చావు భయం ముందట డబ్బున్నోడైనా, పేదోడైనా ఒకటే. కంటికి కనిపించని ఓ చిన్న వైరస్ కారణంగా ఈ రోజు ప్రపంచం విలవిల్లాడుతోంది. యునైటెడ్ కింగ్డమ్.. అభివృద్ధి చెందిన దేశాల్లో ఇదీ ఒకటి. ఆ దేశ ప్రధాని బోరిస్ జాన్సన్ ఇటీవల కరోనా వైరస్ బారిన పడ్డ విషయం విదితమే. తాను కరోనా వైరస్తో బాధపడుతున్న విషయాన్ని ఆయనే స్వయంగా వెల్లడించారు. ఏప్రిల్ 5 నుంచి ఏప్రిల్ 12 వరకూ ఆసుపత్రిలో వైద్య చికిత్స తీసుకున్నారాయన. ఓ దశలో ఆయన ఆరోగ్య పరిస్థితి విషమించింది కూడా. అయితే, ‘ఆయన వెంటిలేటర్ మీద లేరు.. ఆయన ఆరోగ్యంగానే వున్నారు..’ అంటూ యూకే ప్రభుత్వం తమ ప్రధాని విషయమై అధికారికంగా ప్రకటించింది అప్పట్లో. ఎలాగైతేనేం, ఆయన కోలుకున్నారు.
తాజాగా ఓ ఇంటర్వ్యూలో మాట్లాడిన బోరిస్ జాన్సన్, తాను ఆసుపత్రిలో చవిచూసిన కరోనా భయం గురించి ఆసక్తికరమైన విషయాల్ని వెల్లడించారు. ‘ఆ సమయంలో లీటర్ల కొద్దీ ఆక్సిజన్ని ఎక్కిస్తున్నారు.. ఎవరెవరో వస్తున్నారు.. ఏమేమో చేస్తున్నారు.. నాకు అంతా అర్థమవుతోంది. నేనిక బతికే అవకాశం లేదని తెలుసుకున్నాను. మరోపక్క, నేను మరణిస్తే ఏం చేయాలన్నదానిపై సన్నాహాలు జరిగాయి..’ అని బోరిస్ జాన్సన్ వ్యాఖ్యానించడం గమనార్హం.
సాధారణ జ్వరం లాంటిదేనని కొందరు.. అదిగో ఆ మెడిసన్ పనిచేసేస్తోందని ఇంకొకరు.. కరోనా వైరస్ తీవ్రతను తక్కువ చేసి చూపే ప్రయత్నం చేస్తన్నా.. కరోనా సాదా సీదా మహమ్మారి కాదనే విషయం యూకే ప్రధాని మాటల్లో స్పష్టమవుతోంది. దేశాధినేతను కాపాడుకోలేకపోతున్నామని యూకే ప్రభుత్వమే ఆవేదన చెందిందంటే.. ఆ మహమ్మారి ఎంత తీవ్రమైనదో అర్థం చేసుకోవచ్చు.
తనకు వైద్య చికిత్స అందించిన వైద్యుల పేర్లను తన కుమారుడికి బోరిస్ జాన్సన్ పెట్టడం గమనార్హం. నిజానికి, కరోనా వైరస్ నుంచి కోలుకున్న బోరిస్ జాన్సన్.. ఇది తనకు పునర్జన్మ అనే భావనలో వున్నారు. చాలా విషయాల్లో తాను చాలా మారిపోయానని అంటున్నారాయన.
ప్రపంచంలో డబ్బు, అధికారం కంటే చాలా ముఖ్యమైనది ప్రాణమనీ, కరోనా బాధితుల ఆవేదన ఎంతటిదో తాను స్వయంగా చవిచూశానని చెప్పుకొచ్చారు బోరిస్ జాన్సన్. ‘కరోనా వైరస్కి ముందు నేను వేరు.. కరోనా వైరస్ తర్వాత నేను వేరు..’ అని బోరిస్ జాన్సన్ చెబుతున్నారిప్పుడు.
365233 409877Outstanding weblog here! Moreover your site rather a good deal up quick! What host are you the usage of? Can I get your affiliate link to your host? I wish my web site loaded up as rapidly as yours lol 853315
876943 344719There is noticeably a bundle to realize about this. I assume you created various nice points in attributes also. 902434
148024 222836I believe this web site has some truly excellent info for everybody : D. 894609
665227 330820Hmm is anyone else encountering difficulties with the pictures on this weblog loading? Im trying to figure out if its a problem on my finish or if its the blog. Any responses would be greatly appreciated. 776989