హెల్త్ డైరక్టర్ సార్.. ‘కేసీఆర్, జగన్ లపై కేసులు పెడతారా’?: ఆర్జీవీ

దేశంలో మూడో వేవ్‌ తీవ్రతపై ప్రముఖ కెమికల్ ఇంజినీర్ పరుచూరి మల్లిక్ ఓ చానెల్ లో చేసిన వ్యాఖ్యలు ఇటివల వైరల్ అయ్యాయి. ఆయన్ను ఫిల్మ్ డైరక్టర్ ఆర్జీవీ కూడా ఇంటర్వ్యూ చేశారు. మల్లిక్ వ్యాఖ్యలపై తెలంగాణ పబ్లిక్ హెల్త్ డైరెక్టర్ శ్రీనివాసరావు తీవ్రంగా ఖండించారు. మల్లిక్ అవాస్తవాలు చెప్తున్నారని.. ప్రజల్లో భయం కల్పిస్తున్నాయన్నారు. వైరస్ గురంచి ఇంత ఖచ్చితంగా చెప్తున్నారంటే.. వైరస్ తయారీలో ఆయన పాత్ర కూడా ఉందేమో.. అని వ్యాఖ్యానించారు. మల్లిక్‌పై సుల్తాన్ బజార్ పోలీస్ స్టేషన్‌లో ఎపిడెమిక్ డిసీజ్ యాక్ట్ కింద కేసు కూడా పెట్టారు హెల్త్ డైరెక్టర్ శ్రీనివాసరావు వ్యాఖ్యలపై ఆర్జీవీ స్పందిస్తూ ప్రశ్నలతో వరుస ట్వీట్లు చేశారు.

‘పబ్లిక్ హెల్త్ డైరెక్టర్ గారూ.. మీరు పరుచూరి మల్లిక్ క్రైమ్ గురించి మాట్లాడుతుంటే నాకు కొన్ని డౌట్లు వస్తున్నాయి. మూడో వేవ్ గురించి ఆయన మాటలు తప్పంటున్నారు. అవి జరగనప్పుడే కదా అబద్ధమని తేలేది. రెండో వేవ్ గురించి మీకు, మీ నిపుణులకు తెలియదా? థర్డ్ వేవ్ గురించి మల్లిక్ చెప్పింది తప్పైతే.. సెకండ్ వేవ్ గురించి మీరు చెప్పినవి కూడా తప్పులయ్యాయి. మరి మీ ఎక్స్‌పర్ట్స్‌ని ఏం చేయాలి? మల్లిక్ ఎవరో నాకు తెలియదు. కానీ.. ఎందరో నిపుణులు తమ అంచనాలు చెప్తుంటే.. ప్రజలు మల్లిక్‌ వ్యాఖ్యలనే చూశారు. ఇది మీ నిపుణుల ఫెయిల్యూర్ కాదా?’

‘మొదటి వేవ్ సమయంలో.. కరోనా అసలు రాదని అసెంబ్లీలో చెప్పిన కేసీఆర్.. బ్లీచింగ్ పౌడర్ చల్లితే వైరస్ పోతుందన్న జగన్లను ఏం చేయాలి సార్? ఆక్సీజన్ అందక.. పడకలు లేక ఎందరో మరణించారు. ఈ ఫెయిల్యూర్స్ కి ఏ చట్టం వాడతారు సార్?’ అని ప్రశ్నించారు. అధికారులు యశోద, అపోలో ఆస్పత్రులకే ఎందుకు వెళ్తున్నారో? గాంధీకి ఎందుకు వెళ్లట్లేదో? చెప్పగలరా? మీరు నాపై ఎఫ్ఐఆర్ ఫైల్ చేయించడంలో బిజీగా లేకుంటే నా ప్రశ్నల్లో కొన్నింటికైనా సమాధానం చెప్తారని ఆశిస్తున్నా..!’ అని వర్మ ప్రశ్నించారు.