వలస కార్మికుల తరలింపు విషయంలో కేంద్ర ప్రభుత్వం అకస్మాత్తుగా యూ టర్న్ తీసుకోవడంపై విమర్శలు వెల్లువెత్తుతున్నాయి. లాక్ డౌన్ నేపథ్యంలో పలు రాష్ట్రాల్లో వలస కార్మికులు చిక్కుకుపోయిన సంగతి తెలిసిందే. పని లేకపోవడంతో పస్తులతో అక్కడ ఉండలేక.. రవాణా సౌకర్యం లేకపోవడం సొంతూళ్లకు వెళ్లలేక వాళ్లు నానా యాతనలు పడుతున్నారు. కొంతమంది మూటాముల్లె సర్దుకుని వందల కిలోమీటర్ల మేర నడిచి వెళ్లారు.
ఈ నేపథ్యంలో 40 రోజుల తర్వాత వలస కార్మికుల విషయంలో కేంద్రం స్పందించింది. వారిని స్వస్థలాలకు తీసుకెళ్లేందుకు రాష్ట్రాలకు కొన్ని మార్గదర్శకాలు ఇచ్చింది. తగిన జాగ్రత్తలతో బస్సుల్లో వారిని తరలించాలని సూచించింది. అయితే, దీనిపై పలు రాష్ట్రాలు అభ్యంతరం వ్యక్తంచేశాయి. అంత దూరం నుంచి బస్సుల్లో వారిని తీసుకురావడం అసాధ్యమని, అందువల్ల ప్రత్యేక రైళ్లలో వారిని స్వస్థలాలకు తీసుకెళ్లాలని పేర్కొన్నాయి.
ఇందుకు సమ్మతించిన కేంద్రం.. రైళ్లు నడపటానికి నిర్ణయించింది. ఒకటి రెండు రైళ్లు వెళ్లాయో లేదో కేంద్రానికి తత్వం బోధపడింది. తరలించాల్సిన వాళ్లు లక్షల్లో ఉన్నారని అర్థమైంది. వారందరినీ తరలించాలంటే శక్తికి మించిన భారమని భావించిందో ఏమో.. వెంటనే యూ టర్న్ తీసుకుంది. లాక్ డౌన్ ముందు వివిధ రాష్ట్రాలకు వెళ్లి చిక్కుకుపోయినవారిని మాత్రమే తరలించాలంటూ మెలిక పెట్టింది.
ఉపాధి కోసం గత కొంతకాలంగా ఇతర రాష్ట్రాల్లో ఉంటున్న కార్మికులు కొత్త మార్గదర్శకాల ప్రకారం తమ సొంత రాష్ట్రాలకు వెళ్లడానికి అనర్హులన్నమాట. ఇది కార్మికుల పాలిట ఆశనిపాతమే. పైగా ప్రత్యేక రైళ్లలో ప్రయాణించేవారి నుంచి స్థానిక ప్రభుత్వ యంత్రాంగం డబ్బులు వసూలు చేసి తమకు ఇవ్వాలంటూ రైల్వేశాఖ కోరడం విమర్శలకు తావిచ్చింది. సాక్షాత్తు బీజేపీ ఎంపీ సుబ్రమణ్య స్వామి దీనిపై మండిపడ్డారు. ఈ నేపథ్యంలో వలస కార్మికుల తరలింపు విషయంలో కేంద్రం వెనక్కి తగ్గడంతో కాంగ్రెస్ ముందుకొచ్చింది.
వలస కార్మికులను తరలించడానికి అయ్యే ఖర్చును కాంగ్రెస్ భరిస్తుందని ఆ పార్టీ అధినేత్రి సోనియాగాంధీ ప్రకటించారు. కూలీల సమస్యల్ని పరిష్కరించడంతో బీజేపీ సర్కారు ఘోరంగా విఫలమైందని విమర్శించారు. దీంతో దీంతో రైల్వే మంత్రి పీయూష్ గోయెల్ రంగంలోకి దిగారు. కూలీల తరలింపునకు అయ్యే ఖర్చులో 85 శాతం కేంద్రం, 15 శాతం ఆయా రాష్ట్ర ప్రభుత్వాలు భరిస్తాయని ప్రకటించారు. ఈ విషయాన్ని సుబ్రమణ్య స్వామే మళ్లీ ట్విట్టర్లో వెల్లడించారు. మరి ఇప్పటికైనా కార్మికులు ఏ సమస్యా లేకుండా తమ స్వస్థలాలకు చేరుకోవడంలో ప్రభుత్వాలు సరిగా పనిచేస్తాయో లేదో చూడాలి.
774681 266909Aw, this became an incredibly good post. In idea I would like to set up writing like that in addition – taking time and actual effort to produce a terrific article but what / items I say I procrastinate alot via no indicates appear to get something completed. 815225