బాలీవుడ్‌ నటుడు సుశాంత్‌ సింగ్‌ రాజ్‌పుట్‌ అనుమానాస్పద మరణం కేసు వెనక్కి వెళ్ళింది.. బాలీవుడ్‌లో డ్రగ్స్‌ కేసు ముందుకొచ్చింది. డ్రగ్స్‌ కేసు విచారణలో కనిపిస్తున్న వేగం, సుశాంత్‌ సింగ్‌ రాజ్‌పుట్‌ మిస్టీరియస్‌ డెత్‌ కేసులో కనిపించకపోవడం వెనుక అసలు కారణమేంటి.? ఇదిప్పుడు దేశవ్యాప్తంగా చర్చనీయాంశమయ్యింది. తెరవెనుక ఏదో జరుగుతోంది.! ఇదంతా ‘డైవర్షన్‌ రాజకీయం’ అనే అనుమానాలు రోజురోజుకీ బలపడుతున్నాయి.
దేశంలో ఇప్పటిదాకా డ్రగ్స్‌ వ్యవహారాలే వెలుగు చూడలేదా.? సినీ పరిశ్రమలో డ్రగ్స్‌ కలకలం ఇదే మొదటిసారా.? డ్రగ్స్‌ కేసుల్లో ఎవరికైనా ఇప్పటిదాకా తీవ్రమైన శిక్షలు పడ్డాయా.? ఇకపై పడబోతున్నాయా.? ఇలా చాలా చాలా ప్రశ్నలు తెరపైకొస్తున్నాయి. ప్రధానంగా నేషనల్‌ మీడియా, బాలీవుడ్‌ డ్రగ్స్‌ కేసుని చాలా స్పెషల్‌గా డీల్‌ చేస్తోంది. దేశంలో అతి ముఖ్యమైన సమస్యలు ఎలా వున్నా మీడియాకి అనవసరం. ‘గ్లామరస్‌’గా గాసిప్స్‌ వండి వడ్డించేస్తే సరిపోతుందన్నట్టుగా తయారైంది పరిస్థితి.
దేశంలో రోజువారీ కరోనా పాజిటివ్‌ కేసుల సంఖ్య లక్షకు చేరుకుంటోంది. మరణాలూ పెద్దయెత్తున చోటు చేసుకుంటున్నాయి. అయితే, ఇవన్నీ అధికారిక లెక్కలు మాత్రమే. అనధికారిక లెక్కలు తీస్తే, గుండె గుభేల్‌మనడం ఖాయం. కరోనా కారణంగా దేశం ఆర్థిక సమస్యలతో కొట్టుమిట్టాడుతోంది. ‘మారటోరియం’ గడువు ముగియడంతో వినియోగదారులకు బ్యాంకుల నుంచి వేధింపులు పెరిగిపోయాయి.. ఈ క్రమంలో కొందరు బలవన్మరణాలకు పాల్పడుతున్నారు కూడా. దురదృష్టవశాత్తూ ఇవేవీ మీడియాకి కనిపించడంలేదు.
కరోనా వచ్చినా, రాకపోయినా.. ఆ పేరు చెప్పి ప్రైవేటు ఆసుపత్రులు పేషెంట్లను దోచేస్తున్నాయి. ప్రభుత్వాలు ఈ వ్యవహారాలపై దృష్టిపెట్టకపోవడం కొత్త అనుమానాలకు తావిస్తోంది. నో డౌట్‌.. డ్రగ్స్‌ అంటే ఆషామాషీగా కొట్టిపారేయాల్సిన వ్యవహారం కాదు. కానీ, అంతకన్నా పెద్ద సమస్య కరోనా. ఫలానా నటికి నోటీసులు, ఫలానా నటి అరెస్ట్‌.. అంటూ నేషనల్‌ మీడియా అత్యుత్సాహం ప్రదర్శించడం వెనుక అసలు కోణం వేరే వుందనీ, ఇదంతా డైవర్షన్‌ రాజకీయమేనని రాజకీయ విశ్లేషకులు అభిప్రాయపడుతున్నారు.
తెలంగాణలో గతంలో వెలుగు చూసిన డ్రగ్స్‌ వ్యవహారం ఎలా డైల్యూట్‌ అయిపోయిందో అందరికీ తెలుసు. ఇప్పుడు బాలీవుడ్‌ డ్రగ్స్‌ కేసు కూడా అలాగే కనిపిస్తోంది. మీడియా ‘సమాజ హితం’ గురించి ఆలోచించడం ఎప్పుడో మానేసింది. ప్రభుత్వాలకు ‘తొత్తు’గా మారిపోయిన మీడియా.. కళ్ళు తెరుస్తుందని వాస్తవాలు చూస్తుందని, చూపిస్తుందని ఎలా ఆశించగలం.?
144098 847718Thank you for the auspicious writeup. It in fact was a amusement account it. Appear advanced to more added agreeable from you! Even so, how could we communicate? 882884
3734 276769Hey this really is kinda of off topic but I was wanting to know if blogs use WYSIWYG editors or if you need to manually code with HTML. Im starting a blog soon but have no coding experience so I wanted to get advice from someone with experience. Any assist would be greatly appreciated! 977507
699262 309899I truly appreciated this gorgeous weblog. Make confident you maintain up the very good work. Best Regards . 507678