ఆది సాయికుమార్ ‘శశి’ మూవీ రివ్యూ

మొదటి రెండు సినిమాల తర్వాత ఒక సూపర్ హిట్ లేక రకరకాల ప్రయత్నాలు చేస్తున్న ఆది సాయి కుమార్ చేసి మరో ప్రేమ కథా చిత్రం ‘శశి’. ఇంటెన్స్ లవ్ స్టోరీగా రూపొందిన ఈ సినిమా సాంగ్స్ అండ్ ట్రైలర్ సూపర్ హిట్ అవ్వడంతో ఈ సినిమాకి ప్రేక్షకుల్లో మంచి రెస్పాన్స్ వచ్చింది. సాంగ్స్ లానే ఈ సినిమా కూడా హిట్ అయ్యి ఆదికి కావాల్సిన హిట్ ఇచ్చిందా లేదా అనేది ఇప్పుడు చూద్దాం..

కథ:

రాజు(ఆది సాయి కుమార్) – శశి(శివ) ఇద్దరూ ప్రాణ స్నేహితులు. వాళ్లిద్దరూ చదువుకునే కాలేజీలో శశి(సురభి) చేరుతుంది. తనని చూసిన ఆది ప్రేమలో పడతాడు. శశికి కూడా రాజు అంటే ఇష్టమే కానీ తన ప్రేమను చెప్పకుండా రాజుని తన చుట్టూ తిప్పుకుంటూ ఉంటుంది. ఫైనల్ గా శశి తన ప్రేమని రాజు కి చెబుదాం అనుకునే టైంలో రాజు ఫ్రెండ్ శశికి యాక్సిడెంట్ అయ్యి చనిపోవడం వలన రాజు శశిని కలవలేకపోతాడు. తర్వాత వెళ్లి చూస్తే, శశి ఊరు వదిలి వెళ్లిపోయి ఉంటుంది. దాంతో అటు ఫ్రెండ్ చనిపోయి, ఇటు ప్రేమించిన అమ్మాయి వెళ్లిపోవడంతో రాజు డిప్రెషన్ లోకి వెళ్ళిపోతారు. రెండేళ్ళ తర్వాత అదే ఊర్లో రాజుకి శశి కనపడుతుంది. కానీ శశి రాజుని గుర్తుపట్టాడు. ఇక అక్కడి నుంచీ శశి ఎందుకు రాజుని గుర్తు పట్టడం లేదు? ఎందుకు గతంలో తనకి ఏం చెప్పకుండా ఊరొదిలి వెళ్ళిపోయింది? చివరికి శశి రాజుని గుర్తుపట్టి తన ప్రేమని చెప్పిందా? లేదా అన్నదే కథ.

తెరమీద స్టార్స్..

ఆది సాయికుమార్ ఇందులో రెండు డిఫరెంట్ షేడ్స్ లో కనిపిస్తాడు. కాలేజ్ కుర్రాడి పాత్రలో సాఫ్ట్ గా లవ్ బాయ్ లాగా కనిపించి ఆకట్టుకున్నాడు. మరోవైపు బాధతో కూడిన రఫ్ అండ్ టఫ్ లుక్ లో అదరగొట్టాడు. గతంలో ఇలాంటి పెయిన్ ఫుల్ పాత్ర చేయకపోవడం వలన ఆది చాలా ఫ్రెష్ గా అనిపించడమే కాకుండా సూపర్బ్ గా పెర్ఫార్మన్స్ కూడా చేసాడు. టైటిల్ రోల్ చేసిన సురభి చూడాటానికి క్యూట్ గా ఉంది. అలాగే రెండు డిఫరెంట్ షేడ్స్ లో మంచి నటనని కనబరిచింది. రాశి సింగ్ కనిపించేది కాసేపే అయినా ఉన్నంతలో ఓకే అనిపిస్తుంది. తులసి ఆది మదర్ పాత్రలో బాగా చేయడమే కాకుండా ఎమోషనల్ సీన్స్ లో మెప్పించిందని. అజయ్, జయరాం, రాజీవ్ కనకాల, శివ తదితరులు పాత్రల పరిధిమేర నటించారు.

తెర వెనుక టాలెంట్..

