ప్రతిరోజూ ఏదో ఒక చోట మహిళలపై నేరాలు జరుగుతూనే ఉన్నాయి. నిందితులు, బాధితులు మాత్రమే మారుతున్నారు. కానీ సంఘటనలు మాత్రం దాదాపు ఒక్కటే. మహిళలను వేధించడం, వారిపై లైంగిక దాడికి పాల్పడం, ఆ తర్వాత చంపేయడం. ఈ నేరాలన్నింటిలోనూ కామన్ గా ఉండే పాయింట్ ఒక్కటే.. అదే మద్యం. మహిళలపై జరుగుతున్న నేరాల్లో 70 నుంచి 85 శాతం మద్యం మత్తులో పాల్పడినవేనని గణాంకాలు చెబుతున్నాయి.
మద్యం తాగడం వల్లే నేరాలు జరుగుతున్నాయని కచ్చితంగా చెప్పలేకపోయినా.. చాలా నేరాల వెనుక దాని ప్రమేయం మాత్రం ఉందని కచ్చితంగా చెప్పొచ్చు. మరి దీనికి అడ్డుకట్ట వేసేదెలా? అసలు మద్యం తాగి నేరాలకు పాల్పడే కేసుల్లో రాష్ట్ర ప్రభుత్వ పాత్ర ఎంత? ఇదే విషయంపై ఇటీవల మద్రాస్ హైకోర్టు కీలకమైన తీర్పు వెలువరించింది.
మద్యంతో సంబంధం ఉన్న నేరాలకు రాష్ట్ర ప్రభుత్వం బాధ్యత వహించాల్సిందేనని స్పష్టంచేసింది. మద్యం అమ్మకాల ద్వారా అలాంటి నేరాలను ప్రభుత్వమే పరోక్షంగా ప్రోత్సహించినట్టని, అందువల్ల అలాంటి నేరాల్లో బాధితులకు సర్కారే నష్టపరిహారం చెల్లించాలని న్యాయమూర్తి జస్టిస్ ఆనంద్ వెంకటేశ్ వ్యాఖ్యానించారు. మద్య నిషేధం అమల్లో ఉండి ఉంటే కొంతలో కొంతైనా నేరాలు అదుపులో ఉండే అవకాశం ఉందని పలువురు అభిప్రాయపడుతున్నారు.
శంషాబాద్ లో వెటర్నరీ డాక్టర్ పై జరిగిన హత్యాచారం ఘటనలోనూ మద్యం పాత్ర ఉంది. నిందితులంతా ఆ సాయంత్రం నుంచి తాగుతూనే కూర్చున్నారని, ఆ తర్వాతే ఘాతుకానికి పాల్పడ్డారని పోలీసులు రిమాండ్ రిపోర్ట్ లో పేర్కొన్నారు. ఈ నేపథ్యంలో మద్రాస్ హైకోర్టు తీర్పు ప్రకారం ఈ కేసులో పరోక్ష బాధ్యత రాష్ట్ర ప్రభుత్వానికి కూడా ఉన్నట్టే అవుతుంది. వాస్తవానికి మద్యం తాగిన వ్యక్తికి విచక్షణ అనేది ఉండదు. ఆ మత్తులో ఏం చేస్తున్నామనే స్పృహ అసలే ఉండదు.
అలాంటి పరిస్థితుల్లో మనిషి మృగంలా మారిపోతాడు. అదే మద్యం తాగని వ్యక్తి అయితే, ఏదో ఒక సందర్భంలో కనీసం విచక్షణతో ఆలోచించే అవకాశం ఉంటుంది. నేరానికి పాల్పడితే శిక్ష పడుతుందనే భయం ఉంటుంది. కానీ మద్యం తాగిన వ్యక్తికి ఇలాంటివి ఏమీ పట్టవు. అందుకే మద్యాన్ని నిషేధంచాల్సిన అవసరం చాలా ఉందని సామాజికవేత్తలు అభిప్రాయపడుతుంటారు.
అయితే, ఖజానాకు ఫుల్లుగా ఆదాయం తెచ్చి పెట్టే ఈ మహమ్మారిని వదులుకోవడానికి ఏ ప్రభుత్వానికీ మనసొప్పదు. ఓవైపు ఏపీలో మద్య నియంత్రణకు ప్రయత్నాలు జరుగుతుండగా.. తెలంగాణలో మాత్రం మద్యం అమ్మకాల ద్వారా ఆదాయాన్ని మరింత పెంచుకోవడంపై ప్రభుత్వం దృష్టి సారించడం గమనార్హం.
276276 688385Hello! Fantastic post! Please when I could see a follow up! 550051
908434 853548I enjoy the look of your website. I recently built mine and I was searching for some tips for my website and you gave me a couple of. May I ask you whether you developed the site by youself? 439089