ఇంగ్లండ్ కు భారత క్రికెట్ జట్ల పయనం

భారత మహిళల, పురుషుల క్రికెట్ జట్లు ఇంగ్లండ్ బయలుదేరాయి. రెండు జట్లు కలిసి ప్రత్యేక విమానంలో ఇంగ్లండ్ వెళుతున్నాయి. భారత క్రికెట్ చరిత్రలో ఇలా రెండు జట్లూ కలిసి ప్రయాణించడం ఇదే తొలిసారి. దాదాపు మూడున్నర నెలలపాటు ఈ పర్యటన కొనసాగనుంది. స్వదేశంలో రెండు వారాల క్వారంటైన్ పూర్తిచేసుకున్న క్రికెటర్లు గురువారం ఉదయం ప్రత్యేక చార్టర్డ్ విమానంలో ఇంగ్లండ్ బయలుదేరారు. అక్కడ మరో పది రోజులు క్వారంటైన్ లో ఉంటారు. అనంతరం జూన్ 18న న్యూజిలాండ్ తో వరల్డ్ టెస్టు చాంపియన్ షిప్ ఫైనల్ మ్యాచ్ ఆడతారు. తర్వాత ఇంగ్లండ్ తో ఐడు టెస్టు మ్యాక్ ల సిరీస్ జరగనుంది. అలాగే భారత మహిళల జట్టు సుదీర్ఘ కాలం తర్వాత టెస్టు క్రికెట్ ఆడనుంది. ఒక టెస్టు మ్యాచ్, మూడు వన్డేలు, మూడు టీ20ల్లో తలపడనుంది. మరోవైపు భిన్నమైన వాతావరణంలో అంతగా ప్రాక్టీస్ లేకుండానే టీమిండియా బరిలోకి దిగాల్సి ఉంది. అయితే, దీనిపై ఎలాంటి ఆందోళన లేదని టీమిండియా సారథి విరాట్ కోహ్లీ తెలిపాడు.