రాజమౌళి దర్శకత్వంలో రూపొందుతున్న ఆర్‌ఆర్‌ఆర్‌ చిత్రం షూటింగ్‌ శరవేగంగా జరుగుతోంది. రామ్‌ చరణ్‌, ఎన్టీఆర్‌లు ఈ చిత్రంలో నటిస్తున్న విషయం తెల్సిందే. రామ్‌ చరణ్‌ అల్లూరి సీతారామరాజు పాత్రను పోషిస్తు ఉండగా, ఎన్టీఆర్‌ కొమురం భీం పాత్రలో నటిస్తున్నాడు. వీరిద్దరి పాత్రల పరిధి ప్రాముఖ్య, నిడివి విషయంలో ప్రస్తుతం సినీ వర్గాల్లో చర్చనీయాంశంగా ఉంది. ఎన్టీఆర్‌ పోషిస్తున్న కొమురం భీం పాత్ర అల్లూరి పాత్రకు కాస్త ఎక్కువ ఉంటుందని అంటున్నారు.
ఈ విషయం తెలిసిన చిరంజీవి చాలా సీరియస్‌గా ఉన్నాడని, తాను మొదటి నుండి పట్టించుకోకుండా ఉండటంతో ఇలా చేస్తారా అంటూ రాజమౌళిపై చిరంజీవి ఆగ్రహం వ్యక్తం చేశాడంటూ ప్రచారం జరుగుతోంది. చిరంజీవి ప్రస్తుతం ఆర్‌ఆర్‌ఆర్‌ రీ షూటింగ్‌కు డిమాండ్‌ చేస్తున్నాడట. నిర్మాత దానయ్యను తాను ఒప్పిస్తాను ఎన్టీఆర్‌ కంటే తక్కువ పాత్ర ఉంటే మాత్రం ఒప్పుకునేది లేదు అంటూ హెచ్చరించాడట.
రాజమౌళి ఈ విషయమై మళ్లీ మార్పులు చేర్పులు చేసేందుకు సిద్దం అయినట్లుగా సమాచారం అందుతోంది. పెద్ద ఎత్తున ఈ విషయమై ఇండస్ట్రీలో చర్చలు జరుగుతున్నాయి. ఎన్టీఆర్‌కు ఉన్న ఇంట్రడక్షన్‌ భారీ ఫైట్‌ సీన్‌ చరణ్‌ కు ఉండదట. సింపుల్‌గా చరణ్‌ ఎంట్రీ ఇస్తాడట. అలాగే ఎన్టీఆర్‌కు ఇద్దరు హీరోయిన్స్‌ ఉంటే చరణ్‌కు మాత్రం చాలా సింపుల్‌గా పాత్రను చూపిస్తాడట. అందుక చరణ్‌ పాత్ర గురించి చిరంజీవి నిరాశ వ్యక్తం చేశాడంటూ సమాచారం అందుతోంది. అయితే ఈ పుకార్లను కొందరు కొట్టి పారేస్తున్నారు. ఇవి పూర్తిగా అబద్దాలు అంటున్నారు. అసలు విషయం ఏంటో ఆ జక్కన్నకే ఎరుక.
301176 550160great post. Neer knew this, thankyou for letting me know. 632052