క్రైమ్ న్యూస్: బాలికపై ఇద్దరు యువకుల దారుణం .. ఏడాదిగా అత్యాచారం

దేశంలో మహిళలకు రక్షణ కరువైపోతోంది. అభం శుభం తెలీని బాలికల జీవితాలు ఎందరో కామాంధుల అకృత్యాలకు బలైపోతున్నారు. ఎన్నో ఉదంతాల్లో ఎందరో నిందితులకు శిక్షలు పడుతున్నా ఇటువంటి ఆగడాలు ఆగడం లేదు. సమాజం తల దించుకునే మరో దారుణ సంఘటన యూపీలోని నొయిడాలో జరిగింది. 17ఏళ్ల బాలికపై పైశాచికంగా తమ కామ వాంఛ తీర్చుకోవడమే కాకుండా ఆ వీడియోలను వాట్సాప్ లో పెట్టారు. ఏడాదిగా జరుగుతున్న ఈ దారుణం ఇప్పుడు వెలుగులోకి వచ్చింది.

బతుకుతెరువు కోసం నోయిడా వెళ్లిన ఇద్దరు అక్కాచెళ్లెల్లు ఓ ఇంట్లో అద్దెకు ఉంటునారు. అదే ప్రాంతంలో ఉంటున్న ఇద్దరు యువకులు చాంద్, షాన్ వారిపై కన్నేశారు. వారిలో 17ఏళ్ల బాలికపై కన్నేశారు ఆ కామాంధులు. కూల్ డ్రింక్ లో మత్తు మందు ఇస్తూ దాదాపు ఏడాదిగా ఆమెపై తమ రాక్షస కాండ జరిపారు. అక్కడితో ఆగకుండా వారి వికృత చర్యలను వీడియో తీసారు. ఎవరికైనా చెబితే చంపేస్తామన్నారు.

ఆ బాలిక వారి నుంచి తప్పించుకుని పారిపోయి తన స్వగ్రామం చేరుకుంది. దీంతో ఆ దుర్మార్గులిద్దరూ ఆ వీడియోలను వాట్సాప్ గ్రూపుల్లో పెట్టారు. స్వగ్రామం చేరుకున్న ఆ బాలిక జరిగిన దారుణాన్ని కుటుంబానికి వివరించింది. దీంతో ఆమె సోదరుడు పోలీసులకు ఫిర్యాదు చేశాడు. వెంటనే రంగంలోకి దిగిన పోలీసులు ఆ యువకులను అరెస్టు చేశారు. ప్రభుత్వాలు ఎంత కఠిన చట్టాలు తీసుకొచ్చినా ఇటువంటి ఆగడాలు ఆగకపోవడం విచారకరం.