ముందుగా ఈ సినిమాకి క్రేజ్ తెచ్చిన సాంగ్స్ తో మొదలు పెడితే, సాంగ్స్ విజువల్ గా కూడా బాగున్నాయి, అలాగే అరుణ్ చిలువేరు అందించిన నేపధ్య సంగీతం బాగుంది. కనెక్ట్ లేని చోట కూడా తన మ్యూజిక్ తో సేవ్ చేయడానికి ట్రై చేసాడు. అమర్నాథ్ సినిమాటోగ్రఫీ బాగుంది. లవ్ స్టోరీ లో కూల్ ఫీల్ ని, రఫ్ అండ్ టఫ్ సీన్స్ లో మాస్ ఫీల్ ని విజువల్స్ లో పర్ఫెక్ట్ గా హ్యాండిల్ చేసాడు. సత్య జి ఎడిటింగ్ ఓకే.

ఇక ఈ సినిమాకి కథ – కథనం – దర్శకత్వం వహించిన నూతన దర్శకుడు శ్రీనివాస్ నాయుడు విషయానికి వస్తే, ఈ ప్రేమ కథని మనం చాలా సార్లే చూసాం. అలాగే హీరోయిన్ పాత్రకి రాసుకున్న కాన్ఫ్లిక్ట్ కూడా చాలా రొటీన్ గా ఉంది. సో కథ పరంగా గొప్పగా అనిపించదు. ప్రేమ కథలకి ఫీల్ అండ్ ఎమోషన్ ని కనెక్ట్ చేయడమే బిగ్గెస్ట్ సక్సెస్. కానీ ఇందులో అంత ఫీల్ గుడ్ లవ్ సీన్స్ లేవు అలా అని ఎమోషనల్ గా మనసుకు హత్తుకొని మనల్ని ఫీలయ్యేలా చేసే ఎమోషన్ అయినా అండా అంటే అదీ లేదు. దీనికి తోడు ఎంగేజింగ్ గా లేని కథనానికి స్లో నేరేషన్ తోడవ్వడంతో సినిమా చాలా బోర్ కొట్టేస్తుంది. ఇకపోతే డైరెక్టర్ గా సినిమాలో చాలా పాత్రలను మధ్యలోనే వదిలేసినా ఫీలింగ్ వస్తుంది. అలాగే కథలో కన్వీనెంట్ కోసం పాత్రల్ని చంపేసినట్టు ఉంటుంది. సో డైరెక్టర్ గా అనుకున్న ఫీల్ ని సినిమాలో చూపించలేకపోయారు. రవి రాసిన డైలాగ్స్ బాగున్నాయి. నిర్మాణ విలువలు బాగున్నాయి.

విజిల్ మోమెంట్స్:

– ఆది పెర్ఫార్మన్స్
– సాంగ్స్ అండ్ మ్యూజిక్
– ఆది అండ్ తులసి మధ్య ఎమోషనల్ సీన్స్
– కొన్ని కాలేజ్ సీన్స్

బోరింగ్ మోమెంట్స్:

– రొటీన్ ప్రేమ కథ
– ఎంగేజింగ్ గా లేని కథనం
– స్లో నేరేషన్
– ఎమోషనల్ ఫీల్ సరిగా వర్క్ అవ్వకపోవడం
– వీక్ క్లైమాక్స్
– నవ్వించలేకపోయిన కామెడీ

విశ్లేషణ:

రొమాంటిక్ ఎంటర్ టైనర్ ‘శశి’లో సాంగ్స్ అన్నీ సూపర్ హిట్ అవ్వడం, ట్రైలర్ కూడా బాగుండడంతో సినిమాకి కాస్త హిట్ కల కనపడింది. కానీ సినిమా చూసాక ఎన్నో ప్రేమ కథల్లానే ఇదీ రొటీన్ ప్రేమ కథ అవ్వడం వలన అంచనాలను అందుకోలేక ప్రేక్షకులకు నిరాశని మిగిల్చింది. అలాగే ప్రేమ కథకి కావాల్సిన ఫీల్ గుడ్ టచ్ అండ్ ఎమోషనల్ పెయిన్ కనెక్ట్ కాకపోవడం వలన సినిమాకి కనెక్ట్ అవ్వము. కాస్త హైప్ వచ్చిన శశి సినిమా కూడా ఆది కోరుకున్న హిట్ ఇవ్వలేకపాయింది.

చూడాలా? వద్దా?: ఇంత స్లో లవ్ స్టోరీని చూడటం కష్టమే.

తెలుగుబులెటిన్.కామ్ రేటింగ్ : 2/5