తెలుగులో బిగ్ బాస్ సీజన్ 3 కోసం కసరత్తులు జోరుగా జరుగుతున్నాయి. జూన్ లో ఈ మూడో సీజన్ మొదలయ్యే అవకాశాలు ఉన్నాయి. అన్ని విధాలుగా ఏర్పాట్లు పూర్తవుతున్న ఈ సీజన్ కు ఎవరు హోస్ట్ గా వ్యవహరిస్తారన్న విషయం ఇప్పుడు ప్రశ్నార్ధకంగా మారింది. మొదటి సీజన్ కు ఎన్టీఆర్ హోస్ట్ గా చేసి ఆ సీజన్ ను సూపర్ సక్సెస్ చేసాడు. ఆ తరువాత రెండో సీజన్ కు అయన నో చెప్పడంతో అయన ప్లేస్ లో నాచురల్ స్టార్ నానిని దింపారు. అయితే రెండో సీజన్ మాత్రం ఆశించిన స్థాయిలో సక్సెస్ కాకపోవడంతో పాటు పలు వివాదాలు చెలరేగాయి. దాంతో ఇప్పుడు మొదలయ్యే మూడో సీజన్ కు ఎవరు హోస్ట్ అన్న విషయంలో తర్జన భర్జనలు జరుగుతున్నాయి. ఇప్పటికే నాగార్జున తో చర్చలు జరిపారట, కానీ నాగ్ ఎలాంటి సమాధానం చెప్పలేదని తెలుస్తోంది.
మరో వైపు టాలీవుడ్ సంచలన స్టార్ విజయ్ దేవరకొండతో కూడా చర్చలు జరిపి ఒప్పించే ప్రయత్నం చేశారట, కానీ విజయ్ అప్పుడే టివి షోస్ లో నటించేంది లేదని చెప్పడంతో, మరి ఎవరిని అడగాలి అన్న సంకోచంలో టాలీవుడ్ క్రేజీ హీరోయిన్ అనుష్కని అడిగారట. ఇప్పటి వరకు బిగ్ బాస్ షోలో ఏ భాషలో అయినా మగవాళ్ళతోనే హోస్ట్ గా చేయించారు .. కానీ మొదటి సారి తెలుగులో ఎందుకు హీరోయిన్ తో హోస్టింగ్ చేయించకూడదు అన్న ఆలోచనతో అనుష్కను సంప్రదిస్తే ఆమెకూడా అంగీకరించినట్టు తెలుస్తోంది?
బాగమతి తరువాత అనుష్క సన్నబడేందుకు చాలానే ప్రయత్నాలు చేస్తుంది. ఈ నేపథ్యంలో దాదాపు ఏడాది కాలంగా ఆమె ఏ సినిమా కు సంతకం చేయలేదు. తాజాగా ఓ సినిమాలో నటించేందుకు రెడీ అయింది. ఇప్పటికే ఆ సినిమా షూటింగ్ కూడా మొదలైనట్టు సమాచారం. అయితే ఇన్నాళ్లు ప్రేక్షకులకు దూరంగా ఉంది కాబట్టి .. ఇలా బుల్లితెరపైన కనిపిస్తే ప్రేక్షకులకు ఇంకా దగ్గర కావొచ్చన్నది మన జేజమ్మ ఆలోచన. అందుకే ఈ షో కి ఒప్పుకుందేమో అన్న సందేహాలు వ్యక్తం అవుతున్నాయి. మొత్తానికి గ్లామర్ హీరోయిన్ గా ఎంట్రీ ఇచ్చిన అనుష్క అరుంధతి, భాగమతి లాంటి సినిమాలతో బాక్స్ ఆఫీస్ పై సత్తా చాటి హీరోలకు ధీటుగా ఇమేజ్ తెచ్చుకుంది.
4875 188894Id constantly want to be update on new content on this website, bookmarked! 867474