ఈమధ్య వివాదాస్పద ట్వీట్లకు విరామం ఇచ్చారని భావించిన వారికి.. లేదని తేల్చేశారు రామ్ గోపాల్ వర్మ. ఏకంగా హైదరాబాద్ మేయర్ గద్వాల్ విజయలక్ష్మిని టార్గెట్ చేస్తూ ఆయన చేసిన వరుస ట్వీట్లు ఇప్పుడు వివాదాస్పదం అయ్యాయి. ఆమె తన కుక్కకు కుడి చేత్తో తినిపిస్తూ.. ఎడమ చేత్తో తాను తింటున్న వీడియోను ఉద్దేశించి చేసిన వ్యాఖ్యలు వివాదాస్పదం అయ్యాయి.
‘కుక్కపై మేయర్ గారి ప్రేమ చాలా ఉన్నతంగా ఉంది. ఆమెను అంతర్జాతీయ కుక్కల మేయర్ గా ఎంపిక చేయొచ్చు. ఆమెను కుక్కల్ని ప్రేమించినంతగా తెలంగాణ ప్రజల్ని ఒక్క శాతమైనా ప్రేమిస్తారో లేదా అనే అనుమానం కలుగుతోంది. కుక్కలపై ఇంతగా ఓ మేయర్ ఇంత ప్రేమ చూపిస్తానంటే తాను వచ్చే జన్మలో ఖచ్చితంగా కుక్కగా పుట్టాలని కోరుకుంటా. కుక్కలపై ఆమె చూపించే ప్రేమను చూసి కేసీఆర్, కేటీఆర్ కూడా ఈర్ష్య చెందుతారేమో’ అని ట్వీట్ చేశారు. ప్రస్తుతం ఈ ట్వీట్లు వైరల్ అయ్యాయి.
Height of self less LOVE is the HONOURABLE MAYOR feeding the DOG with RIGHT HAND and herself eating with LEFT HAND .. @GadwalvijayaTRS should be made the international MAYOR of DOGS 🙏 pic.twitter.com/vKCh6uZ4U3
— Ram Gopal Varma (@RGVzoomin) March 3, 2021