మనం ‘సినిమాలు’ ఎందుకు చూస్తాం.!

నేటి తరంలో వినోదం అనేది ఒక్క క్లిక్ దూరంలో ఉన్నప్పటికీ, సినిమా టికెట్ల ధరలు మన అవసరాల కంటే ఎక్కువ అయినప్పటికీ సిసలైన వినోదం కోసం థియేటర్లకు వెళ్ళి మరీ సినిమాలు చూస్తాం.

అసలు మనం ‘సినిమాలు’ ఎందుకు చూస్తాం.?

ఎందుకంటే, సినిమాలు మన జీవితం ఆవల జరుగుతున్న పరిణామాలను, ఘటనలను అనుభవించేలా చేస్తాయి. అవి మనకి యుద్ధం లోతుల్లోని పోరాటాన్ని, యుద్ధం యొక్క ఉత్పాతాలను కళ్ళ ముందు ఉంచుతాయి. చరిత్రను చూపిస్తూనే భవిష్యత్తును పరిచయం చేస్తూ అంతరిక్ష మూలాలకు తీసుకెళ్తాయి.

సమాజంలో అందరూ సమానమనే సత్యాన్ని చూపిస్తూ గొంతులేని వారి తరపున గొంతెత్తి మాట్లాడుతాయి. భయం యొక్క ఉద్వేగాన్ని, విజయం అందించే భావోద్వేగాన్ని మనసుకు తాకేలా చేస్తాయి.

వాస్తవానికి మనకు సినిమాలు కావాలి ఎందుకంటే, అవి మనల్ని మనకు చూపించటంతో పాటు ఇతరులతో పోల్చుకునేలా, ప్రభావితులయ్యేలా, ప్రేమించేలా చేయటమే కాక మనతో మనం నవ్వుకునేలా, దుఃఖించేలా, కలల్ని కనేలా, కాంకింక్షేలా, ప్రశ్నించేలా చేస్తాయి. మరీ ముఖ్యంగా సినిమాలు మనకు సాటి మనిషిలో లోపాలున్నప్పటికీ వారిని వారిగా స్వీకరించేలా పాఠాలు నేర్పిస్తాయి.

సినిమా అనే శక్తివంతమైన మాధ్యమాన్ని అర్ధం చేసుకోవటంతో పాటు ఆయా పాత్రలను విమర్శనాత్మక ధోరణిలో చూడటం వల్ల మన ఆలోచనా ధోరణి మారుతుంది.

ప్రతీ సినిమా మనకు ఏదో ఒకటి నేర్చుకునే అవకాశం ఇస్తుంది. ఈసారి మీరు సినిమా చూసేటపుడు మిమ్మల్ని మీరు తెలుసుకునే ప్రయత్నం చేయండి.

‘సినిమా’ అనేది వైరస్ ను నయం చేయలేకపోవచ్చు, జీవితాలను, ప్రాణాలను కాపాడలేకపోవచ్చు కానీ ఖచ్చితంగా మార్చగలవు.

కరోనా మహమ్మారి కోరల నుండి త్వరగా బయటపడి మనకు ఎంతో ఇష్టమైన ‘సినిమా’ను థియేటర్లలో చూడాలని ఆశిద్దాం.

*సూర్య ప్రకాష్ వేద