అరెరే.! అంధ్రప్రదేశ్లో ప్రభుత్వం మారిందా.? లేదా.? చంద్రబాబు స్థానంలో జగన్ ముఖ్యమంత్రి అయ్యింది నిజమా.? కాదా.? ఇలాంటి డౌట్లు వస్తున్నాయేంటీ.! డౌట్లు వస్తాయి మరి. ఎందుకంటే, వైఎస్ జగన్ కూడా చంద్రబాబు అడుగు జాడల్లోనే నడుస్తున్నారు కదా. చంద్రబాబు చేస్తే తప్పు. వైఎస్ జగన్ చేస్తే రైటు.. అన్నట్లుగా వైసీపీ నేతలు తమ అధినేత చర్యల్ని సమర్ధిస్తున్నారు. అచ్చం టీడీపీ నేతలు నిన్న మొన్నటి దాకా చంద్రబాబును సమర్ధించినట్లే. అమరావతిలో తాత్కాలిక సచివాలయం కొన్ని మార్పులకు గురవుతోంది. మార్పు చిన్నదే అని తీసి పారేయడానికి వీల్లేదు. ఎందుకంటే బోలెడంత ఖర్చుతో వాస్తుకు అనుగుణంగా మార్పులు చేస్తున్నారక్కడ. జనం సొమ్ము కదా.. అందరికీ చులకనే. జవాబుదారీతనం లేకపోతే, వాస్తు దోషాలు ఎక్కడ చూసినా కనిపిస్తాయి.
వాస్తు, జాతకాలు వంటివి ఏ రాజకీయ నాయకుడైనా తన ఇంట్లోనే చూసుకోవాలి. కానీ, జనం సొమ్ముని విచ్చల విడిగా ఖర్చు చేయడానికి అలవాటు పడ్డ రాజకీయ నాయకులు అధికార పీటమెక్కగానే వాస్తు పేరుతో అడ్డగోలుగా ప్రజాధనాన్ని దుర్వినియోగం చేస్తారు. అన్ని రకాలుగా చర్చించి వాస్తు నిపుణుల్ని రప్పించి, గొప్ప గొప్ప ఇంజనీర్లతో సచివాలయాన్ని నిర్మించిన చంద్రబాబు, ఆ తర్వాత దానికి చేసిన రిపేర్లు అన్నీ ఇన్నీ కావు. ముఖ్యమంత్రికి వాస్తు పిచ్చి ఉండకూడదు. చంద్రబాబు ఏమైనా సొంత డబ్బు ఖర్చు పెడుతున్నారా.? అది జనాలికి చెందాల్సిన డబ్బు.. అని అప్పటి ప్రతిపక్ష నేత వాస్తు ఖర్చులపై మండి పడ్డారు. ఇప్పుడు వైఎస్ జగన్ చేస్తున్నదేంటీ..
సచివాలయంలో వాస్తు పేరుతో రిపేర్లు జరుగుతున్నాయి. ఇంకా జరుగుతాయి కూడా. ఎందుకంటే జగన్ మంత్రివర్గం ఇంకా ఖరారవ్వలేదు. ఒక్కో మంత్రీ తన ఛాంబర్ని వాస్తుకనుగుణంగా మార్చితే, ఖర్చు తడిసి మోపెడయిపోతుంది. అప్పుడు చంద్రబాబు చేసిందీ పిచ్చిపనే. ఇప్పుడు వైఎస్ జగన్ చేయిస్తున్నదీ పిచ్చి పనే. వాస్తు, జ్యోతిష్యం, జాతకం నమ్మకాలకు సంబంధించింది. ముఖ్యమంత్రి గదికి వాస్తు సరిగా లేకపోతే, రాష్ట్రానికే అరిష్టం అంటూ కొందరు పండితులు ప్రదర్శించిన అత్యుత్సాహం, పాలకులకు లైసెన్స్ ఇచ్చినట్లవుతోంది.
తెలంగాణా ముఖ్యమంత్రి కేసీఆర్ ఈ వాస్తు నమ్మకాలతోనే సెక్రటేరియట్ మొహం చూడలేదు ఇన్నేళ్లలో ఎప్పుడూ. ఏదో మార్పులు చేయించుకుని ఆంధ్రప్రదేశ్ ముఖ్యమంత్రులు సెక్రటేరియట్కి వెళ్తున్నందుకు సంతోషించాలా.? వాస్తు పేరుతో ప్రజా ధనం దుర్వినియోగం చేస్తున్నందుకు బాధపడాలా.? ప్రశ్నించేందుకు పుట్టిన జనసేన పార్టీ, తన తొలి ప్రశ్నని ఈ కోణంలో అధికార వైఎస్సార్ కాంగ్రెస్ పార్టీపై సంధించాల్సి వుంది. ఎందుకంటే, తెలుగుదేశం పార్టీ ఎలాగూ ప్రశ్నించదు. వాస్తు పిచ్చిని పరిచయం చేసిందే ఆ పార్టీ కదా!
557314 80841I do not have a bank account how can I spot the order? 142576
40560 83914Wow, cool post. Id like to write like this too – taking time and real effort to make a great article but I procrastinate too a lot and never appear to get started. Thanks though. 491348
584407 206466Read more on that Post.Helpful information. 601141