కేకేనా కవితానా.. సందిగ్ధంలో కేసీఆర్..!!

ఏప్రిల్ 2 తరువాత తెలంగాణకు రాజ్యసభలో మరో రెండు సీట్లు రాబోతున్నాయి. ఏప్రిల్ 2 తో ఇద్దరి పదవీకాలం ముగియబోతున్న సంగతి తెలిసిందే. తెరాస పార్టీకి 104 మంది ఎమ్మెల్యేలు ఉన్నారు. అంతేకాదు, తెరాస కు మజ్లీస్ పార్టీ మిత్రపక్షంగా ఉన్నది. దీంతో తెలంగాణనుంచి ఉన్న ఏడు రాజ్యసభ ఎంపీలు తెరాస పార్టీ సొంతం అవుతాయి. ఇది ఆ పార్టీకి కలిసి వచ్చే అంశంగా చెప్పొచ్చు.

అయితే, ఇప్పుడు ఆ రెండు రాజ్యసభ స్థానాల్లో ఎవరిని నియమించబోతున్నారు అనే విషయం ఇప్పుడు హాట్ టాపిక్ గా మారింది. ఈ రెండు స్థానాల కోసం తెరాస లో గట్టి పోటీ ఉన్నది. తెలంగాణకు చెందిన కె కేశవరావు పదవీకాలం కూడా ఏప్రిల్ 2 తో ముగుస్తుంది. అయన ప్రస్తుతం ఆంధ్రప్రదేశ్ నుంచి రాజ్యసభ ఎంపీగా ఉన్నారు. అయితే, ఆయనకు రెండు స్థానాల్లో ఒకటి తప్పనిసరిగా కేటాయిస్తారని అంటున్నారు.

మరొక స్థానం నుంచి కవితను పోటీలో ఉంచుతారని తెలుస్తోంది. 2014లో కవిత నిజామాబాద్ ఎంపీగా విజయం సాధించింది. కానీ, 2019 ఎన్నికల్లో ఓటమిపాలైంది. దీంతో కవిత రాజకీయాల్లో పెద్దగా చురుగ్గా ఉండటం లేదు. తిరిగి ఆమెను రాజ్యసభకు పంపించి రాజకీయాల్లో యాక్టివ్ చేయాలి అన్నది తెరాస ప్లాన్. అయితే, ఈ రెండు సీట్ల కోసం వీరితో పాటుగా మాజీ ఎంపీ వినోద్ కుమార్, మాజీ స్పీకర్ మధుసూధనాచారి, బూర నర్సయ్య గౌడ్, తుమ్మల, జూపల్లి ఇలా ప్రతి ఒక్కరు ట్రై చేస్తున్నారు.

ఇప్పటి వరకు ఎస్సి, ఎస్టీ లకు తెరాస లో పెద్దగా ప్రాధాన్యత ఇవ్వలేదని, మైనారిటీ వర్గాలకు ఒక రాజ్యసభ ఎంపీ సీటు కేటాయించాలని కొందరు డిమాండ్ చేస్తున్నారు. రెండు ఎంపీ సీట్ల కోసం భారీ లాబీయింగ్ జరుగుతుండటంతో అధినాయకుడు కేసీఆర్ మనసులో ఏమున్నది.. ఎవరికీ ఆ రెండు సీట్లు కట్టబెడుతున్నారు అన్నది తెలియాలంటే ఈ నెలాఖరు వరకు ఆగాల్సిందే.