జులై 8వ తేదీన దివంగత ముఖ్యమంత్రి వైఎస్ రాజశేఖర్రెడ్డి జయంతి నేపథ్యంలో అదే రోజున పేదలకు ఇళ్ళ పట్టాలు ఇవ్వాలని ఆంధ్రప్రదేశ్లో వైఎస్ జగన్ ప్రభుత్వం భావిస్తోంది. ఇందుకోసం గత కొద్ది నెలలుగా కసరత్తులు జోరుగా సాగుతున్నాయి. కరోనా ఎఫెక్ట్ లేకపోయి వుంటే, మార్చి నెలాఖరునే ఇళ్ళ పట్టాలు పేదలకు ఇచ్చేసి వుండాలి. ఏకంగా 30 లక్షల ఇళ్ళ పట్టాల్ని ఇవ్వాలన్నది వైఎస్ జగన్ ప్రభుత్వం సంకల్పం.
అయితే, ఇప్పటికీ కొన్ని చోట్ల పేదలకు ఇవ్వాల్సిన ఇళ్ళ పట్టాలకు సంబంధించి స్థలాల సేకరణ ఓ కొలిక్కి రాకపోవడం గమనార్హం. గతంలో చంద్రబాబు హయాంలో పేదలకు ఇళ్ళు కట్టించడం జరిగింది. కానీ, వాటిల్లో చాలావరకు లబ్దిదారులకు చేరలేదు. కొన్ని కేటాయింపులు జరిగినా, ఆ కేటాయింపులు గందరగోళంగా తయారయ్యాయి. పేదవాడికి గూడు కల్పించాలన్నదే ముఖ్య ఉద్దేశ్యమైతే, గడచిన ఏడాది కాలంలో ఈ ప్రక్రియను వైఎస్ జగన్ ప్రభుత్వం కొనసాగించి వుండేదే.
సరే, కారణాలేవైతేనేం.. జులై 8వ తేదీన ముహార్తం పెట్టుకున్నారు. కానీ, ఈలోగా బోల్డన్ని ఆరోపణలు. అందులో, ఇళ్ళ స్థలాల పేరుతో 20 వేల రూపాయల నుంచి 60 వేల రూపాయల దాకా పేదల నుంచి అధికార పార్టీ నేతలు వసూలు చేస్తున్నారనే ఆరోపణలే ఎక్కువ. సాక్షాత్తూ వైసీపీ ఎంపీ రఘురామకృష్ణరాజు ఈ విషయమై సంచలన ఆరోపణలు చేశారు. ‘స్థలాల ధరలు ఎక్కువ అవడంతో..’ అనే సాకు చూపి, స్థానిక వైసీపీ నేతలే రంగంలోకి దిగి, ఈ వసూళ్ళకు పాల్పడుతున్నారంటూ ఆయా జిల్లాల్లోని కొన్ని ప్రాంతాల నుంచి ఘాటైన ఆరోపణలు వస్తున్నాయి. మీడియాలో దీనికి సంబంధించి నిత్యం కథనాలు చూస్తూనే వున్నాం.
మరోపక్క, లబ్దిదారుల్లో ఎక్కువగా వైసీపీ మద్దతుదారులే వుంటున్నారనీ, నిజమైన లబ్దిదారులకు చోటు దక్కడంలేదన్న ఆరోపణలూ లేకపోలేదు. అయితే, ఇదంతా విపక్షాల కుట్ర అనీ, ఇళ్ళ స్థలాల విషయంలో పూర్తి పారదర్శకంగా వ్యవహరిస్తున్నామని ప్రభుత్వం చెబుతోంది.
నిజానికి, ఒకేసారి 30 లక్షల మందికి ఇళ్ళ స్థలాలు ఇవ్వడమంటే ఇదొక చారిత్రక ఘట్టంగానే చెప్పుకోవాల్సి వుంటుంది. పారదర్శకంగానే ప్రభుత్వం ఈ కార్యక్రమాన్ని చేపడితే.. ముఖ్యమంత్రిగా వైఎస్ జగన్ పేరు చిరస్థాయిగా నిలిచిపోతుంది. కానీ, వెల్లువెత్తుతున్న ఆరోపణలు.. స్థలాలు దక్కడం లేదంటూ ఆవేదన వ్యక్తం చేస్తున్న పేదల మాటలే నిజమైతే.. అది ప్రభుత్వానికి మాయని మచ్చగా మారుతుందన్నది నిర్వివాదాంశం.
707946 938344Ive the same issue sometimes, but I normally just force myself by way of it and revise later. Very good luck! 412543
383906 756973Hi, have you ever before asked yourself to write about Nintendo or PSP? 637913