మాజీ మంత్రి, టీడీపీ ఎమ్మెల్యే కింజరాపు అచ్చెన్నాయుడుని కొద్ది సేపటి క్రితం గుంటూరు ప్రభుత్వాసుపత్రి నుంచి డిశ్చార్జి చేశారు వైద్యులు. ఈఎస్ఐ మెడికల్ స్కావ్ులో అచ్చెన్నాయుడు ఆరోపణలు ఎదుర్కొంటున్న విషయం విదితమే. కొద్ది రోజుల క్రితం ఆయన్ని అరెస్ట్ చేసింది ఏసీబీ. కాగా, అరెస్టుకి ఒకటి రెండ్రోజుల ముందు అచ్చెన్నాయుడికి శస్త్ర చికిత్స జరిగింది కూడా. అయినాగానీ, ఆయన్ని శ్రీకాకుళం జిల్లా నిమ్మాడ నుంచి విజయవాడకు ఏసీబీ అధికారులు తరలించడం, ఈ క్రమంలో సర్జరీ జరిగిన ప్రాంతంలో గాయం పెద్దదవడం, బ్లీడింగ్ కూడా చోటు చేసుకోవడంతో ఆసుపత్రికి తరలించారు.. అదీ న్యాయస్థానం సూచన మేరకు. ఆసుపత్రిలో అచ్చెన్నాయుడికి వైద్య చికిత్స ఓ వైపు అందుతూనే, ఇంకో వైపు కోర్టు ఆదేశాల మేరకు ఏసీబీ, కస్టడీ విచారణ కూడా జరిపింది.
మరోపక్క, అచ్చెన్నాయుడు ఆరోగ్య పరిస్థితి విషమిస్తోందంటూ టీడీపీ నేతలు అభ్యంతరాలు వ్యక్తం చేస్తున్న విషయం విదితమే. ఇంత గందరగోళం నడుమ ఈ రోజు అనూహ్యంగా అచ్చెన్నాయుడిని గుంటూరు ప్రభుత్వాసుపత్రి నుంచి డిశ్చార్జి చేశారు వైద్యులు. ఆసుపత్రి నుంచి బయటకు అచ్చెన్నాయుడిని వీల్ఛెయిర్లో తీసుకురావడం చూస్తోంటే, ఆయన ఆరోగ్య పరిస్థితి ఏంటన్నది అర్థమవుతోంది.
‘ప్రభుత్వం కుట్రపూరితంగా వ్యవహరిస్తోంది.. అచ్చెన్న బెయిల్ పిటిషన్పై ఎల్లుండి తీర్పు రాబోతోంది.. బెయిల్ వస్తుందని తెలిసే, ప్రభుత్వం.. అచ్చెన్నాయుడిపై కసి తీర్చుకుంటోంది..’ అని టీడీపీ నేతలు ఆరోపిస్తున్నారు. అయితే, కోర్టు నుంచి బెయిల్ వస్తుందా.? రాదా.? అన్న విషయమై టీడీపీ నేతలు జోస్యం చెప్పడాన్ని సమర్థించలేం. కానీ, వీల్ఛెయిర్లో అచ్చెన్నాయుడిని ఆసుపత్రి నుంచి బయటకు తీసుకొచ్చారంటే.. ఆయన ఆరోగ్య పరిస్థితి సరిగ్గా లేనట్టే. మరెందుకు ఆయన్ని ఆసుపత్రి నుంచి డిశ్చార్జి చేసినట్లు.?
ఏమోగానీ, డిశ్చార్జి అనంతరం విజయవాడ సబ్జైలుకి అచ్చెన్నాయుడిని తరలించారు ఏసీబీ అధికారులు. ఈ క్రమంలో అంబులెన్స్ వినియోగించడం కొత్త అనుమానాలకు తావిస్తోంది.
281674 633333Thank you for sharing with us, I conceive this internet site genuinely stands out : D. 608190
876433 212666Hello. I wanted to ask one thingis this a wordpress web site as we are preparing to be shifting over to WP. Furthermore did you make this template yourself? Thanks. 36296