన్స్ అది. ముందుకెళ్ళే అవకాశం తనకు లక్కు రూపంలో వస్తే తాను అంగీకరించబోనని రోహిత్ అన్నాడు. మరోపక్క కష్టపడి టాప్‌లోకి వస్తే, లీస్ట్ త్రీ ఎలా ఎంపిక చేస్తారంటూ ఆదిరెడ్డి, శ్రీహాన్ మండిపడ్డారు. ఏ గ్రూపులో అయినా రేవంత్ వుంటాడు.. అయినాగానీ టాప్ త్రీ తరఫున మాట్లాడాడు రేవంత్.

నానా గందరగోళం నడుమ ఆదిరెడ్డి, శ్రీహాన్, రేవంత్ తదుపరి టాస్క్‌లో పోటీ పడ్డారు. అయితే, అందులో ఆదిరెడ్డి వెనకబడిపోయాడు. రేవంత్ మొదటి స్థానం దక్కించుకోగా, రెండో స్థానంలో శ్రీహాన్ నిలిచాడు. చివరగా టాస్క్ పూర్తి చేశాడు ఆదిరెడ్డి. అయితే, పాయింట్ల పట్టికలో రేవంత్ ఫస్ట్ ప్లేస్ దక్కించుకుంటే, శ్రీహాన్ – ఆదిరెడ్డి మధ్య టై అయ్యింది. ఈ క్రమంలో ఆ ఇద్దరికీ ఇంకో టాస్క్ పెట్టాడు బిగ్ బాస్. అందులో శ్రీహాన్ గెలిచాడు.

కీర్తి, ఇనాయా ఎలాగైనా టిక్కెట్ టు ఫినాలే రేసులోకి ఫైమాని పంపాలని ప్రయత్నించినా, ఆ ప్రయత్నం ఫలించలేదు. ఈ ఇద్దరి వ్యూహంలో శ్రీసత్య బలైపోయింది. రేవంత్, శ్రీహాన్ దృష్టిలో శ్రీసత్య బ్యాడ్ అయిపోయింది.