Baby Movie Review: ఆనంద్ దేవరకొండ హీరోగా సాయి రాజేష్ దర్శకత్వంలో రూపొందిన చిత్రం బేబీ. ఈ సినిమా ప్రోమోలతోనే విశేషంగా ఆకర్షించింది. ఒక హృద్యమైన ప్రేమకథ చూడబోతున్నామన్న ఫీలింగ్ కలిగించింది. వైష్ణవి చైతన్య హీరోయిన్ గా, విరాజ్ అశ్విన్ ప్రధాన పాత్రలో రూపొందిన ఈ చిత్రం ఈరోజే విడుదలైంది. మరి ఈ సినిమా ఎలా ఉందో చూద్దామా.
కథ:
ఆనంద్, వైష్ణవి పదో తరగతి నుండి ప్రేమలో ఉంటారు. ఆ తర్వాత ఆనంద్ ఆటో డ్రైవర్ గా సెటిల్ అయితే, వైష్ణవి టాప్ ఇంజనీరింగ్ కాలేజ్ లో సీట్ సంపాదిస్తుంది. అక్కడ తనకి విరాజ్ తో పరిచయమవుతుంది. విరాజ్, వైష్ణవితో ప్రేమలో పడతాడు.
ఈ సందర్భంలో ఒకానొక రోజు ఆనంద్, వైష్ణవికి పెద్ద గొడవ అవుతుంది. ఈ గొడవ వారి జీవితాలను ఎలా ప్రభావితం చేసింది. ఎలా వీరి కథలకు ముగింపు దొరికింది అన్నది చిత్ర కథ.
నటీనటులు:
ఆనంద్ దేవరకొండలో ప్రతీ సినిమాకూ ఎదుగుతున్న నటుడ్ని చూస్తాం. బేబీలో పూర్తి స్థాయి మ్యాచుర్డ్ పెర్ఫార్మన్స్ తో ఆకట్టుకున్నాడు అతను. ముఖ్యంగా సెకండ్ హాఫ్, ప్రీక్లైమాక్స్ లో ఆనంద్ దేవరకొండ నటన గుండెల్ని మెలిపెడుతుంది. మొత్తంగా ఆకట్టుకునే పెర్ఫార్మన్స్ ఇచ్చాడు.
డెబ్యూ చిత్రం అయినా కానీ వైష్ణవి చైతన్య సూపర్బ్ గా పెర్ఫర్మ్ చేసింది. ఈ సినిమాలో సెంట్రల్ క్యారెక్టర్ తనదే. చాలా మంది హీరోయిన్లకు దక్కని అవకాశం వైష్ణవికి తొలి చిత్రంతోనే దక్కింది. విరాజ్ అశ్విన్ కూడా బాగానే పెర్ఫర్మ్ చేసాడు. అయితే తన పాత్ర తీరుతెన్ను సరిగ్గా అనిపించదు. ముగించిన విధానం కూడా అంతలా ఆకట్టుకోదు.
సాంకేతిక వర్గం:
సంగీత దర్శకుడు విజయ్ అద్భుతమైన ఔట్పుట్ ఇచ్చాడు. సాంగ్స్ కానీ బ్యాక్ గ్రౌండ్ మ్యూజిక్ కానీ సింప్లి సూపర్బ్. సినిమాటోగ్రఫీ కూడా బాగుంది. ఎడిటింగ్ ఇంకా షార్ప్ గా ఉంటే బాగుండేది అనిపిస్తుంది.
ఇక రచయిత, దర్శకుడు సాయి రాజేష్ విషయానికొస్తే ఒక సింపుల్ కథను డీల్ చేసిన విధానాన్ని మెచ్చుకోకుండా ఉండలేం. ఫస్ట్ హాఫ్ అంతా నీట్ గా ప్రెజంట్ చేసాడు. ఇంటర్వెల్ బ్యాంగ్ బాగా అనిపిస్తుంది. అయితే సెకండ్ హాఫ్ లో గ్రాఫ్ బాగా పడిపోతుంది. కానీ మళ్ళీ ప్రీక్లైమాక్స్, క్లైమాక్స్ ఎపిసోడ్స్ చిత్రానికి ప్రాణంలా నిలుస్తాయి.
ప్లస్ పాయింట్స్:
- పెర్ఫార్మన్సెస్
- బ్యాక్ గ్రౌండ్ మ్యూజిక్
మైనస్ పాయింట్స్:
- సెకండ్ హాఫ్
- క్లైమాక్స్
విశ్లేషణ:
నిజ జీవితానికి అతి దగ్గరగా తెరకెక్కిన తెరకెక్కిన చిత్రం బేబీ. సెకండ్ హాఫ్ లో ల్యాగ్ ను పక్కనపెడితే బేబీలో ఎంచుకోదగ్గ పెద్ద మైనస్ పాయింట్స్ లేవు. ఇక ఈ చిత్రంలోని ఎమోషనల్ కంటెంట్ ను హ్యాండిల్ చేయగలిగితే బేబీ కచ్చితంగా నచ్చుతుంది.
తెలుగు బులెటిన్ రేటింగ్: 2.75/5