సామాజిక దూరం పాటించాలి.. లాక్డౌన్ నిబంధనల్ని అతిక్రమిస్తే కఠిన చర్యలు తప్పవు.. అంటూ ప్రభుత్వాలు ప్రచారం చేస్తున్నాయి. పోలీసులు, వైద్యులు, పారిశుద్ధ సిబ్బంది అహర్నిశలు శ్రమిస్తున్నారు. ప్రజలు సైతం ప్రభుత్వాలకి సంపూర్ణ సహాయ సహకారాలు అందిస్తున్నారు. కొందరు మాత్రం, నిబంధనలకు నీళ్ళొదులుతున్నారు. సాధారణ ప్రజల్లో కొందరు తప్పు చేస్తే వారికి జరీమానాలు విధిస్తున్నారు.. కేసులూ నమోదు చేస్తున్నారు. కానీ, కొందరు ‘బడాబాబులు’ మాత్రం లాక్డౌన్ నిబంధనలకు నీళ్ళొదులుతున్నారు.
ప్రభుత్వ పెద్దలతో ఫొటోల కోసం పోటీలు పడుతున్నారు. ‘డొనేషన్ల’ పేరుతో పబ్లిసిటీ స్టంట్లు చేస్తోంటే, సాధారణ ప్రజానీకం ముక్కున వేలేసుకోవాల్సి వస్తోంది. ‘వీరికి సోషల్ డిస్టెన్స్ వర్తించదా.? లాక్ డౌన్ నిబంధనల నుంచి వీరికి వెసులుబాట్లు కల్పించారా.?’ అని జనం సోషల్ మీడియా వేదికగా ప్రశ్నిస్తున్నారు.
ఓ ప్రముఖ కాంట్రాక్టర్ ఇటీవల తెలంగాణ ముఖ్యమంత్రిని కలిసి డొనేషన్ ప్రకటించారు. ఆ వెంటనే, ఆంధ్రప్రదేశ్ ముఖ్యమంత్రినీ కలిసి డొనేషన్ అందించారు. ఇదెలా సాధ్యమయింది.? ఆంధ్రప్రదేశ్ – తెలంగాణ మధ్య బోర్డర్ని ‘సీల్’ చేసేశారు దాదాపుగా. తెలంగాణ నుంచి ఎవరైనా ఆంధ్రప్రదేశ్కి వెళితే 14 రోజులపాటు క్వారంటైన్లో వుండాల్సిందే. ఆంధ్రప్రదేశ్ నుంచి తెలంగాణకి రావాలనుకున్నా అదే పరిస్థితి. అయితే, అలా వచ్చేందుకూ చాలా నిబంధనలున్నాయి. మరి, ప్రముఖులెలా లాక్డౌన్ నిబంధనల్ని ఉల్లంఘించి బోర్డర్లు దాటుతున్నట్టు.?
తాజాగా, ఏపీ రాష్ట్ర ఎన్నికల కమిషనర్గా నియమితులైన కనగరాజ్ విషయమై కూడా పెను దుమారమే రేగుతోంది. కరోనా వైరస్ తీవ్రత ఎక్కువగా వున్న ఆయన్ని ఆంధ్రప్రదేశ్కి ఎలా రప్పించారు.? క్వారంటైన్ నిబంధనలు ఆయనకు వర్తించవా.? అని ప్రధాన ప్రతిపక్షం తెలుగుదేశం పార్టీ ప్రశ్నిస్తోంది.
అన్నట్టు, ఆంధ్రప్రదేశ్లో అధికార పార్టీ నేతలకు ఎలాంటి లాక్డౌన్ నిబంధనలూ వున్నట్లు కన్పించడంలేదు. విజయసాయిరెడ్డి సహా పలువురు ముఖ్య నేతలు రాష్ట్రమంతా చక్కర్లు కొట్టేస్తున్నారు. నిబంధనలకు నీళ్ళొదులుతూ ప్రెస్మీట్లు ఏర్పాటు చేస్తున్నారు.. అనుచరులతో కలిసి చిన్నపాటి సమావేశాలూ నిర్వహిస్తున్నారు. జనానికి జరీమానాలు, కేసులు.. నాయకులకి మాత్రం ‘సన్మానాలు.. ఘనస్వాగతాలు’.. అవును మరి, ఇది కరోనా కాలం.!
224744 944256Some times its a discomfort in the ass to read what weblog owners wrote but this internet site is genuinely user pleasant! . 475518
356044 157722This is a great common sense article. Very helpful to 1 who is just obtaining the resouces about this part. It will certainly aid educate me. 851648